شمس

٣٦

#شمس ٣٦
شهد السلمان

‏"لا شيء أسوأ من أن يُعاد شعور قديم، جاهدتُ طويلاً لتجاوزه."

بالطريق واحنا بالسيارة جنت ابجي بدون ما اكدر الزم نفسي وبدون اي صوت اللي دا اعيشة هسة يشبه من جنت اداوم بالمدرسة واسمع كلام الطالبات والمدرسات عن ابوية نفس الاحساس حتى لو الطريقة والزمن مختلفين بس هو نفس المضمون هم جنت اتمنى لو شي واحد زين اتمسك بي حتى ادافع عن نفسي ..

حسيت اللي ديصير اكبر مني كل شي ديكون ضدي و صحيح الدكتورة كالتلي حيصير هالشي وهذا عادي بس مدا اكدر اتخيل فكرة انه كل مرة يتكرر هالوضع ومن صار صار ويا اهل الانسان اللي احبة وهذا معناه شي واحد بالنسبة الي والة
انه احنا لازم نتفارك وهو يشوف حياتة و يعيش ويا وحدة تستاهلة وتكون مشرفة هي واهلها لاهلة والة
وهاي المشاعر شي مؤقت مثل ما هو جان يعشق هديل و كدر بعدين انه يرفضها او ميتقبل وجودها بحياتة فاني هم يكدر يسوي هيج وياية ولازم يتجاوز هالعلاقة لان الوحيد الخسران بيها هو ولو على حساب مشاعري
كل الوقت حاول يهدي بية  و يحجي وياية ويضحكني مع انه هو متضايق بس مكدر ..

وصلنا بيت وخلاني يم جماعة ناس على باب الله كلش حبابين وشالوني من الكاع بالترحيب بعدين عرفت انه اهل اسامة ينطوهم المقسوم و شبه اللي متكفلين بيهم بعد ما مات ابوهم وتركهم وبقو بس بنات ثنين و ولد صغير و امهم امني عدهم وطلع ،