#شمس٣٠
شهد السلمان
ما اعرف منو الغلطان من صدك و هل فعلا ابوية قتل هالشخص مثل مديكول القصة اكرم الله وحدة اعلم
طلع من يمي و شمس سمعت كل الكلام اللي صار بيناتنا بس جانت مسوية نفسها نايمة
- لا تصدك بهذي القصة اسامة
- ليش !
- لان مهما ابوك مسوي فهو الصح حتى لو قتلة هذولة ناس قذريين والدم والقتل شي عادي بالنسبة الهم شوفة شون يحجي على شغلهم و كأنه هو فخر
- خلي نشوف شنو تالي هالموضوع المشكلة حتى ما عندي اي معلومات او خلفية عن اي شي ديكولة حتى اقلها اكدر اربط و استنتج شي
- كلشي حيبين لا تشيل هم
- اكيد ، شلون صرتي ؟
- ماشي الحال صارلي فترة منايمة واني مأمنة برغم هالوضع بس انت موجود لهذا نمت بدون ما احس
انت نمت ؟
- لا
- خايف ؟
- خايف عليج وجنت افكر بطريقة حتى اخليج تطلعين منا
- لا اسامة دير بالك تفكر هيج خليني يمك اني ما اعرف شنو حيكون مصيري اقلها مأمنة وانت يمي الله يخليك
- صح كلامج ع العموم فات يوم وباقي يومين من المهلة
- حتى لو خلصت المهلة مراح يتغير شي هم ميردون فلوس وبس
- شيريدون لعد !؟
- فلوس و ارواح سامع المثل اللي يكول موت وخراب ديار هو هذا اليريدو حتى يخلصون حقهم منكم
- شمدريج انت ؟
- سمعتهم يحجون هالشي بينهم مرة من المرات بس مجنت اعرف على شنو يحجون وهسة من جان يحجي اكرم ربطت السالفة ..
أنت تقرأ
شمس
Short Storyمِن المؤلم أن تعاشر أناساً فرضت عليك الحياة وجودهم في محيطك .. وأن ترفع رأسك عالياً فترى الأقزام قد أصبحوا أطول قامةً منك .. وأن تغمض عينيك على حلم جميل .. وتستيقظ على وهم مؤلم.. وأن تقف فوق محطة الحياة في انتظار ما تعلم قبل سواك أنّه لن يأتي أبداً.
