جمعتنا القرابة {باللهجة الجزائرية}

الحلقة 12

٠آزار: أوف وتما المصيبة الكبيرة ياالزحي
٠كامي: آياا نخرجو نروحو للبحر والله داقتلي
٠آزار: أمشي، هبطو آزار وكامي وغير لحقو للدروج شافو فراس وعينيه حمورة من الغش آزار ماتت من الخوف وكامي ماكانتش أقل منها خاطر الفيغورة تاعو كانت تخوف من الغش والزعاف هبطو وكانو خارجين حتى سمعو صوت مامات آزار تعيطلهم راحو لعندها
٠أم آزار: بنتي هاكذا ماتخبرينيش بصح والله عرفتي تخيري راسم ألف وحدة تتمناه وعلابالي راح يهنيك ويفرحك
٠أم كامي: والله مام أنا ماعندي مانحير عليها الزين والعقالة وكلش المواصفات اللي كنت نتمناهم يكونو عند مرت بني كامل فيها، آزار ماتت من الحشمة والقلقة والضغط وهنا كامي نطقت باش تخفف على صاحبتها
٠كامي: ماما مازالو يتعارفو ماتضغطوش عليهم من دوك
٠ماماها: إيه التعارف يجي موراه خطبة ديجا أنا ديسيديت مور عرس صهيب وماريا نديرو الخطبة
٠كامي: وشنو ماما هادي حاجة ماشي نتي تقرريها
٠ماماها: أنا هدرت اللي عندي وخلاص وزيد خوك كبر 27 سنة واش بقالو وإذا عازم يتعرف عليها ويخرج معاها ممبعد يخليها هادي غير ينساها، هنا آزار ماقدرتش تحمل واستأذنت وناضت وتبعتها كامي كانو زاكو وراسم قاعدين براا حتى شافو آزار خارجة مقلقة ومتبعتها كامي وركبو فطونوبيل وراحو
٠زاكو: أواه آزار كيتعود مقلقة وتسوق تخوف
٠راسم: قلع قلع مالا وراهم، راحو وراهم يتبعو فيهم حتى لقاوهم حبسو قدام البحر وهبطو وبداو يعيطو بكل قوتهم ممبعد قعدو فالرملة ساكتين
٠آزار: والله فرغت شويا
٠كامي: مام أنا والله
٠راسم: نقدر نسيي ، دارو ليهم متعجبين سبقهم زاكو وجاوبهم قبل مايسقسو
٠زاكو: شفناكم خارجين زاربين وباين عليكم مقلقين تبعناكم ويعني مزيا اللي تبعناكم مام حنا حابين نفرغو، وراحو للشط ويعيطو
راسم: آههه ياربي نشاله مانكونش غلطت كي كذبت آآآآ ، وكمل يسوغ حتى شاف زاكو يبكي ويعيط
٠زاكو: علاش يابابا خليتني وحدي علاش منهار فارقتني وأنا مانيش مليح كنت نتا اللي تساندني وتعاوني روحت وخليتني عايش وحدي والحاجة اللي غايضتني كتر مقدرتش نجيبلك حقك غدرو بيك يا بابا غدرو بيك ويبكي بشهقة، يابابا سامحني ماقدرتش نوقف مع ختي فالوقت اللي تحتاجني فيه سامحني ماقدرتش نوفي بالوعد كي قولتلك دمعة ماطيحهاش مادامني عايش سامحني، راحت ليه آزار
٠آزار: أششش ماتقولش هكذا خلاص بالعكس كون مانتا كون أني هبلت خلاص وحقو نجيبوهولو متخافش ونبينو بلي ماكانش غلطان هوما غدروه وتبكي وكامي كيف كيف وراسم غير يشوف بعينيه الدمعة قريب طاحتلو بعد مافرغو كلش وريحو حضنو بعض ممبعد دارو بيدهم لكامي وراسم وحضنو بعض
٠آزار: زاكو نوعدك بلي دمعة مانزيدش نطيحها ونولي قويا كيما نهار كان بابا عايش والبراءة تاع بابا نبينوها ونخلفو التار تاعو
٠زاكو: وأنا نوعدك بلي نوقف معاك دايما وجامي نخليك تبكي ونحميك من هذاك الكلب ونبينو البراءة تاع بابا، وزادو درعو بعض
٠راسم: كامي أرواحي عندي لهنا علابالي غرتي واحضنها، ولاو يضحكو وراحو كيف كيف للقصر، بعد مدة وصلو وقبل مايدخلو
٠راسم: آزار لعشيا لازم نخرجو نتعشاو كيف كيف
٠آزار: علاش بصح
٠راسم: هادي جزء من الخطة على أساس خارجين فموعد قدام العايلة وتاني عندي كلام لازم نهدر معاك فيه
٠زاكو: وي صح bonne idée هكذا باش نبينو بلي صح راكم تتعارفو
٠آزار: معليه، وكل واحد وين راح أما آزار فطلعت مع زاكو اللي ولا مايخليهاش دقيقة وحدها وراحو قعدو كيف كيف لعبو play ممبعد غير لحقت لعشية
٠زاكو: أنا نروح ونتي وجدي روحك باش يبان موعد تاع الصح
٠آزار: dcr، راح زاكو وخلاها راحت تحممت وخدمت شعرها ودارت شويا mak up ممبعد بدلت ولبست هكذا 👇

ممبعد جات عندها كاميليا
٠كامي: ياعمري شحال شابة تهبلي الله يبارك عليك غير لوكان جات صح رايحين فموعد والله متمنيا تكوني مرت خويا
٠آزار: بلعي بلعي بركاينا من لهبال تاعك دوكا أيا نهبطو، ممبعد هبطو كيف كيف قابلوهم جماعة الشوكوكو ويزفر واحد منهم ويهدر
هو: آزار نتي قنبلة علابالك فالزين خسارة خطفك راسم كون خليتك ليا بصح مازالت كاينا كامي، وفي هذه الأثناء ويدخل راسم وزاكو
٠راسم: أنا هادي ديتها (وجبد آزار من خيرها ليه) بصح ختي ماتحلمش تديها نتا ولا واحد كيفك، ممبعد خرجو وخلاوه يشتم فيهم بكل اللغات وصلو منين الطونوبيلات دارت آزار وشافها راسم تشوكا وقعد يخزر فيها "ماشافهاش خاطر كانت مدورة بالضهر ليه" ممبعد فاق مع روحو بلي مرغها وهو يخزر راح فتحلها الباب باش تركب
٠راسم: أركبي، راحت تركب بصح غير طلعت عينها شافت فراس يخزر فيها منفوق وهو حاكم كاس فيدو ممبعد كسرو بالغش هيا أتخلعت حتى طلعو راسهم شافوه
٠زاكو: قلعو قلعو خليكم منو خلوه يعمر عينيه نشاله هذاك الزجاج يتغرس فقلبك يا الكلب، راح ركب راسم وراحو أما كامي فدخلت ودخل وراها زاكو
.......... يتبع

Nchalh y3jbkuum had la partie atfa3lo ki l3ada bèch nkmll 💕💋