My Short Tempered Husband (Freezell #5) [Completed]

Special Chapter I

Note: I will be posting TEN special chapters here. Ito po ang mababasa sa To Do Is To Dare na physical book. Maraming salamat sa mahal kong Havres sa pagpayag na mabasa ng iba ang TEN SPECIAL CHAPTERS na ito. Mahal na mahal ko kayo.
--

• HER EYES •

AEICKEL

SENIOR elite agents were busy preparing their materials for the seminar. Nakatingin lamang ako sa kanila dahil kanina pa naman nakaayos ang mga gamit ko.

“Bakit kasi isasama mo pa?” nakangusong anas ni Flame sa akin.

“Hindi ganoon ang bonding, Night. Ikaw, may love life, tapos kami, nganga sa sulok? Daydream ganoon? Mag-hallucinate na lang ng jowa?” sabat naman ni Vega.

I hissed at them and made them shut their mouths. Masyadong marereklamo.

“E, kung hindi ba naman kayo mga isa’t kalahating tanga, bakit ba hindi kayo magsipag-asawa na? ’Tatanda n’yo na, e. Umay na umay na rin nga ako sa mga pagmumukha ninyo sa araw-araw!” singhal naman ni Tungsten sa kanila.

“Wow, ’tang ina! Nagsalita ang bulok na ang semilya!” ganting sagot naman ni Alistair sa kaniya.

“Gago! Kung sa akin, bulok na, iyong sa ’yo, agnas na agnas na!” hindi magpapatalo na singhal pabalik ni Tungsten.

Hindi ko maiwasang mapangisi sa naririnig kong palitan nila ng asaran. Sa aming lima, ako pa lamang ang pamilyado. Ang inuungot nila mula pa kanina ay bakit isasama ko si Nigel sa seminar na dapat sana ay para sa aming lima lang.

Hindi ko maiiwan ang isang iyon. He’s like a sticky lizard. Gusto ay lagi na lang nakadikit. Siya rin ang nag-ayos ng mga gamit na dadalhin ko para maisiksik niya ang sa kaniya. Yes, he was that eager to join kahit pa sinabi kong siya na lang muna ang magbantay sa triplets...lalong-lalo na kina Aeignn at Aeiryn. Among my children, those two were the hardheaded ones. As for Aeidan, he was bubbly and loved playing with his toys. Wala akong problema sa kaniya, pero sa dalawa, malaki.

Aeignn tended to be so bossy. He inherited that attitude of his father and...his sadistic side, too. He was still a kid, but I could already see that side of him. Aeiryn? She inherited some of my negative traits, and I didn’t like it. It felt like I was looking at the younger version of myself, though they all got the facial features of their dad, except for the eyes—they got the eyes of a Freezell.

“Wife!” Awtomatiko akong napalingon sa tinig na iyon.

There, I saw my husband grinning at me while holding a plastic bag. Based on his expression, he was up to something naughty, and I had to stop him now. Ayaw kong makatanggap ng mas nakapipikon pang kantiyaw mula rito sa apat.

“O, nandiyan na ang legal at orihinal. Tumabi ang mga nagmamahal lang nang palihim at sad boy slash broken boy!” sigaw ni Tungsten na halata namang si Flame ang pinariringgan.

Nagkantiyawan pa sila at ako naman ay naglakad na papalapit kay Nigel na may blangkong ekspresyon sa mga mata. Hindi ko puwedeng ipakita kay Nigel na naiintimida ako sa kaniya dahil lalo lang niya iyong gagamitin para paganahin ang pagkapilyo niya. He didn’t change as years went by—oh no, he did. He became naughtier and wilder.

“I don’t like your eyes right now, Mrs. Ricafort,” he stated as I stood in front of him.

“These eyes were the eyes that made you fall for me, Mr. Ricafort,” I replied and it was followed by a smirk.