ضحكت ليالي بشدة علي الهاتف لتقول رحمة بغيظ: انتي بتضحكي أنا شكلي كان حقير.
اردفت ليالي بمرح: ديه العادة بتاعتك يابنتي بس قوليلي بقي حصل ايه بعد ما قومتي واكتشفتي أنه المعيد اللي اتخانقتي معاه قبل كدة.
رحمة بغيظ: يابنتي لقيته بيبتسم ابتسامته اللي بحكيلك عنها اللي ببقي هموت واضربه وبيشاور براسه علي مكان مامتي ومامته وخالتو لقيتهم بيبصولي باستغراب.
ضحكت ليالي بشدة لتقول رحمة بغيظ: لو فضلتي تضحكي كتير هقفل ومش هحكيلك حاجة بعد كدة.
اردفت ليالي بسرعة: لا لا خلاص هحاول مضحكش كملي خرجتي من الموقف ازاي ولا معرفتيش.
رحمة بتلقائية: ولا حاجة قولتلهم اني استغربت بس أن المعيد بتاعي اتقدملي وقعدت تاني وانا وشي احمر من كتر الاحراج.
ليالي بتنهيدة: وايه كمان.
رحمة: ولا حاجة يابنتي لقيته بيقولي بتحبي تحطي نفسك دايما في مواقف وحشة حاول تظبطي انفعالاتك شوية مش هفضل اعلم فيكي كتير صاحبتك تسكت بقي؟
ليالي بابتسامة: لا طبعا اديتيه جملة اكيد من جملك الدبش طفشتيه.
رحمة بحزن: للاسف كلام نصه صح ونصه غلط.
ليالي بتشويق: ها اخلصي بقي احكي كله مرة واحدة.
بتنهدت رحمة قائلة: قولتله روح اتعلم انت الاول كويس وابقي تعالي كلمني وانا من دلوقتي رافضة الجوازة ديه تحب ترفض انت ولا ارفض أنا قالي خلاص هرفض أنا علشان سمعت من مامتي أن مامتك مرحبة بالموضوع جدا.
ليالي بحزن: انتي غبية يا رحمة اكيد بيحبك الا كان قام ادالك قلمين علي الكلام بتاعك ده.
رحمة بحنق: والله انتي اللي غبية علشان تصدقيه زيي .. فلاش باك#
نهض عمر ونظر لرحمة بوجه يرتسم عليه الحزن ولكن رحمة لم تتأثر ظلت تنظر لهم جميعا بابتسامة تقدم من والدتها و والدته وخالتها ليقول بابتسامة تنافي شكله منذ ثوان: خلاص يا جماعة تقدروا تقولوا مبروك رحمة وافقت وقالتلي ابلغكوا بموافقتها علشان مكسوفة.
كانت رحمة مبتسمة حتي استمعت لحديثه لتتغير معالم وجهها حين استمعت للزغاريد وتفاجأت بالجميع يقبلها بينما هو يقف أمامها يغيظها بابتسامته التي تثير غضبها .. انتهاء الفلاش باك#
رحمة: الو ليالي روحتي فين ليالي.
كانت ليالي فعلت وضع كتم الصوت وضحكت باعلي صوتها علي صديقتها ثم هدأت نفسها قليلا واعادت الحديث معها بصوت حاولت السيطرة علي هدوءه: حصل خير يا رحمة يعني نقول مبروك لما ارجع بقي من شهر العسل.
رحمة بغيظ: مبروك اي.. نهضت رحمة عن الفراش قائلة: ثانية واحدة ترجعي منين قولتي.
ليالي بابتسامة: شهر العسل دوري احكيلك بقي.
أنت تقرأ
ليالي الغريب
Romansaانتظر سنوات عديدة علي أمل أن تأت من تحتل فؤاده إلي أن مل من الانتظار لينشغل بأعمال العائلة ومشاكلها .. كانت مثل العديد من الفتيات تحلم بفارس احلامها وضعت مقاييس معينة تختاره علي أساسها لكن للنصيب رأي آخر سنتعرف عليه من خلال الأحداث ..
