That Time I Got Reincarnated As A Fox. (Season 1)✓

30

Nang makauwi kami ay sinalubong ako ng mga bata. Halos buong araw ay dikit sila ng dikit saakin kahit saan ako magpunta. Buti nga ay pwedeng hindi kami pumasok ngayon. Nilayuan lang nila ako ng ibigay ko sa kanila ang candy na napalanunan ko sa horro house.

Ang mga sobrang pagkain naman ay ipinamigay namin sa ibang studyante at nagtira lang ng para saamin. Nagbigay na rin ako ng chocolate na nasa jar. Ngayon ko lang napansin ang pangalan ng brand kasi hind masyadong kita at maliit.

Tsikolet. Sino naman kaya ang may-ari ng shop na 'yon at gano'ng pangalan talaga ang napili.

Ngayon ay nasa klase na kami ay unang subject namin at training. Wala na sanang mangyari na dahilan kung bakit isang subject lang ang mapapasukan ko.

Nasa training ground kami ngayon at hinihintay na lang ang guro. Sa gilid ay mayroong pana, palaso, at espada na gawa sa kahoy.

"Tingnan mo nga naman, paano kaya nakapasok dito ang demi-human?" Napatingin ako sa lalaking lumapit saakin at ngumisi.

Napataas ang kilay ko at tiningnan siya mulo ulo hanggang paa. Tumayo rin ang isang babae at dalawa pang lalaki. Wow, bullies? For the first time, ah.

"Dumaan ako sa gate kaya ako nakapasok dito," sabi ko at ngumiti.

Bumakas naman ang inis sa mukha niya pero agad din na nawala.

"You're too brave for a demi-human, eh, mahihina namam ang lahi niyo, 'di ba?" Nagtawanan ang mga kasama niya at hindi ko alam kung anong nakakatawa sa sinabi nila.

Bakit ang dami kong nakakausap na may saltik sa ulo?

"Ricky, stop being a bully," sabi ni Viana at lumapit saamin.

"Shut up, Viana," sabi ng babaeng kasama niya.

"Hindi ba dapat mas manahimik ang payaso?" taas kilay na sagot ni Viana.

Kinagat ko ang ibabang labi ko para pigilan ang pagtawa. Hindi lang pala ako nakakahalata na mukhang clown ang babae sa kapal ng make-up niya.

"You, don't you know me?!" Nagkibit-balikat lang si Viana na mas lalong ikinainis ng babae.

"Kilala kasi ang mga Royalties, kaya matapang. Sa hitsura mo ay mukhang nilandi mo lang si Prince Kreyos," sabi ni Ricky.

Medyo napangiwi pa ako ng marinig ang Prince sa pangalan ni Kreyos. Ang pangit, parang 'yung lalaking kaharap ko ngayon.

"Hindi ba dapat nililinisan ang ang maduming babaeng kagaya niya?" Napaawang ang labi ko ng buhusan ako ng tubig ng isang lalaki.

Huminga ako ng malalim. Kalma, baka mabasag mo ang mukha n'yan at ikaw pa ang may kasalanan.

"Hoy!" Napatingin ako sa babaeng kakarating lang.

Nakita ko si Isabela na tinatali ang buhok habang mabilis na naglalakad papalapit saamin.

"Sino may sabing buhusan mo siya ng tubig?!" Akmang susugurin niya ang lalaki ng pigilan siya ni Viana.

"Calm down, Isabela!"

"Bitiwan mo ako! Ang kapal ng kalyo mo sa mukha, lalaki ka! Ano?! Halika rito! Bubugbugin kita ng pumangit ka pa lalo!" Napahilot na lang ako ng sintido ko at tumayo.

"Ano bang kailangan niyo?" bagot na tanong ko. "Ano naman sa inyo kung nandito ako? Ano naman sa inyo kung close ako sa mga Royalties, ah, masama ang mainggit," nakangising sabi ko.

"You're just a demi-human!" Napatabingi ang mukha ko ng sampalin niya ako.

Kinagat ko ang labi ko sa inis at sinampal din siya pabalik. Mukhang nagulat ang Ricky sa ginawa ko kaya kinuha kong pagkakataon 'yon para sampalin ko siya ulit.