جمعتنا القرابة {باللهجة الجزائرية}

الحلقة 22

فجهة خلاف كالعادة مازالت فغيبوبة دخل الطبيب يفحصها ويشوف إذا كاين تطورات بصح كالعادة ماكان حتى جديد ، خرج وراح لعندو وهو مهبط راسو علابالو دوك يشبع رخس وشتائم وهذا إذا مافقدش حياتو

▪️نعم إنها آزار خطفها الكلب تاع فراس نهار الحادث بصح من تما وهي فغيبوبة مافطنتش
دخل لعندو وهو مهبط راسو
٠الطبيب: كالعادة monsieur فراس مكان حتى تطور
٠فراس: نعطططيييييطيطيطي....... يالكلب كيفاش ماكان حتى تطور قول وأنتوما واش راكم ديرو قول آه واقيلا مخدومين للشباح وحكمو من الكول ودوك تقعد هكذا وكان راح يضربو حتى صونا التيليفون
٠فراس: ألو وي خلاص دوك نجي، وطلق الطبيب طيشو فالأرض وراح ، الطبيب تنهد سلك بشعرة
عند وجدان جات تفتح الباب حتى تحس بيد جبدتها
٠مهدي: وجدان واش راكي ديري هنا ؟!
٠وجدان: وشبيك مخلوع؟! جيت ندي شويا دوزان نحتاجهم برك ونروح
٠مهدي: آه d'accord إيه روحي أدي واش تحتاجي واش راكي ديري هنا
٠وجدان: بصح سمعت صوت شغل تاع بكا هذا وين منا جيت نشوف
٠مهدي: واش راكي تخلطي واش من بكا أيا روحي روحي راكي غير تهترفي ، راحت وجدان بصح مازال عندها شكوك بلي سمعت صوت راحت جابت واش تسحق وجات هابطة لقات مهدي
٠مهدي: واش راكي رايحا ؟!
٠وجدان: وي وي أني رايحة
٠مهدي: نوصلك؟!
٠وجدان: لالا صاحا اللي نخدم عندها ولدها وصلني وراهو يستنا برا
٠مهدي: مالا أمشي مام أنا نشوف العايلة اللي راهي تخدم عندها ختي، خرجو مع بعض بصح زاكو كان فالطونوبيل غير شاف مهدي هبط، مهدي صراتلو صدمة كبيرة وكل الألوان ظهرت على وجهو
٠مهدي: هذا نتا؟!
زاكو: وي ، وسلمو على بعض
٠وجدان: تعرفو بعضكم؟!
٠زاكو: وي كان يقرا مع ختي و..... وسكت وهبط راسو
٠وجدان: صاح معليه
٠زاكو: ودوك نروحو ؟!
٠وجدان: وي
٠مهدي: أتهلا فيها وباسها من خدها، وهنا خزرت وجدان فزاكو وقاتلو
٠وجدان: راهو متهلي فيا معندو ميزيد، وخبطت يدها فقلبها، وهنا راسم فشلتو الضحكة بصح حكمها وراحو، أما مهدي فحكمتو القلقة وطلع للبيت direct *اللي كان يخرج منها الصوت*، فتح الباب
٠مهدي: نتي ر** متفهميش متقدريش تغمي داك الفم قريب فرشتيني قدام ختي وزيد ياك قتلك يفيق كاش واحد نقتل صحبتك ولا نسيتي أيا بلعي ولا
......: والله ماكنت حاطاتك هكذا كان علابالي بلي نتا مليح وكنت حاطاتك أعز صحابي ديرلي هكذا وفآزار ، كيفاش طاوعك قلبك تدير هذيك التمثيلية كامل وتحرق قلوب اللي يحبوني 3 أشهر كاملين آه وزيد صاحبتي اللي فغيبوبة ونتا تهدد فيا بيها لهاد الدرجة حيوان آه
٠مهدي: بلعي لانكسرلك داك الفم ديجا حبيب القلب كان هنا وراهو فرحان ماهوش même pas سامع بيك
٠كامي: وشنو زاكو ز... كان هنا كيفاش؟! وطاخت تبكي
٠مهدي: إيه كان هنا جاب حبيبتو اللي هيا ختي باش تدي شويا حوايج وراحو كيف كيف وهوما فرحانين
٠كامي: وشنو بركا ماتخرف زاكو محال ينساني فهمت محال خاطر يحبني فهمت يحبني أنا
٠مهدي: بصح نساك يا لالا، وراح وخلاها تبكي فالأرض

▪️نعم يا أيها السادة الكرام كامي حيا وأنتوما سمعتوني وسخ ودنيا بسبابها حطمتولي المشاعر

