قطع افكار غزل دخول سامر مكتبها اللي كشر اول ما شافها سرحانه ومبتسمه بالطريقه دي واتكلم بعصبيه مقدرش يسيطر عليها .
سامر : ياتري الهانم بتفكر في مين مخليها سرحانه ومبتسمه اوي كده ؟
بصتله غزل بصدمه وعقلها بيكرر جمله واحده ( لا مش هكرر مأساه عثمان وشكوكه تاني مش هسكت تاني ) اتكلمت بعصبيه وصوت عالي ؛ مايخضكش .... حضرتك في حاجه عايزها مني في الشغل ؟؟....
بصلها شويه بصمت وهو متفهم عصبيتها وصوتها العالي .... كان نفسه يقولها مش محتاجه تتعصبي ولا تعلي صوتك لان بصتك لوحدها قتلتني .... نظره الصدمه والخذلان في عينيها فوقوه من العصبيه وحسسوه بغباء سؤاله .
سامر بهدوء : معندناش شغل تاني انهارده اجهزي عشان هنمشي .... هطلع العربيه من الجراچ وهستناكي قدام باب الشركه .
سابها ومشي وهي اتنهدت ومضايقه من نفسها .... مكنش ينفع تكلمه كده ... يمكن مايقصدش او هي فهمته غلط وهو بيهزر .... مكنش ينفع تطلع عقده عثمان عليه هو مالوش ذنب .... ومهما كان ده مديرها في الشغل وصاحب البيت اللي هي عايشه فيه واللي عملها حاجات كتير حلوه من ساعه ما جات ايطاليا مكنش ينفع ابدا ترد عليه كده .
نزلت من الشركه وهي مقرره تعتذرله بأي طريقه .... بس من كتر احراجها ركبت جمبه العربيه وهي ساكته ومحرجه حتي تكلمه ... اول ما اتحرك بالعربيه سندت راسها علي الشباك وسكتت بتسمع الاغنيه الايطالي اللي كان مشغلها في صمت .... ماخدتش بالها من نظرته ليها كل كام ثانيه تقريباً..... مشافتش نظره الندم في عينيه عشان هو السبب في حالتها دي ومش عارف حتي يعتذرلها ازاي .... قربه بيوتره .... لو عرفت درجه تأثيرها عليه مكنتش زعلت منه ابدا يمكن كانت فهمت وعذرته .
سامر : احمممم لو الاغنيه مش عاجباكي ممكن تشغلي الاغنيه اللي تعجبك ... اكيد وحشك تسمعي اغاني عربي ...
بصتله بلمعه عين : بجد .... يعني اشغل اي حاجه .
ابتسم وهز راسه : اه طبعاً .... واتعودي اول ما نركب العربيه في اي وقت افتحي البلوتوث وشغلي اي حاجه انتي عايزاها .... من اللحظه دي هنسمع الاغاني علي زوقك انتي .
ضحكت وهي بتنفذ كلامه وبتقول : تعرف انا بحب سعد لمجرد جدااا .... نزل اغنيه جديده هسمعهالك .
وفعلا اشتغلت الاغنيه وهي مش فاهمه انه عارف كويس حبها لسعد لمجرد وانه سمع الاغنيه الجديده لحد ما حفظها عشان عارف انها بتحبه .
✨✨💫✨✨ سعد : بغير من عيني وانا شايفك وده اللي وصلت ليه .... لو اسمع اسمي بشفايفك بقولك كرريه .... وعمري ما هقدر اوصفلك بحبك قد ايه ...
اليسا : ارسمني في ليلك نجمه ضيها يلمع في العيد ... اكتبني في عمرك كلمه يحكوها الناس بعدين .... ما انا نفسي اعيش فوق عمري يا حبيبي معاك عمرين .
سعد: لو تطلبي مني عينيا لو تطلبي عمري كمان ....هاديكي سنيني الجايه وهكون راضي وفرحان .... انتي اللي وجودك جمبي حسسني ان انا انسان . ✨✨💫✨✨
أنت تقرأ
عصفورتي الحمقاء ( مكتمله )
Roman d'amourكان الاقرب اليها من بين الجميع عالمها الصغير ومراهقتها الورديه وأحلام صباها ليختفي فجأه تاركاً إياها تتخبط بين الجميع تبحث عنه بين الوشوش فعلت المستحيل لتصل إليه وحينما قرر هو الرجوع كانت الصدمات اكبر من استيعابه .........
