اتصل ابراهيم بولده الأكبر غريب ليرد غريب بعد عدة ثوان قائلا بوقار: السلام عليكم يا حاج.
ابراهيم: عليكم السلام يا حبيبي، بقولك يا غريب عايزك في موضوع كدة تعلالي المكتب.
نهض غريب بتعجب قائلا: حاضر يا حاج مسافة السكة، اغلق الهاتف مع والده يفكر في ماذا يريده ترك المعرض المسئول عنه مع مديره فقد انهي عمله وليذهب لوالده أيضا ..
في مكتب ابراهيم، تحدث غريب بهدوء قائلا: احنا يا حاج مشينا الموضوع من الاول جاي دلوقتي وعايز تلغيه كنا لغينا من الاول ديه سمعة بنت ودخل وخرج من عندهم كذا مرة.
ابراهيم بتنهيدة وهو يجلس أمام ابنه علي الأريكة: خايف اكون بظلم البنت ديه بنت ناس اللي مرضوش علي بنتي مرضوش عليها.
غريب باهتمام: متزعلش يا حاج الكلام ده من كان من الاول قبل ما يدخل ويخرج بص اسمعني يا حاج احنا دخلنا البيت من بابه انت لو خليت كرم يسيبها دلوقتي هيبوظ اكتر من الاول ويرجع للبنت إياها وهتكسر بخاطر البنت ديه خصوصا أن الرفض جاي من عندنا احنا.
ابراهيم باهتمام: يعني انت شايف أنه يكمل احسن.
غريب بتفكير: اللي فيه خير يقدمه ربنا يا حاج سيب انت بس المراكب سايرة لغاية ما نشوف هترسي علي فين.
اومأ له ابراهيم فهو لا يشعر بالارتياح تجاه ذلك الموضوع لا يضمن كرم يخشي علي ليالي أكثر من ابنه فتصرفات كرم الأخيرة غير متزنة اطلاقا، بينما ينظر غريب لوالده يعلم ما يدور بداخله من قلق سيفعل ما بوسعه حتي لا يقوم كرم بعمل مشين تجاه العائلة ..
رن هاتف ابراهيم لم ينتبه له ليقول غريب كي يلفت انتباهه: حاج يا حاج.
ابراهيم بانتباه: ها ايه يابني.
غريب بابتسامة: تليفونك يا حاج، نظر ابراهيم لهاتفه وجد رقم سيد فاعتلت ملامح القلق وجهه لينظر لابنه قائلا بتوتر: ده سيد ابو ليالي.
قطب غريب حاجبيه قائلا: رد ياحاج متقلقش ممكن يكون عايزك في حاجة عادية.
ابراهيم بارتباك: ربنا يستر واخوك ميوطيش راسي مع الناس، شعر غريب بالضيق لأبيه بينما رد ابراهيم قائلا بابتسامة: اهلا يا ابو العروسة عامل ايه.
انتظر ابراهيم حتي يقول سيد ما لديه لتتغير ملامح وجهه للحنق قائلا: امتي حصل الكلام ده.
نظر غريب بتساؤل لوالده ليكمل ابراهيم قائلا بينما يضغط علي الهاتف بيديه بعصبية مفرطة حاول السيطرة عليها بقدر المستطاع: الموضوع مش زي ما انت فاهم يا سيد احنا هنيجيلكم مسافة السكة بعد اذنك طبعا.
انتظر ابراهيم حتي يقول سيد ما لديه ليقول بابتسامة لم تصل لعينيه: خلاص يا سيد مسافة السكة ونبقي عندكم وانا بنفسي هفهم ليالي الموضوع.
أنت تقرأ
ليالي الغريب
Romanceانتظر سنوات عديدة علي أمل أن تأت من تحتل فؤاده إلي أن مل من الانتظار لينشغل بأعمال العائلة ومشاكلها .. كانت مثل العديد من الفتيات تحلم بفارس احلامها وضعت مقاييس معينة تختاره علي أساسها لكن للنصيب رأي آخر سنتعرف عليه من خلال الأحداث ..
