" ရေလောင်းနေတာ ပြီးတော့မှာလား "
" အမယ်လေး ဗုဒ္ဓေါ "
" ဗုဒ္ဓေါမဟုတ်ဘူး မိုးသားနီ "
ခပ်ရွဲ့ရွဲ့စကားကြောင့် စောနကထိ လန့်နေပုံရသော ဒေါ်လွှမ်းနှင်းဆီမှာ မျက်စောင်းလေးခဲကာ မိုးသားနီအား ကျောခိုင်းရပ်နေလိုက်သည်။
" ရေလောင်းတာပြီးပြီမလား "
" ဘာလာလုပ်တာလဲ "
" မာမီ့ဆီသွားလည်မလို့ ခင်ဗျားလိုက်ခဲ့ရမယ် "
" ကိုယ့်ဘာသာ သွားပါ မလိုက်ချင်ဘူး "
မိုးသားနီ တစ်ချက်ပြုံးလိုက်ပြီး ကျောခိုင်းထားသူအား အနောက်မှဆွဲဖက်လိုက်၏။ ထို့နောက် နှစ်ဦးတည်းသာကြားနိုင်သော လေတိုးသံဖြင့်
" ခင်ဗျားကို ရိုးရိုးသားသား အဖော်လိုက်ခဲ့ဖို့ခေါ်နေတာ။ မာမီနဲ့ မိတ်ဆက်ပေးချင်လို့ မဟုတ်ဘူး "
" ဘာတွေလာပြောနေတာလဲ လွှတ်ပါကွယ် "
" ကားထဲထိရောက်အောင် ဆွဲပွေ့သွားရမလား။ လိုက်မယ်လို့မပြောမချင်း ခင်ဗျားကိုနမ်းရမလား "
" အယ် "
" ၁ .. ၂ .. "
" လိုက်မယ် "
ဖက်ထားရမှာလွှတ်လိုက်ပြီး ကားဆီသို့ မိုးသားနီ လျှောက်သွားလေသည်။ ဒေါ်လွှမ်းနှင်းဆီမှာတော့ စောစောက စကားတစ်ချို့ကြောင့် မျက်နှာလေးရဲကာ တုပ်တုပ်ပင်မလှုပ်ဖြစ်။
" ဗျို့ မနှင်းဆီ
အဲ့မှာပဲရပ်နေသေးပုံထောက် အချီခံချင်လို့လား "" ဟင် "
" ဟင်မနေနဲ့ မြန်မြန်လာ "
ဒေါ်လွှမ်းနှင်းဆီခဗျာ အိမ်နေရင်းဝတ် ပါတိတ်အနွမ်းလေးကိုပင် မလဲလိုက်ရချေ။ လျော့ရဲရဲစည်းနှောင်းထားသည့် ဆံနွယ်ရှည်၊ မထူမပါးလိမ်းကျံထားသော ရွှေဘိုသနပ်ခါး။ ထို့ပြင် ကတ္တီပါဖိနပ်အဖြူ။ သာမန်အနေအထားလေးမှာတောင် သာမန်ထက်ထူးကဲစွာ လှနေသော မနှင်းဆီ။
ဖြစ်နိုင်ရင် သေတ္တာထဲသာ သော့ခတ်ပြီး မောင်ပိုင်သိမ်းထားလိုက်ချင်မိပါ၏။" နုဝါတောင် ခင်ဗျားလောက် အိမ်စေပုံစံနဲ့ မတူဘူး မနှင်းဆီ "
YOU ARE READING
Silence In The Mirror (completed)
Romanceage gap (U/Z) " မြတ်နိုးရပါသော သူမနာမည်မှာ မိုးသားနီ " 🥀 " ျမတ္နိုးရပါေသာ သူမနာမည္မွာ မိုးသားနီ "