My Short Tempered Husband (Freezell #5) [Completed]

Special Chapter IV

• HER FALL •

AEICKEL

NAG-AAYOS kami ng mga gamit ni Nigel ngayon. Kararating lang namin sa presidential suite na ibinigay ng coordinator ng seminar na walang iba kundi si Tito Loard—daddy ni Ate Leyvance. Siya ang may pa-seminar tungkol sa self-defense and cloning na dito gaganapin sa isang malawak na resort sa Siargao City. New knowledge ito na maipapasa namin sa susunod na henerasyon kaya't pumayag akong dumalo sa seminar.

"Wife," dinig kong tawag ni Nigel sa akin. Nilingon ko siya at nakitang hawak ang two-piece swimsuit na inilagay ni Leickel sa backpack ko. Kahit kailan talaga ay pakialamera ang isang iyon. "Are you trying to flaunt your sexiness that's only meant for me with these?"

Tinapunan ko siya ng malamig na tingin. "Nigel, triplets na ang iniluwal ko, ano pa ba'ng gusto mo?"

"This is one of the reasons why I chose to join you here kahit pa may ongoing concert tour kami—"

"Para bantayan ako?" putol ko sa kaniya at bahagya ko pang itinaas ang kaliwang kilay ko.

Sunod-sunod siyang umiling sa akin saka ako tiningnan nang seryoso. "No, wife. I am here to make everyone jealous of me...to make them see how lucky I am for having you as the mother of my children. I want them to see me with you, and make them think how perfect of a couple we are despite our flaws. Gusto kong inggitin ang mundo...na sa dami ng babaeng naghahabol sa 'yo, at sa dami ng lalaking gustong sila ang nasa posisyon ko, ako ang pinili mo," mayabang na pahayag niya saka ako kinindatan.

Ngumisi ako sa kaniya at nakita kong alam niyang bubuweltahan ko siya ng hindi maganda dahil agaran niya akong nginusuan. "Kaya nga noong nalaman mong matagal na akong kasal sa 'yo, kulang na lang ay magbunyi ang lahat-lahat sa 'yo," pang-asar ko sa kaniya.

"You forced me to marry you, wife. Lasing ako n'on—"

"Excuse me, Mr. Ricafort? I forced you? You were the one who forced me to marry you! Stop making our story twisted—hmp!" Bigla na lamang niya akong ninakawan ng mabilis na halik sa labi na nakapagpahinto sa akin sa pagsasalita.

"Aminin mo na kasing mahal mo na ako noon pa kaya ka rin pumayag na magpakasal sa akin," pang-aasar pa niya. "Alam ko naman po na noon pa lang sa hagdan, nahulog ka na rin sa akin sa parehong paraan kung paano ako nahulog sa mga mata mo," dagdag pa niya at bigla akong ikinulong sa mga braso niya.

"Tss," I hissed. "Hulog ka sa akin pero nagtagal kayo ni Leickel—"

"Dahil inakala kong kapag nagtagal kami, muli kong masisilayan ang mga matang iyon na totoong kinahumalingan ko at bumihag sa akin. Malay ko naman na magkaibang tao pala kayo," aniya, saka ako tinitigan nang maigi sa mga mata. "Kung alam ko lang na ibang tao pala ang may-ari ng mga matang iyon noon pa, palagay mo ba, pakakawalan pa kita?

Palagay mo, hindi kita hahanapin hanggang sa mahanap—"

"But when you saw me again, hindi mo 'ko nakilala," putol ko sa kaniya, saka ako naman ang ngumisi.

"It was because you were in disguise. Isa pa, hindi ko matanggap sa sarili ko na nakararamdam ako ng isang bagay na ayaw ko nang muli pang maramdaman, and to think na sa isang lalaki pa. I was so devastated with my breakup with Leickel that I almost hated everyone. Ayaw ko nang magmahal...but then your eyes tortured my system," sagot niya sa akin at naramdaman ko ang paghigpit ng pagkakayapos niya sa akin. "I am really glad you came at the most perfect timing and gave me three angels."

Kahit na anong tigas ko sa kahit na kanino, kahit na anong istrikto ko sa lahat, kapag si Nigel na ang napag-uusapan, hindi ko mapigilang lumambot...na ibigay ang lahat kahit wala nang matira sa akin.