اسبوع مر بعد رجوع سامر وغزل من رحله صقليه .... اتصدم كريسي وجاد من التحول الرهيب اللي بين سامر وغزل ..... منظر جاد وهو فاتح عينه علي اخرها وصدمه كريسي علي السلم وهما شايفين سامر داخل البيت وايديه علي كتف غزل ومقربه منه كأنه حاضنها .... كانت كافيه ان غزل تضحك اعلي ضحكه في حياتها .... صدمتهم حقيقي كانت تضحك .... حتي سامر ضحك كتير علي منظرهم .... بس بطل ضحك وركز مع ضحكه غزل اللي خطفت قلبه للمره المليون .... نسي اخته ونسي صاحبه ونسي كل حاجه حواليه وركز بس مش شكلها وهي بتضحك .... قد ايه حلم بالضحكه دي تكون ليه ومعاه وأخيراً حلمه اتحقق .... ماحسش بنفسه غير وهو بيقربها ليه اكتر وبيرفع ايديها لشفايفه يبوسها بهدوء وعينه في عينيها اللي بان فيها الكسوف جدا بسبب اللي عمله .
فاق من مشاعره علي صوت صريخ اخته اللي كانت متجمده علي السلم .... بص لقاها جايه بتجري عليهم وخدت غزل في حضنها بطريقه خلت غزل تتوجع من قوه الحضن .... ابتسم علي اخته وحبها لغزل ... وقد ايه مبسوط بالعلاقه اللطيفه اللي بينهم .
وفجأه قربت منه جاد وحضنه جامد ورفعه عن الارض ولف بيه وهو بيصرخ بصوت عالي من فرحته بيه .
بعد سامر عنه وهو بيضحك : وسع يلا ايه اللي بتعمله ده جتك القرف .... وانتي ياختي ابعدي عن البعد هتخنقيها .
كريسي وايديها في وسطها بعد ما بعدت عن غزل : نعم ياخويا .... لا فوق دي صاحبتي من قبلك يعني انا حره فيها .
سامر وهو بيضم غزل تحت ايديه تاني : لا يا حلوه دي بتاعتي انا من يوم ما تولدت .... يعني كل اللي مروا في حياتها مجرد كومبارسات .... لحد ما تقابل بطلها الحقيقي .
ابتسمت غزل بكسوف علي تعبيراته و مشاعره اللي بيظهرها من غير خجل وقدام اي حد .
وصوت ضحك كريسي وجاد اللي فرحانين من قلبهم لسامر اللي اخيرا رفع الستاره عن مشاعره ... وأخيراً وصل لقلب حبيبته .
اتنهد جاد بدراما : اااااه يارب اوعدنا بقي .... انا زهقت هو انا هفضل طول عمري سينجل ولا ايه .
كريس بنفس الدراما : ومين سمعك ياخويا .... ده انا حاسه اني عمري ما هتجوز ولا الدبله تعرف طريق لصوابعي طول ما الظالم ده اخويا ..
سامر بصدمه : انا ظالم يا كلب البحر انتي .
كريسي : ايوه ظالم .... بتخوف كل الناس ... مافيش حد يقدر يقرب مني .... واول ما يعرفوا انك اخويا بيهربوا بعيد عني .
سامر بجديه : اه وهفضل اعمل كده طول عمري .... والكلام ليكوا انتوا الاتنين ( كريسي وغزل ) انتوا بتوعي انا بس .... مفيش ذكر خلقه ربنا هيقرب من واحده فيكوا طول ما انا عايش .... اتعودوا بقي عشان نقفل الموضوع ده خالص ... عشان اللي هيقرب من واحده فيكوا ذنب دمه اللي هيسيح هايبقي في رقبتها .
بصله التلاته بصدمه بسبب كلامه فقالت غزل عشان تلطف الجو .
غزل : انا قولت من اول لحظه جاد بيحبها وبيخبي عشان خايف منك محدش صدقني .
أنت تقرأ
عصفورتي الحمقاء ( مكتمله )
Romanceكان الاقرب اليها من بين الجميع عالمها الصغير ومراهقتها الورديه وأحلام صباها ليختفي فجأه تاركاً إياها تتخبط بين الجميع تبحث عنه بين الوشوش فعلت المستحيل لتصل إليه وحينما قرر هو الرجوع كانت الصدمات اكبر من استيعابه .........
