جمعتنا القرابة {باللهجة الجزائرية}

الحلقة 30 والأخيرة (parte 02)

💓💓💓💓 Wedding day 💓💓💓💓

عند الولاد:

ناض راسم وهو ميت بالسعادة ما اليوم يومو راح يتزوج بحبيبة قلبو آزاار....ناض هبط لتحت يشوف واش ياكل لقاهم راقدين فالصالون كي الهوايش....زاكو محضن الوسادة (ياودي ماشي كامي اطلقها) وصرب رجل فالشرق ولوخرة فالغرب وفمو مفتوح وشعرو مكركب (المهم حالتهم لا يرثا لها بصح هكاك وشابين)
٠راسم: أستغفر الله إذا كانو هادو عبااد....زاكو نوض نوض راهي ال 11:30 جهدك تدوش وتوجد عمرك نعرفك تبات....
٠زاكو: اممم اني نايض
٠راسم: نوض ونوض الهايشة اللي قدامك تحسبو كلب ميت....
خزر زاكو فصرب كيفاش راقد
٠زاكو: يالاطيف هادا كون يرقد مع مرتو تطلقو يخلعها اقسامك
٠راسم: 😂😂😂
٠زاكو: نديرو هدة باسك هادا الملاحة ماتليقش معاه باش ينوض
٠راسم: ديرها وحدك انا اني رايح نوجد روحي
٠زاكو: زعماا رزنت ياك..اييه اللي مايعرفكش..
ناض زاكو راح يغسل ويفطر après دخل للصالون لقاه مازال راقد
٠زاكو: افففف نوض نوض راهو الوقت يا الجعبوط
٠صرب:......
٠زاكو: هادا لازملو العنف ماتليقش معاه الملاحة....
راح بعد مدة جا وفيدو بيدون ما....اوببب....كبو عليه
٠صرب: نع**** ياال***
٠زاكو: لم فمك الفايح ونوض توجد روحك كون نتبعوك نباتو هنا
٠صرب: وهكذا ينوضو الناس بنادم راقد
٠زاكو: اسمع مانيش مرتك باش نوضك بالحنانة اتزوج وبلع عليا
٠صرب: بعد بعد كون نقعد معاك نروفورميلك فمك معا صباح ربي
٠زاكو: تحلبنا ياوو
راح صرب بلا مايدور ليه وهو ميت بالغزول فطر ووجد عمرو وزاكو كيف كيف طلع يوجد عمرو....
بعد مرور ساعتين
خرجو هوما التلاتة وتلاقاو فالصالون
٠صرب: رانا شابين
٠زاكو: مي ماشي كيما العريس تاعنا
٠راسم: مانيش مرا باش نحشم ونقولكوم ميرسي....علابالي بلي انا شباب مايشقاش حتى تقولوهالي نتوما
٠صرب: تعيي يا قسامك
٠زاكو: خليه برك اني صابر عليه كي راه نسيبي وليوم عرسو كون والله غير نبعتو زرق مرتو تحسب هو اللي دخلو عليه ليوم
٠صرب: ماتدخل عليه مايدخل عليك ادخلو على نساكم اسيدي
٠راسم: امشيو امشيو قدامي نعلبوه لي عندو صحاب كيما نتوما ماتفكو ماتصكو فالحين غير فالهدير الزايد
٠صرب: اياا ماتحلالكش نتا
راحو لولاد راسم وصرب ركبو كيف كيف رايحين لدار راسم وزاكو ركب وحدو رايح لدارهم

٠عند البنات:

٠تحديدا عند العروس ووجدان
كانو راقدين (الليل كامل مارقدوش وهوما يحكيو)....دخلت عليهم ماريا جارية كيما الإرهاب
٠ماريا: يا خلايا على العزبات مازالو راقدين وحدا زعما ليوم عرسها ورايحا تتحمل مسؤولية تاع دار ولوخرا مانحكيش خير كون تقعد هكاا تبقا بايرا....والله طاطا ليوم تندبلكم..... ديجا راهي جايا نوضو
٠البنات:.....
٠ماريا: اياه والله ماعلابالهم بيا كامل....دوك تشوفو....طاطااااا يا طاطااااا اجري ماحبوش ينوضو راحح الحال
ناضت آزار مفجوعة
٠آزار: حبستيلي قلبي يا قسامك علاش راكي تسوغيي ياو
٠ماريا: وجهك صحيح وتهدري علابالك شحال اي الساعة راهي ال 10 والحفافة (الحجامة كل واحد واش يسميها) عندها ساعة وهيا تستنا فالأميرة النائمة تاعنا وعلابالك بلي زاكو او جاي يتسما مابقاش ويجو ونتي اقعدي هنا كي الغولة يجي راسم يشوفك يبطل و.....قطعتلها الكلام
٠آزار:بلعقل اتنفسي وشبيكي هادو غااع خلاص اني نايضا دوك ونوجد روحي وكلش يعدي
٠ماريا: اصبري اصبري..نتي صح عرسك ليوم ولا اناا..ياقسامك مديلي برودة اعصابك هادي
٠آزار: وعلاش نتقلق ليوم نهاري ولازم نفوتو كيما يحب الخاطر وكون نتقلق ماراح نستفاد والو
٠ماريا: هياا صح عندك الحق..ياه الكلبة كبرتي ووليتي تعرفي تهدري...ضحكت آزار...ممبعد تولهت بلي وجدان ماناضتش
٠ماريا: ياه نوضي يالحمارة ليوم جاتكم على النعاس (تهدر وتضرب فيها باش تفيق)...ناضت وجدان مخلوعة...وآزار حاكمة ضحكتهاا بالسيف على حالة وجدان
٠وجدان: واش وش كاين علاش تعيطي غير الخير كاش ما صراا...خبطت مارياا راسها تسما مالصبح وهيا ترحي بلا فايدة
٠ماريا: اي ال 10 ام قريب يجو ونتوما اقعدو هكذا تخلعو الميت ياك..انا اني رحت عييتوني....راحت ماريا ووجدان كيشغل اللي جا وضربها بكف شافت آزار تشوف معاها وولا على بالها
٠وجدان: يا قسامك ومازلتي تتفرجي فيا ، نوضي نوضي راح الحال....ناضت من الفراش تجبدلها فحوايجها وتهدر
٠وجدان: اجري ادخلي تدوشي و هاكي هادو البسيهم كي تكملي الدوش le temps نروح نجيبلك فطورك من تحت ونسغم هاد الخردة اللي هنا باش تجي الحفافة تخدملك ممبعد ندخل ندوش اناا....شافت آزار قاعدة وتسمعلها وولا على بالها
٠وجدان: اجررريييي نوضي....ناضت آزار تدوش وهيا هبطت لتحت فطرت وجابتلها فطورها وسغمت البيت.....حتى شافت آزار خرجت مالدوش
٠وجدان: صحاا عليك
٠آزار: الله يسلمك ، ادخلي تدوشي
٠وجدان: دقيقة افطري نعيط للحفافة ونجي.....قعدت آزار تفطر ووجدان راحت تعيط للحفافة غير جات وجدان دخلت تدوش والحفافة بدات تخدم لآزار.....