عصفورتي الحمقاء ( مكتمله )

صدمات متتاليه

خرجت غزل من حضن فارس ومسكت ايديه هي عارفه انه دايما بيقف معاها بس ماتخيلتش انه يسيب شغله وكل اللي وراه ويجي الفندق الصبح بدري كده عشان يقف جمبها ف اول مره هتشوف عثمان بعد السنين دي .........

غزل بصوت واطي ؛ شكرا يا فارس ...، شكرا انك دايما بتحسسني ان ليا اخ عمري ما يتخلي عني

فارس بحركه عفويه لعب في شعرها ؛ احنا اتفقنا علي ايه امبارح يا عبيطه انتي مش قولنا غزل تعمل المصايب وفارس في ضهرها دايما

غزل ضحكت بصوت عالي ؛ ايوه بس انا لسه ماعملتش مصايب المصايب لسه شويه وهاتيجي لوحدها

فارس ؛ لا بقولك ايه نهدي كده بدل ما ارجعهولك امريكا في شوال في مركب شحن من بتوع قرايبي اللي في ايطاليا

غزل ؛ هتصدقني لو قولتلك مابصتش عليه اصلا رغم اني عارفه انه اكيد واقف معاهم ورانا بس انا علي وعدي ليك ده صفحه واتقطعت وخلاص

فارس بابتسامه حنونه ؛ that's my girl , ايوه كده اثبتي علي موقفك وانا هدخل مكتبي اخلص شغل ولو حصل اي حاجه ادخليلي فورا

غزل : ماشي ادعيلي عشان حان وقت المواجهه بقي

*********************
في الوقت اللي غزل كانت بتتكلم فيه مع فارس دان عثمان واقف وفيه الف والف فكره في دماغه وكلهم بيدوروا عن مين فيهم اللي معاها في الفيديوهات الاتنين تقريبا طوال مازن والشخص اللي كانت هي في  حضنه بس الشخص ده اطول من مازن شويه

عثمان في اللحظه دي مكنش بيفكر غير مين فيهم اللي معاها ف الصور وعلاقتهم وصلت لحد فين بس الشخص اللي معاها شكله كبير في السن اكيد مش هو ف بالتالي الاحتمال الأكبر هو مازن طيب مين اللي بيبعت وليه بيخبي وشه حاجات كتير في دماغه لازم يتكلم معاها فيهم ..... مستنيها تلف وشها بفارغ الصبر ويشوف رد فعلها لما تشوفه ياتري هتفرح ولا هتتصدم ولا هتجري عليه تحضنه زي ما عملت مع الشخص ده ...... ،،، فاق من افكاره علي صوت

نورسين وهي بتقولها ؛ ما لسه بدري يا هانم خليكي مع الاستاذ فارس شويه كل ده عشان ماشوفتوش بعض من كام شهر

غزل بابتسامه خطفت عقل وقلب عثمان ؛ طبعا يا بنتي لولا سفره وامتحاناتي مكناش قعدنا الشهور دي منتقابلش وبعدين ما انا قاعده عندك بقالس 3 اسابيع مازهقتيش مني

هناء بضحكه ؛ لا يا زولا انتي بس تقعدي عندنا العمر كله وعمرنا ما نزهق منك

غزل بعد ما وقفت في وسطهم ؛ حبيبتي يا طنط تسلميلي ياللي رافعه معنوياتي  .... بصت ع الكل صباح الخير يا جماعه وركزت مع وائل

مدت ايديها وهي بتضحك ؛ اكيد انت باشمهندس وائل سمعت عنك كتير الفتره اللي فاتت ... انا غزل صديقه العيله وتقدر تعتبرني اختك الصغيره من هذه اللحظه