سهرت غزل وسط عيله الدمنهوري العيله اللي اعتبرتها عوض ربنا عن موت اسلام وبعد صبا وسفر عثمان عالمها انهار لما طفله لسه في ثانوي مستنيه نتيجتها تلاقي نفسها من غير ضهر وسند وحتي الحضن الحنين اتحرمت منه بس هي بتعذر مامتها هي عارفه قصه حبها مع اسلام وقد ايه كانوا متعلقين ببعض هي اكتر واحده عارفه التعلق وتأثير البعد علي الانسان ....... نامت ع السرير وافتكرت الدكتور اللي نصحها تنقل صبا لمستشفى الدمنهوري النفسي عشان ماتنتحرش او تعمل الاكتر وبالفعل حجزت اوضه لصبا فيها من فوايد الوديعه اللي كان اسلام شايلها بأسمها ف البنك وقررت تشتغل عشان تقدر تدخل الجامعه وتكفي مصاريفها واحتياجات والدتها اتحولت فجأه من طفله دلوعه كل اللي حواليها بيستنوا طلباتها عشان تتنفذ في اسرع وقت لبنت عايشه ف العالم وحيده مالهاش غير الشقه اللي عايشه فيها والوديعه اللي هتدفع فوايدها كل شهر للمستشفي .... كان لازم تبقي اقوي عشان تقدر تعيش وفي عز تخبطها وحيرتها قابلت مازن الدمنهوري ف المستشفي بيشتغل فيها مع والده ومع الوقت بقي اقرب اصحابها بعد ماعرف حكايتها وكل حاجه عنها ... اثرت فيه اكتر من اي حد قبلها مكنش مستوعب ازاي الطفله الرقيقه اللي ضحكتها الطف حاجه قابلها في حياتها وعينيها عباره عن كتله من البرائه زرغم كده قويه وليها قرراتها وبتعرف ازاي تعتمد علي نفسها .... وزي ما شافها هي كمان شافته الدكتور الجدع البسيط اللي بيعامل كل الناس بحب كل اللي في المستشفي من اكبر دكتور لاصغر عامل بيحبوه اهتم بيها وملي الفراغات اللي في حياتها عوضها غياب اسلام وصبا خرجها من صدمه خذلان عثمان عرفها علي عيلته وخلاها جزء منها واللي لقيت وسطهم دفا وحنان كبير جدا بس حلمها الاكبر لسه موجود شركتها اللي لازم تعملها هي عارفه ان هايجي وقت وكله هينشغل عنها لازم تبدأ الطريق لوحدها عشان تقدر تكمله لوحدها
خرجت غزل من دوامه افكارها علي صوت خبط علي اوضتها في بيت الدمنهوري ... ادخل
مازن من ورا الباب ؛ غزل البسي واطلعي انا مستنيكي في البلكونه
غزل : ماشي جايه وراك اهو
غيرت غزل بيجامتها وخرجت لمازن ؛ ايه ياعم المنجم عرفت ازاي اني صاحيه
مازن بتهكم : يمكن من نور الاوضه اللي لسه مفتوح مثلا
غزل ؛ تصدق صح المهم انت لسه صاحي ليه مش عندك شغل بكره
مازن؛ لا عندي بس مش جايلي نوم ف قولت اتكلم معاكي شويه قوليلي بقي هتعملي ايه في موضوع د.وليد ده
غزل؛ هعمل ايه يعني ؟ اكيد ولا حاجه ده باب انا قافلته من زمان والحب والارتباط مالهمش مكان في حياتي
مازن؛ ليه يا غزل؟ اللغز الوحيد اللي مش فاهمه فيكي ... ليه رافضه الارتباط أو دخولك اي علاقه بالطريقه دي مع ان اي بنت في سنك بتبقي عاوزه تحب وتخرج وتعيش مع حبيبها
أنت تقرأ
عصفورتي الحمقاء ( مكتمله )
Romantizmكان الاقرب اليها من بين الجميع عالمها الصغير ومراهقتها الورديه وأحلام صباها ليختفي فجأه تاركاً إياها تتخبط بين الجميع تبحث عنه بين الوشوش فعلت المستحيل لتصل إليه وحينما قرر هو الرجوع كانت الصدمات اكبر من استيعابه .........
