အလုပ်များရခြင်း အကျိုးကျေးဇူးသည် ကိုယ်မတွေးလိုတော့အတွေးတို့ကို မတွေးမိပေ။ မတွေးမိရအောင်ဆိုတာလဲ စိုင်းသူရအောင် တစ်ယောက် သူမျက်စိရှေ့တွင် ပေါ်မလာသည်မှာလည်း သုံးလေးငါးရက်ပင်ရှိတော့မည်။ ဘယ်လာတော့မလဲ သူ့အချစ်ဆီသွားမှာပေါ့ ..သူကိုသတိတောင်ရမည်မဟုတ်တော့ချေ။ အရင်က အဆင်ပြေသွားရင်
ဝယ်ကြွေးခိုင်းမည်ဆိုသည့်အတွေးတို့လည်း ခွေးကြွေးလိုက်လေပြီ။ သူအခြားလူရဲ့ချစ်သူအပေါ်ကိုလောဘမတတ်သင့်ပေ။ ငရဲကြီးလိမ့်မည်။
" ဇေနိုင်လေး အောင်အောင်ကို အပေါ်ထပ်သွားကြည့်ပေးပါအုံးကွယ် အဲ့ကလေး မနက်ကမှပြန်ရောက်တယ်ထင်ပ ဒီနေ့ သူ့မိဘတွေလာမှာကိုကွယ် ''
"သူဌေးတို့ခုလေဆိပ်လူသွားကြိုတယ်ဆိုတာ စိုင်းသူရအောင်မိဘတွေလား ကြီးမေ ''
"ဟုတ်ပ အဲ့ကလေး အပြင်မထွက်အောင်ကြီးမေကိုကူကြည့်ပေးပါအုံးကွယ်..အောင်အောင်က သူ့မိဘတွေလာရင်အိမ်ကိုမကပ်ဘူး''
"ဟုတ် အဲ့ဆို သား အပေါ်တပ်ကြည့်လိုက်အုံးမယ်နော်''
"အေး အေး သွား သွား ''
စိုင်းသူရအောင်ခုတလောအိမ်မကပ်တာသူမိဘတွေပြန်လာမဲ့ကိစ္စကြောင့်ကိုးးး အဲ့တာကိုသူကိုရှောင်နေသလားဆိုပြီး စိတ်ပူနေခဲ့တာ။ ခုတော့ တော်သေးတာပေါ့။ ဟူး......
"စိုင်းသူရအောင် စိုင်းသူရအောင်... ဟေ့..အောင်အောင် ''
ပြန်ထူးသံမကြားလို့ တံခါးဖွင့်မည်အလုပ် ဘေးခန်းကနေစိုင်းသူရအောင် ထွက်လာသည်။ မျက်လုံးတို့နီရဲနေသည်ကိုကြည့်ရတာ မနေ့ညက မအိပ်ပဲနေသည် ဖြစ်ရမည်။ မနက်မှပြန်လာတာဆိုတော့ ဘယ်များသွားခဲ့တာပါလိမ့်။
" ဝင်ခဲ့လေ ''
ဝင်သွားသည့်အခန်းလေးက သိပ်မကျယ်ပေ။အလယ်တွင် ကားပုံစံမွေ့ယာလေး၊ဘေးတွင်စာကြည့်စားပွဲလေးနှင့် ထောင့်လေးတွင်တော့ ကပ်ထူပုံးတွေ သုံးလေး ငါးပုံးစီထားသည်။
" ငါငယ်ငယ်တုန်းက ကိုကိုနဲ့အတူအိပ်တဲ့နေရာလေ''
ရင်ထဲနင့်သွားသည်။ အပြုံးမပျက်သာ ပြန်ပြောလိုက်သည်။ ခုအဖြစ်အပျက်သာ ဇာတ်ကားသာဆို အကောင်းဆုံးဇာတ်ပို့ဆုကို သူရရှိလိမ့်မည်။
YOU ARE READING
သောကြာယုန်အား အချစ်တွေပုံ၏ ❤ Complete
Romance"မင်းကော နောက်ဆယ်နှစ်ကြာသွားရင် ငါကိုချစ်ပါအုံးမလား'' "မင်းကငါအမြဲတမ်းချစ်ပါမယ်လို့ပြောတာတောင်မယုံချင်ဘူးလေ အဲ့ကြောင့် ဒီအစီအစဥ်ကိုလုပ်လိုက်ရတာ ငါတို့ဆယ်နှစ်ကိုတစ်ကြိမ်လက်ထပ်မယ် ငါးနှစ်တစ်ကြိမ်ဆိုလည်းရတာပဲ တစ်ကြိမ်လက်မှတ်ထိုးပြီးတိုင်း ငါအချစ်တွေက...
