شمس

٧

#شمس٧
شهد السلمان

دا اتمشى وفكدت تلفوني مموجود بجيبي دورت داير مدايري ملكيتة بعدين تذكرت من دا اكوم من يم بيتها سمعت صوت شي وكع بس ما اعرف شنو ومرجعت باوعت لان ظلمة ميبين شي كلت يجوز يكون هو
و رجعت نفس طريقي ولنفس المكان واني اتقرب منة انتبهت على بابها مفتوح نص فتحة
وصلت ورحت دورت التلفون طلع واكع بين الحطب مثل ما اتوقعت شلتة ونظفتة رفعت عيوني للباب بس جانت كأنما مو عدلة او واكعة يعني شبه مخلوغة
اتقربت شوي شوي ومديت راسي على كيفي شفت رجال واكف على باب الهول اللي يطل ع الطرمة الصغيرة مباشرة وداير ظهرة للباب الرئيسي فتحت عيوني على وسعها والتفيت حوالين البيت بركضة خفيفة
جان السياج شوي ناصي رفعت نفسي وطليت ع البيت كل شي واضح شفت اثنين واحد لازمها من شعرها ويشد بي ليورة والثاني واكف كدامها ومرة يضربها على وجهها مرة يخنكها ومتكدر تسويلهم شي لان شادين ايدها وسادين حلكها بشالها الاسود وهي تبجي بصوت مخنوك
معرفت شلون اتصرف وما اكدر افوت لوحدي لان هم مسلحين
رجعت نظري للغرفة وجانو مركعيها على ركبتها واللي كدامها موجه مسدسة على راسها وهي تبجي وخايفة مغطية عيونها وبعد مكدرت اصبر اكثر
نزلت وركضت ع الباب دفرتة دفرة قوية وفتت انتبهو لوجودي وبديت اصيح واتعارك وياهم وصار بيناتنا ضرب وواحد ثالث وجه سلاحة علية بس الشخص الرابع  جان متلثم و بعد ايدة عني بدون ميحجي واشرلة ميصوبني وحتى اخوفهم واخليهم يفكون عني وعنها صحت تعالو يا ولد فوتو ذولة الحراميةهنا
من سمعو هيج دفعوني وانهزمو بسرعة من الحايط و راحو بعيد ركضت عليهم وشفتهم ابتعدو شوي شوي وهم صاعدين بسيارتهم طابكيها بعيد لحد ما اختفوا ؛
رجعت الها شفتها واكعة بالكاع ووجهها اصفر كلش صحيتها بالمي اول مفتحت عينها فزت مني وبعدت روحها وهي مصدومة بوجودي من نظرات عيونها افتهمت هي عرفتني فكيتها وبصوت يرجف حجت وياية
- انت ؟ ؟ ؟
- اي اني
الظاهر عندج اعداء هواية !؟
- شجابك هنا ؟
- اليوم يوم المفاجاءات بالنسبة الج مو هههههه
شوفي بكل هدوء وبدون لف ولا دوران ليش سويتي هيج وياية ومنو انت حتى تلعبين ادوار وتمثلين علية وع العالم واكيد هذولة ناصبة عليهم بفلوس او بايكتهم مثلي
- ما اكدر احجيلك كل شي هسة وفلوسك اني لميتهن بعد ما صرفتهن وكلت اكيد بيوم راح الكاك وارجعها الك
كامت تحركت و ركضت خفت لا تنهزم مني صرت مقابيلها وطخت بية صارت كلش قريبة مني وباوعت لعيوني مباشرة بعيونها مليانة دموع وخوف
- مراح انهزم بس اريد انطيك الفلوس بسرعة واروح منا
- اوكي يلة
راحت باتجاه الدولاب الصغير وطلعت منة صندوك وبي جيس صغير لونة ذهبي وناولتنياه
- شنو هاي ؟
- فلوسك اللي اخذتهم منك هنا عدهم وتاكد منهم ..