#شمس٣٢
شهد السلمان
حالة هياج و هستيريا صابت ابو شمس لدرجة صار الوضع مخيف يبجي مرة يصير قوي مرة يضعف مرك وبعدها يحاول يخنك شمس و يستمر بسؤال شمس عن امها كأنه حلت لعنة ام شمي علي و مسة الجنون بسببها
الظاهر هو مريض بيها لدرجة التملك بس الاكيد هو ما حبها لان هو حب تعلقة بيها ومن كلام ابوية عنة وتصرفاتة ثبتلي هو ميحب الا نفسة ولان امل بعمرها محبتة صارت روحة بيها مع انه متاكد لو حبتة جان شافها مو مهمة ..
اخذ اكرم المسدس اللي جواية من الكاع و حطة على راسي ويحجي ويا ابو شمس وهو يحاول يلزم دموعة و يكبت رجفة صوتة
- خالو اني مستحيل اصدك تلفيقات الفوها عليك
حتى يخسرونا بعض انت اللي كبرتني ووكفت وياية بكل شي واني ابنك
تتوقعني اصدك بهذا الرجال جايب ورقتين تلاثة مدري منين ومزورهن !؟
هذا اللي حرمني من ابوية مو انت هيج كتلي مو هو هذا الصح ؟
- صدكتني ؟؟ يعني انت تعرف هم يجذبون مو ؟ جاوبني اكرم
- طبعا
طبعا وحقك تاخذة من ابو اسامة مو من شمس لان هي اول تالي حتموت واحنا اثنينا اللي سوينا هيج بيها وهذا عقاب كافي لامل مرتك حتى وهي ميتة مو صحيح ؟
فاخذ حقك من ابو اسامة حتى تقضي عليهم كلهم يلا خلينا نخلص منهم
شمس مراح تفيدنا بشي مو هي هدفنا تتذكر من جنت تعلمني اركز باللي اريدة و بس وهدفنا اني وياك ننهي حياتهم ،
يلا يابة مثل متحب اصيحك ، انت الاب واني ابنة ، خلينا نخلص ..
أنت تقرأ
شمس
Short Storyمِن المؤلم أن تعاشر أناساً فرضت عليك الحياة وجودهم في محيطك .. وأن ترفع رأسك عالياً فترى الأقزام قد أصبحوا أطول قامةً منك .. وأن تغمض عينيك على حلم جميل .. وتستيقظ على وهم مؤلم.. وأن تقف فوق محطة الحياة في انتظار ما تعلم قبل سواك أنّه لن يأتي أبداً.
