3 شهور عدوا من ساعه ما وصله غزل ايطاليا .... شهور عدت بهدوء حذر غريب ..... نفس الروتين الصبح تصحي تروح مع سامر الشركه و تفضل حواليه طول اليوم بسبب اوامره الغريبه واللي مابتخلصش ..... وترجع يتغدوا ويتجمعوا يهزروا او يخرجوا هما الاربعه .... بقوا تقريبا مابيفترقوش..... وأخيراً كريسي خلصت جامعه وبيتفقوا هيلبسوا ايه في حفله التخرج بتاعتها .... سامر بيغير هدومه فوق وهما قاعدين ومعاهم جاد اللي بيبصلهم بملل وده بسبب كرهه لتفاصيل البنات الممله دي .
بصلهم بصدمه لما سمعهم بيتفقوا انهم مش هيلبسوا من تصاميم سامر وهيعملوا شوبينج لوحدهم ويجيبوا فساتين من برا .
اتصدموا من صوته العالي وهو بيقولهم فجأة.
جاد : لا لا لا فساتين من برا لا مستحيل .... هتلبسوا اللي سامر يعملوه ومفيش اي نقاش في الموضوع ده .
غزل بغمزه : مش قولتلك بيحبك يا بنتي وبيخبي .... بصي الغيره خليته يبان ازاي .... خايف تشتري فستان من برا ويطلع قصير ويضرب كل رجاله الحفله بسببك.
انفجروا الاتنين في الضحك علي غبائها وانها مش فاهمه خوف جاد من ايه .... وان الموضوع مالوش علاقه بكريسي خالص .
غزل بغضب : انتوا بتضحكوا علي ايه بقي .؟
كريسي بسخريه بالايطاليه : كان معاه حق لما سماكي عصفورته الحمقاء .
نزل سامر وسمعها واتكلم ايطالي برضو : ما لكم بعصورتي الحمقاء يا اغبياء .
غزل بعصبيه : مين دي العصفوره الحمقاء اللي بتتكلموا عليها .... وبعدين انا يعرف ايطالي كويس لو فاكرني مش فاهمه .
ابتسم سامر علي عصبيتها وقد ايه بيبقي شكلها لطيف لما تتعصب وخدودها تحمر بالطريقه دي .
راح قعد جمبها وبصلها بهدوء وعينيه بتقول الف كلمه .... بس هي مش فاهمه نظراته لحد دلوقتي .... او بتحاول تتجاهل اللي هي فهمته لانها مش لاقيه تفسير ليه .
سامر : عارفين يا عم انك جامد في الايطالي وبعدين مفيش اسرار نخبيها عليكي عشان نتكلم بلغه تانيه .... الموضوع اننا كل فتره بنتكلم ايطالي عشان ماننساش لغه البلد اللي عايشين فيها من كتر كلامنا بالمصري .
غزل باستغراب : اه صح انتوا يتتكلموا مصري كويس .... حتي المصنع فيه مصريين وعرب كتير ... ومعظم شغلكم وتصديراتكم مع العرب ليه .
سامر بجديه : دي وصيه بابا الله يرحمه .... اي مصري او عربي نقابله في ايطاليا محتاج شغل نعينه في المصنع او الشركه علي طول ..... ونحافظ علي لغتنا وعلاقتنا بقرايبنا وماننساش ابدا ان اصلنا مصري .... وعشان كده بنزل مصر كتير .
غزل : بس انا بقالي هنا 3 شهور تقريباً .... انت مانزلتش مصر فيهم ولا مره .
سامر : عشان السبب اللي كنت بنزل مصر عشانه كتير السنين اللي فاتت بقي معايا وبين ايديا .... ومفيش حاجه بقت تفرق معايا في مصر تاني خلاص .
أنت تقرأ
عصفورتي الحمقاء ( مكتمله )
Romanceكان الاقرب اليها من بين الجميع عالمها الصغير ومراهقتها الورديه وأحلام صباها ليختفي فجأه تاركاً إياها تتخبط بين الجميع تبحث عنه بين الوشوش فعلت المستحيل لتصل إليه وحينما قرر هو الرجوع كانت الصدمات اكبر من استيعابه .........
