جمعتنا القرابة {باللهجة الجزائرية}

الحلقة 06

دورت آزار القرعة جات فكاميليا و صهيب و كاميليا اللي تسقسي
٠كاميليا: action ولا vérité
٠صهيب: vérité
٠كاميليا: واش هيا الحاجة اللي عجبتك فماريا ؟!
٠صهيب: العقالة والرزانة والزين والعقلية اللي أي بنادم يحوس عليها
وتنطق آزار
٠آزار: شوف آسيدي تسما أنا كي ماني عاقلة ماني رزينة نقعد بايرة حب يقول
٠زاكو: بصح عندك الزين اللي ألف واحد يتمناه وزيد ماشي أي واحد يحب يديها رزينة كاين اللي يحبها تكون خفيفة باش تهبلو بهبالها
٠آزار: صاحا هاي الناس اللي تفهم ، مبعد سكتت شويا ونطقت آيا صاحا بصح قولي نتا منين جبت هادي الخبرة كامل؟! 🤔 أواه هادي فيها اللوش
٠زاكو خزر فكاميليا مبعد نطق
٠زاكو: ماعنديش بزااف بصح هادو الحوايج اللي أنا حابهم يكونو وهادي ماتحتاجش خبرة
٠آزار: صاحا صاحا عمو الفيلسوف نكملو
٠كاميليا: دوك أنا ندور
دورت كاميليا حتى جات فزاكو و ماريا بصح زاكو اللي يسقسي
٠زاكو: صاحا مرت خويا act wla vér
٠ماريا: vér
٠زاكو: واش هيا الحاجة اللي ماتعجبكش فخويا وراكي حاباتو ينحيها
٠ماريا: القلاقة يايما يتقلق grff و بلاسبة
٠زاكو: صاحا هادي هيا الحاجة اللي تقلقك أيا بما أنو وليت خوك لازم عليا نحيلو هاد الطبيعة اللي تقلقك
٠صهيب: نشاله بربي
٠آزار: تنحيها درع عليك خاطر مام أنا موالف تتخلط فيا بلا سبة حتى تبكيني بصح دوكا ني والفت كون تبات تعيط وتبهدل بصح هيا لالا ندبحك يا محاينك
زاكو: قزدير يا محاينك نتي
٠آزار: 😂😑
زاكو دوك أنا ندور جات فراسم و كاميليا بصح راسم اللي يسقسي
٠راسم: act ou vér
٠كاميليا: act خاطيني الصراحة
٠راسم: أممم أضربي صاحبتك الأنتيم بكف
٠كاميليا: أوااه لالا غير هادي اللي ماتصراش
٠راسم: ماديريهاش تخرجي من اللعبة
٠كاميليا: معليش نخرج
٠آزار: واش تخرجي أيا كف مايدي مايجيب
٠كاميليا: راكي سووور
٠آزار: وي
ناضت كاميليا راح تضرب آزار وهنا آزار كانت قدام زاكو غير جات تضربها آزار هبطت راسها والكف جا فزاكو ، كاميليا دارت يدها على فمها 🙊 أما الباقي فكامل ولاو يضحكو
٠زاكو: (وهو يمس فبلاصت الضربة) وري تشو يدك
كاميليا دارتلو يدها ✋
٠زاكو: يدك صغيرة بصح يا محاينك تقول حديدة
٠آزار: " وهي ميتة بالضحك" صفعة من الطراز الرفيع تستاهل
٠زاكو: نحسب ل 3 نتي مانصيبكش قدامي
٠آزار: آيا ملح بعيد تشو واقيل دصرتني
٠زاكو: 1
آزار عرفتو بلي ماراهوش يغصر وعطات الريح لرجليها
٠صهيب: أنا ندخل نرقد دوك نكملوها خطرة خلاف ونتا خويا العزيز بصحتك الضربة هادي في خاطر البيعة اللي بيعتني مع مرت خوك ، وراح وهو يضحك
٠ماريا: مام أنا ندخل ، بصح زاكو تسحق كاش حاجة تحطها فوجهك بانتلي الضربة صحيحة
٠زاكو: لالا صاحا روحي تصبحي بخير
٠كاميليا: أنا تاني نروح و.. و.. سمحلي والله ما قصدي
٠زاكو: معليش معليش ماشي الغلطة تاعك
هكذا كل واحد راح لبيتو يرقد غير زاكو و راسم اللي قعدو يغصروا
٠راسم: ديت ضربة من الصح للصح حسيتها عطاتهالك من قلبها
٠زاكو: أتمسخر بيا أتمسخر نتا تاني وولا يضحك
٠راسم: حقا فهمني واش حكاية الساعيد هذاك مع باباك
٠زاكو: حكاية طويللة وعريضة ووالله ماني قادر نحكيهالك دوك كاش نهار خويا العزيز
٠راسم:براحتك
وكملو يغصرو وممبعد كل واحد راح لبيتو يرقد وهوما شايخيين ضحك
نهار جديد وأحداث جديدة ناضت كامل العايلة للفطور (القانون فوق الجميع 😂) كانت كامل العايلة قاعدة تفطر غير وحدة دايما روطار قبل ما تجي زاكو كان قاعد ويشوف مع كاميليا اللي مهبطة راسها من التبهديلة حتى دخلت لالا مولاتي وقعدت فبلاصتها والنعاس مازالو فعينيها تكات على كتف زاكو وكانت حاترقد حتى ينطق الساعيد كان راح يهدر مع الجد و خلعها
٠آزار: ثفيي نعل بو الغرجومة اللي عندك ياودي تقول راك تبيع الخضرة فالمارشي (هدرتها بصوت شبه مسموع سمعوها غير اللي قدامها زاكو وكاميليا و راسم وماريا و صهيب) ولاو يضحكو بالدموع أما الباقي فخدمتلهم خاصة الساعيد وعايلتو
٠صهيب: ماتتبدليش 😂
٠زاكو: نتي وجهك صحيح تزيدي تقابلي بيه بسبتك ديت سقلة أسطورية تشدوهالي فالتاريخ نعرفكم وتزيدي ترقدي على كتفي
٠آزار: نقعد ونستنا فيها تضربني هاباينا حانتخبا خاطر حتى واحد فينا ما يحب يدي سقلة
٠زاكو: شوف أسيدي
٠آزار: إيه هيا تاني يدها مافيهش ليفران فيراجا direct لعندك باين يحبك يموت عليك وتجيها ركلة "تقول تور رفسها" ، خزرت آزار فكاميليا وهي تتحلف
مبعد فطرو وكل واحد وين راح ، آزار راحت لشمبرتها تكمل ترقد و كل واحد وين راح ، جيهت ال 11:00 فتحت عينيها غير بالشوية شافت بنادم فوق راسها يخزر ليها بشهوة ، آزار تنفضت من بلاصتها
٠آزار: واش راك دير هنا طيير
٠هو: توحشتك
٠آزار: يتوحشك الشرر نشاله
٠هو: هيا فالصح الدعوة تاعك مليحة بصح علابالي في قلبك ماشي مليحة "وجا راح يمسلها قلبها"
٠آزار: بعدد متمسنيش ، ديجا طير لا نلم عليك الدار كامل
٠هو: ماديريهاش
٠آزار: دوك تشوف زا... ، حكملها فمها سدهولها وهي تسيي تعيط حتى.....

ليوم نحطلكم 3 تاع les partie أتفاعلو باش تحمسوني نكمل بلييز