မိသားစုအိပ်မွေ့ယာခဲရောင်ကြီးပေါ်တွင် ဇေနိုင်ထိုင်ကာအရှေ့မှမတ်တပ်ကြီးရပ်နေသည့် စိုင်းသူရအောင်အား ကြည့်နေသည်။ စောနက အောက်ဆင်းမလို့ရှိသေး လက်ဆွဲကာပြန်တက်လာတဲ့သူကြောင့် ယောင်တောင်ပေါင်တောင်နဲ့ အပေါ်တက်လာခဲ့ရသည်လေ။ ခေါ်လာတဲ့သူကတော့ ခုထိ မတ်တပ်ကြီးရပ်လို့ကောင်းနေတုန်း။ အသက်မှရှိသေးရဲ့လားလည်းမသိ။
" ငါကို ဘာလို့မင်းအခန်းထဲခေါ်လာတာတုန်း
ဘာပြောမလို့တုန်း"
စိုင်းသူရအောင် လည်းမသိပေ။ ဇေနိုင်အား ဘာကြောင့် သူ့အခန်းထဲခေါ်လာမိမှန်း မသိ။ လှေကားမှာတုန်းက ကိုကြီးနဲ့အကြည့်ခြင်းဆုံပြီး
ရယ်နေတာကို မမြင်ချင်လို့ ကြားဖြတ်လက်ဆွဲကာခေါ်လာလိုက်တာ။ လှေကားထိပ်ရောက်မှ သူနေတဲ့အခန်းကိုကြွားချင်လာပြီး ဇေနိုင်ကို အခန်းထဲပစ်သွင်းလိုက်မိတာပင်။ဒီတိုင်း.....
"မတ်တပ်ကြီးသေသွားြပီလားဟ" ပြောရင်းဆိုရင်းမျက်စိရှေ့လက်ကာလာသူကြောင့် နောက်သို့ခြေတစ်လှမ်းဆုတ်မိ၏။
"ငါ..ငါ.... အယ်.မင်းမှာလက်အပိုလေးနဲ့" သူဒီနေ့ဘာတွေဖြစ်နေမှန်းကိုမသိပါဘူး။ အပိုတွေ လျောက်လုပ်မိနေသည်။ သူခါတိုင်းအဲ့လိုမဟုတ်ပါဘူး။
"မင်းအခုမှမြင်တာလား" ဇေနိုင်သူ့ညာဘက်လက်လေးထောင်ကာမေးလောက်သည်။
"မဟုတ်ပါဘူး! ငါကြာပေါ့ မြင်တာ" ပြောပြောဆိုဆိုပင် လက်သန်းအပိုလေးအားဖိကြည့်လိုက်၏
ရုတ်တရက်အဖိခံလိုက်ရသောကြောင့် ဇေနိုင်လန့်သွားကာ လက်ကိုရုတ်လိုက်မိသည်။
"ဆောရီးး...ငါ တစ်ခါမှမမြင်ဖူးဘူး ပြီးတော့ အူယားလို့ ဟီးဟီး"
ခေါင်းကုပ်ကာရယ်ကျဲကျဲလုပ်နေတဲ့ကောင်ကို ဂျိုကြည့်သာကြည့်ပေးလိုက်သည်။ ဘာမှန်းကိုမသိဘူး
လန့်သွားတာပဲ။
" မင်း ဆိုင်ကယ်တွေကြိုက်လား ဘယ်တစ်ခုကြိုက်လဲ" လက်ညိုးထိုးပြသည့်နေရာကို ကြည့်မိတော့။ ဟုတ်ပ ။ ဆိုင်ကယ်ပုံစံအသေးလေးတွေကိုစင်အပြည့်တင်ထားသည်။ ဆိုင်ကယ်တွေကလည်း တကယ့်အမိုက်စားတွေ။ ဘီးကြီးကြီးတွေနဲ့ဆိုင်ကယ်တွေ၊ မိုက်လိုက်တာ၊ ဆိုင်ကယ်လေးတွေရဲ့အောက်မှာ Harley -Davidson လို့ရေးထားသည်။
ကြိုက်တာပေါ့ ဒါပေမဲ့ ကပ်ရပ်စင်ကအင်္ဂလိပ်ဝတ္ထုတွေ၊ ဘာသာပြန်တွေကို သူ့အကြည့်မခွာနိုင်ဘူး။
အထူးသဖြင့် Harry Potter စာအုပ်တွေ။
YOU ARE READING
သောကြာယုန်အား အချစ်တွေပုံ၏ ❤ Complete
Romance"မင်းကော နောက်ဆယ်နှစ်ကြာသွားရင် ငါကိုချစ်ပါအုံးမလား'' "မင်းကငါအမြဲတမ်းချစ်ပါမယ်လို့ပြောတာတောင်မယုံချင်ဘူးလေ အဲ့ကြောင့် ဒီအစီအစဥ်ကိုလုပ်လိုက်ရတာ ငါတို့ဆယ်နှစ်ကိုတစ်ကြိမ်လက်ထပ်မယ် ငါးနှစ်တစ်ကြိမ်ဆိုလည်းရတာပဲ တစ်ကြိမ်လက်မှတ်ထိုးပြီးတိုင်း ငါအချစ်တွေက...
