🖤#جمعتنا_القرابة🧓🖤 *نعرفكم بالشخصيات: ٠كاميليا: طفللة شابة، بيضة عيناها كبار زرق شعرها طويل شاتان حريير قصيرة عندها طاي هباال تموت على اللبسة والحطة عمرها 23 سنة تقرا 2iéme anée mastaire ST éléctronique (كاميليا طفلة غصايرية على اللخر وماكاش اللي ماتدخلش قلبوا) 👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
٠آزار: بنت عم كاميليا وصاحبتها الروح فالروح مام هياا شاابة وبزااف خمرية وعينيها خضرر فعمرها 23 سنة قدها يقراو مع بعض وعندهم نفس العقلية تحب تلبس وتحطحط مام هيا بصح معروفة بلي لسانها طويل وقبيحة وهي فالصح لعكس بصح كي تتقلق تولي ماضويش على عكس كاميليا 👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
٠راسم: خو كاميليا فعمروا 27 سنة حاكم سلسلة تاع مصانع تاع الحديد و اللوح وغيرها "تاع باباه بحكم باباه كلفوا بكلش" شبااب بزااف بصح مايحلبش هواا غصايري فالصح بصح ماشي مع كامل الناس يضرب بزااف الحطة وعندوا وحد الكور شانحكيلكم و كامل البنات يموتوا عليه معندوش بزااف ملي جا للدزاير عندوا وحد الشهر يتسما مازال ماشي معروف فلافامي تاعوا
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
عند كاميليا فطنت كالعادة روطاار على ال10 شافت الساعة مبعد ناضت غسلت وهبطت وهيا لابسة شورط وبوستي
وبما أنوا عدا وقت لفطور راحت للكوزينة حطت corneflex فالطبسي وصبت عليه لحليب وكانت طالعة للشمبرة عيطتلها يماها راحت ليها -كاميليا: ماماتي صباح لخير وباستها 😘 -ماماها: صباح النور دوك كي تكملي ماكلتك روحي وجدي روحك غدوا نروحوا لدار جدك بسك قرب عرس صهيب وتعرفي جداتك وجدك لازم نديروه عندهم ونروحوا قبل بشهر ونقعدوا عندهم حتى يفوت العرس كاميليا: إيه يمالا نروح نوجد قشي بسك جهدي ٠ماماها: (بتعجب 🤔) كيفاش حتى قبلتي من العادة تنوضي تعيطي وفلخرر تروحي درع عليك ٠كاميليا: أولا هذا عرس خو آزار يعني محتمة عليها تجي يتسما مانقعدش وحدي وثانيا كاين راسم يدافع عليا من هادوك السامطين تاع ولاد عمي ولاد عماتي يماها: وأنا نقول أيا روحي بنتي جهدك تكملي srtt هادي المرة عرس يعني تباتي غير فالكابات راحت كاميليا باش توجد روحهاا وبعتت ميسااج لآزار قاتلها فيه نتلاقاو غدوة فدار النحس ٠عند آزار: صوتهاا واصل لآخر الدنيا وهيا تعوق "تعيط"
٠آزار: مانروحش أنا لهاداك الدار المنحوس نقابل فيه غير وجوه الشر والحسادين 4 عموم كي العصابات و 5 عمات تقول غزانات حاشة عمتوا مريم "عمتهم مريم هيا يمات مرت خوها المستقبلية ماريا " وخلي بناتهم اللي كي المسمومات وحدة ما عليها السر يصيبوا غير ينحيولك الضحكة اللي فوجهك وولادهم الرعيان اللي يضلوا لاسقين فالنسا ويموتو باش يتقربوا ليك ويديرونجيوك مفهمتش الغاية من هذا التجمع تاع كل خطرة فكل vacanse وزيد حتى العرس ماخلاهش يفوت ترانكيل لازم يتدخل تقول يموت علينا جدي مزيا جيت نعرفوا مليح لبليزير تاعو مين يقتلك بالقوانين تقول راكي تعدي فالعسكر تنوضوا كامل على ال 8:00 وتفطرو على ال 8:30 ويقتلني فكل عطلة النهار اللول يلمنا ويعرفنا على تاريخ العائلة وبلي ملازمش نتزوجوا حنا الأحفاد لغير العائلة يا ولدي 5 سنين وأنا نتحجج باش منروحش لهاداك الدار دوك.... يماها: واش تحبي ديري هاديي هياا جدك قرر وحنا لازم ننفدوا ياك علابالك خوك وأستسلم وقبل آزار: أفف أفف أووف دخل صهيب صهيب: وشنوا واشبيكي علاش راكي تضبحي (تعيطي) سمعتك من الحومة التحتانية يا محاينك آزار: والله ما هوا وقت تبهليلك رانا رايحين لهاداك الحبس وراك فرحان بروحك عرسك يعدي كي الزبلل فهاداك الدار صهيب: واش ندير نبكي واقيل lsl ندي اللي نحبها وتحبني ونفرحوا هادا ماكان مايهمني ني عرس ني البلاصة اللي راح ندير فيها العرس آزار: بفف إيه إيه أم يخليوكم تفرحوا بروبينيياتهم "قصدي عينيهمم" صهيب: يضربونا بعين ولا بكاميون ما عندهم مايقضيو ديجا خلينا منهم أنتي أفرحي بعرسي بخوك اللي جاي ومايزيدش يولي وواش يهمك آزار: إيه صح بففف نروح نوجد كاباتي وطلعت وهيا تنفض فروحها من الغش طلعت للبيت فتحت تيليفونها صابت لميساج تاع كاميليا قالت مع روحها زيدي كملي عليا نتي تان وراحت جبدت الكابات وتلم فقشها
