يا نهار ابيض الوقت اتاخر اوي أنا ازاي نمت كل ده، كانت تلك الكلمات التي نطقت بها نسرين لتنهض مسرعة ترتدي ملابسها بينما ينظر لها حسن بملل قائلا: خلاص يا نسرين هتقولي كالعادة كنتي عند مامتك متقلقيش.
نسرين بعجلة: انت مش عارف دول مقرفين ازاي في البيت وكمان غريب اخوه رجع من السفر وده مبيطقنيش خالص.
أردف حسن بسخرية: ده اللي اتجوز البت اللي خلتيني اهددها ديه.
امتعض وجه نسرين قائلة: متفكرنيش بالمشكلة اللي عملتهالي مع كرم ساعتها كان مصمم يتخانق مع نائل كنت خايفة يكلمه اوي لازم تقول يعني أنك تبعي وانك اخويا كمان.
ضحك حسن عندما تذكر فعلته لتخرج نسرين مسرعة من المنزل بعدما ارتدت ملابسها لاسفل البناية وصعدت سيارتها التي جلبها لها كرم متوجهة سريعا لمنزل زوجها ...
جذبها كرم من يدها بشدة قائلا: يلا امشي قدامي.
جذبه سعيد من يديه قائلا بغضب: انت ازاي تمسكها كدة انت تعرفها.
نظر كرم ليديه بغضب لينزعها عنه بعنف قائلا وهو يقف أمامه بينما سلمي تقف خلفه بصدمة مما يحدث: أيوة تبقي بنت خالتي.
سعيد بتهكم: وده ميدلكش الحق انك تعاملها بالاسلوب ده برده.
ابتسم كرم بسخرية بينما سحبها خلفه من أمام ذلك الشخص قبل أن يفقد أعصابه ليوقفهم سعيد بقوله: متأكدة يا آنسة سلمي انك عايزة تمشي معاه.
سلمي بايماءة حتي لا يسوء الوضع وهي تحاول نزع يديها من بين يدي كرم ولكن فشلت: أيوة يا فندم استاذ كرم يبقي ابن خالتي وجاي يوصلني علشان الوقت أتأخر.
اومأ سعيد وهو ينظر لكرم بتفحص بينما كرم نظر له بضيق ثم خرج ساحبا سلمي خلفه حتي وصلا للسيارة لتسحب سلمي يدها بغضب قائلة: انت ازاي تشدني كدة يا كرم ايا كانت الصلة بينا ده ميدكش الحق تمد ايدك عليا.
نظر لها كرم قائلا بغضب خفي: اطلعي العربية يا سلمي وخلي ليلتك تعدي علي خير عيلتك كلها في البيت عندنا يا هانم وكله مرعوب علي الهانم اللي مبتردش علي موبايلها واتاخرت علي ميعادها.
اردفت سلمي بتذكر: أنا عاملة الموبايل سايلنت صحيح علشان كان عندي شغل كتير.
جذبها كرم مرة أخري بتذكر قائلا: صحيح مكنش في غيرك وغيره في المكتب ليه مش معاد مرواحك ٥ قاعدة لغاية دلوقتي ليه يا هانم.
جذبت يدها منه بعنف قائلة: متلمسنيش تاني يا كرم احسنلك.
صوتها جذب المارة لينظر حوله بحنق ثم أمرها: اطلعي العربية يلا علشان العيلة مستنية يلا يا سلمي اتقي شيطاني.
صعدت سلمي السيارة بحنق وجلست بجواره بينما صعد هو الآخر وبعدما اغلق باب السيارة وجد سعيد يقف علي باب المكتب ينظر له بتفحص لينظر له كرم بضيق ويذهب بالسيارة من أمامه ..
أنت تقرأ
ليالي الغريب
Romanceانتظر سنوات عديدة علي أمل أن تأت من تحتل فؤاده إلي أن مل من الانتظار لينشغل بأعمال العائلة ومشاكلها .. كانت مثل العديد من الفتيات تحلم بفارس احلامها وضعت مقاييس معينة تختاره علي أساسها لكن للنصيب رأي آخر سنتعرف عليه من خلال الأحداث ..
