شمس

٤٠

#شمس٤٠
شهد السلمان

اختبارات الحياة باللي نحبهم هي من اصعب الاختبارات و اكثرهم الم خاصة لما منكدر نقدملهم شي غير الدعم المعنوي واحيانا نعجز حتى عنة يمكن كمت افهم اكثر شعور اسامة ايام اللي جنت بالمصح اتعالج و جنت رافضة العلاج مثلة و مأيسة بس هو بقى وياية وما تركني ولا لحظة ،

بعدما انتكس اسامة وبطل يتمرن وياخذ علاج ومر بازمة نفسية حادة حاولت بكل الطرق اكون وياه و انفذ كلشي يريدة و مرات اضحكة و هم ميضحك يعني مديفيد اي شي اسوي لحد ما بيوم طردني من البيت الي همين ولان مقدرة وضعة الصحي والنفسي جنت ما اخذ بكلامة بس انفعلت مجبورة كلت بلكي هالانفعال يصحي ويجيب نتيجة وكأنما الاحداث دتنعاد بس بالعكس

- شعندج كاعدة هنا كومي اطلعي برة ما اريد اشوفج
- شنو يعني مليت مني هسة حتى اكلي جايبتة وياية هههههه
- تنكتين انت ؟ كتلج ما اريد اشوفج
- اوكي راح اكعد وراك
- شمس لا تستفزيني و كافي عاد كومي طلعي
- واذا مطلعت شحتسويلي !
- حقح ليش هو اني اكدر اكوملج مثلا لو اطلعج
- اسامة ليش دائما تربط عجز رجلك بعقلك
- وهو شنو اني عبارة عن رجل كرسي اذا مو هاي العكازة اني ما اكدر اوكف مو امشي
- احمد الله واشكرة كل ما تنام وتكوم لان انت جنت مرشح تكون مشلول على كرسي كل حياتك و لو رجعت تمشي مجان كدرت تمشي مثل هسة حتى
شصايرلك انت ؟؟ من جنت اني اتعالج وكفت يمي ومقبلت تتركني يوم و كل الوكت جنت يمي
شفتك شي جبير امان وسند و ظهر و حنية وحتى بعد ما طلعت وانت بقيت وياية
وين هذا اسامة اللي متصعب علي شغلة وكل شي يكدر يحلة
- هياتة كدامج وعاجز
عاااجز دتشوفين ؟؟
- لا تكول عاجز انت مو عاجز
مو عاجز لا تعيق تفكيرك ، رجلك تاخذ وقتها حتى تطيب وبهاي حالتك انت مراح تتقدم خطوة
اصحى على نفسك وكافي انت مو مراهق وتدلل و تتطلب انت رجال وتكدر تسوي اللي محد يكدر يسوي بارادتك و اصرارك اذا ايدك ضربت هالحايط تهدة
- شمس ..
- اسامة الله يخليك اسمعني
مالي غيرك
افهمني انت ظهري اللي استند بي لا تكسرلي ظهري وتعوفني ما عندي غيرك لا تحوجني للكل وانت كل شي عندي لوحدك تسوة دنيا بعيوني
يا ريت رجلي بمكان رجلك بس ما بيدي حيلة
يا ريتني احمل كل الوجع اللي تحس بي واخلي بكلبي
- اسم الله عليج لا تحجين هيج الله يخليج ما اتحمل يصيرلج شي بعد
- والله قليلة رجلي لو بيدي انطيك صحتي كلها و عمري و كل اللي تريدة وتحتاجة واتمنى لو تقبلهن همين
يا ريت لو اكدر اصيرلك سند مثل ما انت تسندني خليني يمك
حس وياية بامان مثل ما احسة وياك
- ومنو كالج ما احس بامان وانت يمي مجرد اتذكرج احس براحة
- كوم على حيلك اسامة واتسند بية وصدكني يوم بيوم حيرجع كلشي احسن باذن الله  بس عوف التشاؤم اللي انت بي وحول المك لامل وان شاء الله رب العباد مينساك
بعدين انت اعرف واحد بية شكد عانيت و انوجعت  وبالتالي اتشافيت  من كل الامراض اللي صارتلي والادمان
بس هو هذا العلاج لازم بالصبر لان بطيء والحمدلله انه منة امل
- شمس لو جنت مشلول حتعوفيني ؟
- شلون اعوفك تتذكر مرة من كتلك انت حلم بحد ذاتة ؟
اني مراح امل الا احقق هالحلم
- زين انت هسة مدتعوفيني لان اني معفتج يعني دترديها الي ؟
- ليش هو اني اكدر اردلك شي من السويتة الي
حبيبي لا تظل الافكار تجيبك و توديك هذا كلة مضيعة وقت
اني وكل شي بية يروحلك فدوة حسك بالدنيا عندي بهالكون والله لو مو مشلول ولا شي يخليني اشوفك غير رجالي و ظهري و حمايتي
وحبيبي 
الله يخليك لا تبجي ما اريد اشوف هالدموع وخليني اوكلك حتى تاخذ دواك و من باجر ان شاء الله نرجع للعلاج الطبيعي
ماشي ؟
- شموسة خليني لوحدي شوية كلش محتاج لهدوء
- خليني اكعد يمك ومراح ازعجك والله حتى ما احجي
- ميخالف بس اليوم تركيني واوعدج حسوي كل شي يرضيج
- اللي يرضيك هو اللي يرضيني
زين بس اوكلك و اكعد براحتك بعد
- ما اشتهي والله ومحتاج ارتب افكاري كلها واكعد وحدي
- مثل متحب حبيبي مراح اضوجك
دير بالك على نفسك