خلصت غزل امتحانتها وعرفت بالحفله اللي عاملها محمد الدمنهوري عشان شراكته مع وائل قريبهم وشركته الجديده ..... مازن اقنع غزل انها تسافر معاهم وتحضر الحفله وهي كده كده كانت عاوزه تروح عشان تقرب بين نورسين ووائل لانها عارفه ان نورسين بتحبه من سنين بس لخمه ومش عارفه تتصرف معاه وهو كمان بارد ومش قادر ياخد خطوه او فعلا زي ما ناريمان بتقول دايما مش بيحبها ومش بعيد يكون بيحب امريكانيه لا لا لا لازم تتاكد بنفسها عشان صاحبتها ماتتجرحش هي اكتر واحد عارفه يعني ايه تحب من طرف واحد وقد ايه وجعه صعب ...........
في عربيه مازن ..... بت يا غزل اقسم بالله لو نمتي هزعلك انا سهران طول الليل معاه ع التليفون عشان اطمن انهم وصلوا وان حضرتك خلصتوا خروجتك مع صحابك بحجه اخر يوم امتحانات واول م النهار طلع جيتلك عشان نروحلهم بدري ومسافرتش معاهم امبارح بسببك وفي الاخر تسبيني وتنامي .......
غزل بكل برود رفعت النضاره الشمس اللي لابساها علي عينيها وبتقوله انا حاسه انك كنت بتكلمني معلش كنت بتقول ايه عشان كنت نايمه ........؟!
مازن بصلها بغضب وحاسه فجأه انه عاوز يقلب العربيه بيهم ويموتوا هما الاتنين يمكن يخلص منها ...... بصلها بغضب وقالها ؛ تصدقي وتؤمني بالله انا هاين عليا ارزعك قلم يصحيكي تلات ايام يا بارده انتي
غزل بعصبيه مصطنعه : لا بقولك ايه يا داكتره فكك مني انا واحد طالع عيني بقالي 3 اسابيع ف الامتحانات وخلصت يادوب خرجت مع صحابي عشان يمكن يكون اخر يوم نتقابل فيه ورجعت يادوب جهزت الشنط ونزلتلك فهتعمل فيها مظلوم اركن علي جمب هنا وانا هتصرف واتصاحب علي اي صحاب بيت من الناس المحترمه دي وادخل اكمل نوم
مازن؛ انا مش عارف انتي بتتصاحبي علي الناس بسرعه كده ازاي ياغزل قولتلك مش اي حد تأمني ليه لازم تعرفي الناس كويس قبل ما تديهم امانك كده
غزل ؛ بص انت كلامك صح وكل حاجه بس انا جعانه ف يا تركن في اي ريست وتجيبلي اكل يا تسكت وتسيبني انام بقي
مازن؛ حاضر يا زولا من عينيا هاجيبلك اكل بس توعديني تصحصحي معايا كده في الطريق عشان مانمش منك والعربيه تتقلب بينا
غزل : لا عربيه تتقلب ايه انا لسه عاوزه اشتغل واسافر وافتح شركتي وابقي مديره يلا بس اركن نجيب اكل بسرعه ..............
**************★**★
وفي الفندق صحيوا كلهم واتجمعوا في مطعم الفندق عشان يفطروا ويبدأوا يشوفوا ترتبيات الحفله ويستعدوا ..... اتقابلوا وبدأ محمد الدمنهوري يعرف عثمان علي عيلته وقاله انه ابنه مازن جاي كمان شويه عشان بيجيب حد مهم من القاهره واضطر يتأخر شويه وكلها نص ساعه ويوصلوا ......
وفي نفس الوقت نورسين واقفه معاهم بس عينها مش بتبطل تروح ناحيه وائل واللي ملاحظه ان نظراته ليها زادت اوي وأنها بقت اجرأ كتير عن زمان بس هي لسه معندهاش تفسير للي حصل ونفسها اوي لو تروح تسأله عن سبب التغيير ده جيه في بالي مئات الافكار عن سبب نظراته الا انه يكون بيحبها من وهي عيله صغيره بتلعب قدامه ......
أنت تقرأ
عصفورتي الحمقاء ( مكتمله )
Romanceكان الاقرب اليها من بين الجميع عالمها الصغير ومراهقتها الورديه وأحلام صباها ليختفي فجأه تاركاً إياها تتخبط بين الجميع تبحث عنه بين الوشوش فعلت المستحيل لتصل إليه وحينما قرر هو الرجوع كانت الصدمات اكبر من استيعابه .........