نفهمكم شويا علابالي مخكم ماركا erreur، الطبيب غير خرج من غرفة العمليات خبرهم بلي كامي اتجاوزت مرحلة الخطر، ممبعد مهدي راح للطبيب وهددو بلي يقتلو ابنو لوكان مايديرش التمثيلية تاع كامي ماتت وبالطبع نفدها وغير لحق الوقت ضربولها بيكورة *تاع الدواب خخخخ* تخليها ماتفطنش حتى يضربولها بيكورة أخرى وطبعا تبان كيشغل ميتة وهذاك السيناريو اللي صرا صح دفنوها بصح غير راحو كامل راح جبدها من القبر وهذا كامل بمساعدة فراس وعبدو ابن عم كامي وآزار وزاكو وراسم ابن الساعيد اللي اتحلف نهار بلي يندمهم وفالحاجة لعزيزة عليهم، وغير خرجوها من القبر أداوها للدار اللي فيه آزار فالغابة ممبعد فطنوها وفاقت لقات روحها معاهم وهوما حكاولها واش صرا، بعدها حاولت تهرب وهددوها بلي يقتلو آزار لوكان تهرب ولا يفيقو بلحكاية وهي استسلمت بسباب صاحبتها، أما مهدي فغير عرف بلي ختو رايحا تخدم عند الناس وتبات عندم جاب كامي للدار وصرا اللي صرا

نوليو للكرونيك
مهدي خرج من عند كامي غلق عليها الباب وخرج يشوف فراس، تلاقاو وين اتفاهمو
٠فراس: واش كاين واش خصك؟!
٠مهدي: وجدان قريب كشفتني ليوم سمعت المندوبة هذيك تبكي راحت تشوف مزيا لحقتها
٠فراس: إيه نتا حمار مديها لتم
٠مهدي: بلع وعلابالك عند شكون تخدم، خزر فيه متعجب تاع عند شكون؟!
٠مهدي: عند زاكو، وهنا فراس بزق القهوة اللي كان يشرب فيها
٠فراس: وشنو وكيفاش تخليها تخدم عندو مهبول نتا
٠مهدي: وأنا وين عمبالي قالتلي رايحة تخدم عند مرا بصح مقبيل جات كيشغل *عيشا وباندو* هيا وياه وياا فرحتي بختي
٠فراس: وعاجبك لحال آه والله ويفيقو غير نقتلك بيك بختك ونرميكم للكلاب ياكلوكم، وهنا مهدي توتر
٠مهدي: يا ندامتي اللي تبعتكم ودخلت معاكم فلحكاية، فراس خبط الطابلة
٠فراس: ماكاش وقت للندامة راك دخلت، ودوك يا تكمل يا تموت، وهنا خزر فيه مهدي بقلقة
٠فراس: وختك تبطلها لخدمة وتحجزها من الدار ماتخرجش فهمت
٠مهدي: بصح.....
٠فراس: أنا هدرت اللي عندي ونتا قرر، وراح وخلاه مقلق ويخمم فولش حصل روحو
٠مهدي: ياندامتي واش اداني كنت مهني روحت نحصل فروحي آه ياربي لعبولي براصي الكلاب

عند كامي اللي ملي خرج مهدي وهي تبكي وتخمم فالكلام اللي قالهولها
٠كامي: لهاد الدرجة أنا رخيصة عندك مامبا فات على موتي زعما 4 أشهر لحقت تحب وتعشق وتسكنها معاك تاني، أنا الكلبة اللي حبيتك وكنت نخمم فيك وفواش صرا فيك وقعدت تندب على زهرها

فجهة خلاف كانت تحرك فصبعها بلعقل وبدات تحاول ترمش عينيها، دخلت الفرملية باش تطمن عليها انتبهت بلي تحرك فيدها وتحاول تفتح فعينيها راحت جارية خبرت الطبيب وهو جا فحصها، وفرح لأنو فطنت بصح ماهيش تهدر، غير جا فراس خبرو راح ليها جاري راح يمسلها فشعرها وهيا العصب طالعلها تحاول تبعدو ولا حتى تهدر، بعد وقالها
٠فراس: علابالي بلي ماحاباش تشوفيني نروح ونخليك psQ عندنا وقت طويل نحكيو فيه كيتبراي، واتبسملها ابتسامة شيطانية وراح أما هيا كون جات تقدر تتحرك كون شالاتو بكاش حاجة

عند وجدان دخلت للدار والوسواس راكبها من الصوت اللي سمعتو وزيد التوتر اللي كان فيه خوها، راحت اطمنت على أم آزار وهبطت للجنان فيدها كتاب ولابسة نواظر بصح ماكانتش مركزة مع الكتاب كامل حتى قاطعها صوت خلعها
........ يتبع

Wach raykum fhed la partie nchalh y3jbkum we atfq3lo ki l3ada bach nkml et merci 💞❤️