ليالي الغريب

الفصل الرابع والعشرون

شحب وجه نسرين كادت أن تغلق الهاتف ولكنه أردف سريعا: متحاوليش تقفلي الموبايل علشان هفضل وراكي ومش هسيبك.

نهضت نسرين سريعا تنظر تجاه غرفتها وظلت تنظر حولها حتي تتأكد أن كرم بالمرحاض لترد بصوت خافت: انت عايز ايه يا حسن خلاص انسي اي حاجة كانت بينا.

أردف حسن بغضب: يعني ايه الكلام ده يا نسرين أنا مش موافق طبعا مش بمزاجك تقولي يلا وبمزاجك تنهي أنا مش لعبة في ايدك.

أردفت نسرين بغضب مماثل: عنك ما وافقت أنا خلاص محيت الفترة ديه من حياتي ومش عايزة افتكرها تاني سبني وشوف حياتك وانسي اي حاجة كانت بينا.

نهض حسن ليردف بحنق: اسمعي يا نسرين أنا مستنيكي بكرة ولو مجتيش متلوميش غير نفسك.

قاطعته نسرين بقوة وهي تتلفت حولها خوفا من أن يأت كرم: قولتلك انسي يا حسن مش هيحصل.

أردف بخبث: خلاص يا حلوة يبقي جوزك يعرف بقي باللي حصل.

شحب وجه نسرين لتردف بصوت حاولت جعله قويا حتي لا يتحكم بها: هيقتلك لو عرف و..

أردف حسن بخبث: انتي اللي هتتقتلي مش انا، هو مش هيعرف أنا مين بس هيعرف أن مراته الهانم المحترمة كانت بتخونه بعد جوازهم بكام اسبوع .. ها قولتي ايه.

كادت أن ترد نسرين ولكن قاطعها صوت كرم من الخلف فهي من الصدمة جلست مكانها ولم تشعر بشئ لتنظر له بصدمة وهو يردف بتساؤل: بتكلمي مين في الوقت ده.

وقفت سريعا وصدرها يعلو ويهبط بخوف لتقول بهدوء مصطنع: ديه ماما كانت بتطمن عليا.

اقترب منها بهدوء ليحتضنها بحنان ليقول بعدما ابتعد عنها وهو يحيط وجهها بكفيه: نسرين أنا ملاحظ عليكي التفكير والاجهاد بقالك كام يوم اي حاجة جواكي قوليهالي أنا سبق وقولتلك مش عايز اطفال كفاية انتي معايا ومالية حياتي مش عايزك تشيلي فوق طاقتك ياحبيبتي .. تمام؟.

نظرت له لتومئ برأسها سريعا ليحتضنها مجددا لتزفر هي براحه بينما حسن علي الهاتف الناحية الأخري اغلق الهاتف بعدما استمع لحديث كرم ليردف بتشوش: اطفال ايه اللي مش عايزها هو ايه الحكاية بالظبط، بس مش مهم المهم دلوقتي اعرف اجبها هنا تاني مش بمزاجها تبدأ الموضوع وتنهيه، انهي حديثه مع نفسه ليتذكر أمرا ما ليقول بضيق: خليني اتصل بالزفت التاني اشوفه مبيجيش ليه الفترة اللي فاتت ديه كلها.

ظل يرن عليه ولكن لم يأته رد ليغلق الاتصال بغضب ليقول بخبث: ماشي يا نائل انت كمان ليك يوم زي اختك بالظبط.

كادت أن تفتح باب منزلها صباحا حتي تذهب للجامعة ولكن أوقفها صوت والدها الحنون قائلا: مش بدري يا حلا لسه ساعة ونص علي بداية الكورس.

ابتسمت حلا قائلة: صباح الخير الاول يا بابا وبعدين لقيت نفسي صحيت بدري قولت انزل بقي وخلاص.