راحت غزل مع مازن والبنات البيت قابلهم د. محمد والد مازن وبيكون بردو 'كراش' غزل معجبه بيه جدا وبتحاول تقنعه بقالها 3 سنين انه يخطبها بس هو بيحب مدام هناء مراته جدا ..... محمد فتحلهم الباب لأن هناء ف المطبخ بتجهز الأكل
محمد؛ ايه يا ابني اللي انت عامله في البنت ده انتوا كل يوم والتاني لازم تضحكوا الجيران عليكوا كده
غزل وهي علي كتف مازن لسه : يا اونكل خليه ينزلني وقول لابنك مالوش دعوه بيا تاني ولا يكلمني ابدا
محمد بيبتسم ؛ نزلها بقي يا مازن
مازن؛ اهو نزلتك ياستي وبعدين انتي مابتجيش غير بالعين الحمرا وكنتي هتفرهضينا كلنا عشان تيجي تتعشي
نورسين ؛ مين ده اللي تفرهضني بس كنت قولها د.محمد عازمك ع العشا كانت لبست الحته اللي ع الحبل ونزلت في ثواني
ناريمان بضحك: دي كانت راحت اشترت فستان مخصوص كلنا عارفين هي معجبه بدكتورنا الحبيب قد ايه
غزل بكسوف مصطنع : شوفت يا حماده بيكسفوني ازاي سكتهم بقي عشان غزولتك بتتكسف وبعدين مش انا اتقدمتلك يعني انت في مقام خطيب يبقي لازم تسكتهم
محمد ؛ يا بنتي بطلي تقولي كده الناس هتصدق اني هخطبك وبعدين ما انتي عريسك موجود بس انتي وافقي
غزل ؛ احم احم لا بص هو مش اتفقنا اني مابفكرش ف الكلام ده وانت المفروض قفلت معاه الكلام
محمد : اه يا غزل قفلت معاه الكلام وقولت زي كلامك انك عاوزه تركزي في دارستك وشغلك الاول وبعدين تفكري ف الجواز بعد كذا سنه
غزل: يا اونكل انا ماقولتلكش تقوله اني هفكر بعد كذا سنه انا مش بفكر في الجواز اصلا
محمد بحنان ابوي خالص قعد جمبها وحاوط كتفها بايده ؛ يا غزل يا حبيبتي البت مسيرها للجواز ووليد شاركي وبقاله شهور بيزن عليا وقالي انه مستعد يستناكي كل الوقت اللي محتاجاه
نورسين وهي بتقعد جمبهم ؛ ما تديه فرصه يا غزل فعلا د.وليد شكله بيحبك حتي لو خطوبه عائليه واهو تتعرفوا علي بعض اكتر
غزل : يا نور بيحبني ازاي هو يعرفني اصلا عشان يحبني وبعدين خطوبه ايه لا طبعا ماينفعش كده بديله امل اكتر وانا فعلا مابفكرش ف الجواز خالص انتي عارفه انا بعد الجامعه عاوزه ابدأ دراسات عليا وكمان اجهز لشركتي
محمد وهو لسه واخدها في حضنه ؛ يا حبيبتي ممكن تعملي ماجستير وشركتك كمان وانتي في بيت جوزك صدقيني يا غزل هايفرق معاكي وجود شريك في حياتك ...
وهما بيتكلموا سمعوا صوت هناء خارجه من المطبخ وبتضحك ؛ ايوه ياريت تقنعوها توافق علي وليد ده عسول ومحترم وبيحبك عاوزه ايه تاني
نورسين بضحك؛ نقنعها توافق عشان عسول بردو ولا عشان تبعد عن جوزك وتبطل كل شويه تعاكسه قدام الناس كلها كده
أنت تقرأ
عصفورتي الحمقاء ( مكتمله )
Romanceكان الاقرب اليها من بين الجميع عالمها الصغير ومراهقتها الورديه وأحلام صباها ليختفي فجأه تاركاً إياها تتخبط بين الجميع تبحث عنه بين الوشوش فعلت المستحيل لتصل إليه وحينما قرر هو الرجوع كانت الصدمات اكبر من استيعابه .........
