جلس ثلاثتهم معا وهم ينظرون لبعض كان ينتظرها تبدأ بحديثها فما قالته للتو يحتاج شرح وتوضيح
خالد: مش فاهم حاجه ياسيده انتى قولتى انك عارفه مين اللى قتل صادق ابن عمى
سيده: ايوه انا عارفه ...هو انا شاكه فى شخص معين بس معنديش دليل للأسف
جميله: ممكن ياسيده تتكلمى على طول
سيده: انا من ساعة ماجيت هنا وانا مش بدخل فى اى حاجه متخصنيش وكمان عمرى مااتكلمت عن اى حاجه بشوفها هنابس احنا هنا بنات كتير بنشتغل مع بعض فى الدوار
معانا بنت اسمها هناء هى بتشتغل هنا من قبلى
لكن انا معرفش عنها حاجات كتيربس بصراحه يعنى انا شوفتها كتير جدا مع صادق بيه الله يرحمه
كانت بتدخل اوضته على طول وشوفتهم قبل كده فى الارض اللى ورا الدوار
لكن عمرى مااتكلمت بس اللى متأكده منه ان اكيد كان فيه بينهم حاجهجميله: طيب هى فين هناء دى
سيده: ماهو ده اللى خلانى اشك فيها من ساعه اللى حصل وانا مشوفتهاشخالد: انا كمان شوفتهم كتير بس دى بت غلبانه متعملش كده
جميله بغضب: والله ....وهى يعنى حنين اللى تعمل كده
خالد: لا طبعا بس انا مش عارف افكر
جميله: احنا لازم نروح القسم ونبلغهم
سيده (شهد) بقلق: ايه ...القسم..لا لا ....انا بقول كده ليكم لكن مش هروح القسم
حاول خالد تهدئتها وقال
ياجميله احنا مينفعش نتهم حد بدون دليل لازم ندور على هناء دى وساعتها نقول للبوليس
جميله بعدم اقتناع:احنا نقول للبوليس وهم هيلاقوها اسرع وهيعرفوا يخلوها تعترف بكل حاجه
خالد : ياااجميله ارجوكى بلاش التسرع بتاعك ده انتى هنا مش زى القاهره هنا لو كلمه بس اتقالت الدنيا كلها هتولع لازم نبحث بهدوء
جميله: فى ايه ياخالد بحث ايه وهدوء ايه انت عاوز تجننى
خالد: احنا هنا لينا عادات تانيه فكرة اننا نتكلم ببساطه ونقول ان صادق كان على علاقه ببنت بتشتغل هنا فى الدوار دى فضيحه للعيله كلها لا وكمان احتمال تكون هى اللى قتلته ارجوكى تفهمى وتقدرى
وبعدين اللى فى الحبس دى أختى واللى اتقتل ابن عمى وانا مش هسمح ابدا اختى تتظلم
هدأت جميله قليلا فهى فى تلك الفتره التى أمضتها هنا وجدت طباع مختلفه وآراء وعادات مختلفه احيانا تكون صائبه واحيانا أخرى تصيب بالجنون
انهوا جدالهم وذهب كل منهم لغرفته ولكن أبى النوم ان يزور اى منهم
فى قسم الشرطه
أنت تقرأ
جميلتى
Ficção Geralهى فتاه فى كلية الآثار كل مايربطها بالانوثه هو نوعها فى البطاقه لاتخشى شيئا جريئه شجاعه ومرحه هو ضابط شرطه من أكفأ الضباط فى جيله كل من يعرفه يهابه لمجرد سماع اسمه لا يعترف بشئ فى حياته سوى عائلته وعمله يتقابلان صدفه يتمنى كل منهما الا يتقابلا مج...