ليالي الغريب

الفصل العشرون

ابتسم غريب وهو يحمل لوچي بين يديه متوجها لسيارته قائلا: خلاص ياست لوچي الحمدلله مش كسر طلع جزع بسيط وشوية وتخفي، احتضنته لوجي ليبتسم علي فعلتها ..

صعد محمد السيارة بجواره قائلا بتنهيدة: الحمدلله يلا يا غريب نطلع علي البيت بسرعة زمان كرمة مش مبطلة عياط.

ضحك غريب قائلا: هتفضل طفلة كرمة ديه.

صعدا السيارة متوجهين للمنزل غير مدركان ما يحدث هنالك من مشاكل ..

دق ابراهيم باب منزل كرم بشدة قائلا بحدة: افتح يا كرم افتح يابني.

تركها كرم كارها ما تحول إليه لم يسبق له قط أن مد يده علي أي امرأة ايا كانت نظر لها وهي تبكي بتألم وجلس بجوارها علي الأرض بإرهاق قائلا: ليه تعملي فينا كدة عايزة توصلي لايه.

نظرت له بكره قائلة بتألم: اتصل علي ماما تيجي تاخدني يا كرم .. كاد أن ينطق بندم لتردف هي بقوة: اتصل علي ماما بقولك انت مبقتش كرم اللي حبني اهلك غيروك.

اقترب منها كرم بندم ليقاطعه صوت والده بالخارج وهو يردف بخوف: افتح يا كرم يابني ربنا يهديك.

نهضت هي من أمامه تتأوه من آلام جسدها وتتوجه لغرفتها تغلقها عليها كل ذلك تحت نظرات كرم المتألمة ليتوجه لباب الشقة يفتح لوالده بوجه متعب بينما دلف والده سريعا يبحث عنها قائلا بخوف: فين مراتك يا كرم اوعي تكون عملتلها حاجة.

تنهد كرم ومسح وجهه بيده قائلا: لوچي عاملة ايه دلوقتي يا حاج.

تنهد ابراهيم قائلا: لسه مجاتش انا نازل اشوفهم عملوا ايه وانت يابني استهدي بالله وبالراحة مع مراتك مش كله ضرب شغل دماغك معاها احرمها من الحاجة اللي بتحبها اعمل اي حاجه الا انك تمد ايدك عليها أنا عمري ما عملت كدة في امك علشان تعمل انت كدة وفي نفس الوقت حاول تتحكم في لسانها اللي مش هيجيب غير مشاكل احنا في غني عنها.

انهي ابراهيم حديثه وخرج من الشقة ليجلس كرم علي مقعد يغطي وجهه بكفيه يفكر هل قدومه لمنزل والده من البداية كان خطأ وظلم لكل الأطراف بينما بالداخل كانت تبكي بشدة ليرن هاتفها نظرت للهاتف بغضب لتجد والدتها المتصلة لترد ببكاء: أيوة يا ماما.

نهضت الام بخوف: مالك يا نسرين صوتك ماله يا حبيبتي.

كان نائل يجلس بجوار والدته يرتشف كوب شاي ليتعجب من خوف والدته وضع الكوب جانبا ونهض وقف بجانبها قائلا بتساؤل: في ايه يا ماما نسرين مالها.

اردفت الام بغضب: يعني ايه يمد أيده عليكي فاكرك مش وراكي عيلة.

غضب نائل ليجذب الهاتف من والدته ليقول بغضب: كرم مد أيده عليكي يا نسرين.

اردفت نسرين بخوف: نائل هو هو ..

أردف نائل بغضب: بقولك مد أيده عليكي.