جمعتنا القرابة {باللهجة الجزائرية}

الحلقة 21

صباح جديد وأحداث جديدة، كالعادة ناضو زاكي وراسم وكل واحد راح لخدمتو طبعا بلا فطور، دخل زاكو للشركة كامل وقفولو راح للمكتب تاعو
٠السكرتيرة: صباح الخير monsieur زكرياء
٠زاكو:....... جيبيلي قهوة وتبعيني للمكتب
٠السكرتيرة: حاضر، دخل زاكو للمكتب زاد شويا واسمع الباب يدق
٠زاكو: أدخل، *بلا مايطلع راسو*، حطتلو القهوة واعطاتو مواعيد الإجتماعات اللي عندو وجات خارجة *دارت باش تروح*
٠زاكو: والحكاية اللي قولتلك عليها، خزرت فيه متعجبة تاع واش من حكاية؟!
٠زاكو: الطبيبة 🤔
٠السكري: آه أمم... شوف أنا لقيت طبيبة مليحة وكامل يعرفوها ويهدرو عليها وعلى خدمتها بصح.....
٠زاكو: 🤔🤨
٠السكري: بصح ماقبلتش تخدم فالدار قالت لازم تتعالج كيفها كيف أي مريضة، خزر فيها والعصب يطاير من وجهو
٠زاكو: ما ماهيش كيما كامل المرضى قوليلها، وخبط البيرو، ودوك أخرجي، هيا خرجت ميتة بالخوف أما هو دار بالكرسي للجهة لوخرا، بعد شويا خرج عدا للسكرتيرة باش تعطيه عنوان l'hôpital اللي تخدم فيه وراح دخل ليه سقسا على البيرو تاعها وطلع غير لحق l'étage اللي فيه تفكر واش صرا قبل شهرين وي نهار كانت كامي فصبيطار ونهار..... Lsl راح للبيرو بزور وصل دق الباب
٠الطبيبة: أتفضل، بلا ماتطلع راسها، دخل زاكو وهو متوتر لأول مرة يتوتر *ماشي علاجال خايف يشوفها علاجال تفكر النهار هذاك* ، طلعت راسها شافاتو عرفاتو
٠وجدان: *بتشناف* أتفضل ، شاف معاها عرفها طلع حاجب وهبط خوه
٠زاكو: ههه نتي هيا وجدان ****** الطبيبة
٠وجدان: لالا اللي ورايا، هاباينا بلي أنا، ديجا واش تسحق ؟!
٠زاكو: نسحقك تولي تخدمي عندي ونخلصك الدوبل على اللي راكي تخلصي
٠وجدان: نخدم عندك؟! وواش حا نخدم مثلا؟! تضربني تطيحني فالأرض كل ماتزعف واقيل
٠زاكو: خزر فيها بتشناف يما مريضة وتحتاج طبيبة وكامل يهدرو عليك خاطر أنا ماعندي مندير بيك
٠وجدان: معليه كيعاد يماك من غدوا جيبها وأنا نتوله بيها
٠زاكو: لالا تخدمي عندي فالدار يعني تعيشي معانا
٠وجدان: هه منيتك، والمرضا تاعي واقيلا نجيبهم تاني يعيشو عندك
٠زاكو: مايهمنيش أنا تهمني يما أما الباقي فكل واحد يعوم بحرو
٠وجدان: لهاد الدرجة أناني وحقود، نهار طيحتني فالأرض وماحنش قلبك حتى تعاوني ولا تطلب السماح ودوك جاي وتقولي نخدم عندك فالدار تخمم غير فروحك نتا شويا زيادة لالا؟!
٠زاكو: كملتي أنا هدرت اللي عندي ونتي قرري قبل ماتندمي خاطر متعرفينيش مليح، وخرج وخلاها مشوكيا من الشيء اللي قالو بدم بارد
عند راسم الصباح ناض كالعادة بصح كان يخمم فالمنام اللي شافو راح للخدمة كالعادة وهو مقلق وغير يعيط على الخدامة وهكذا كمل نهار وكل واحد راح لدارو محير

وجا نهار جديد وأحداث جديدة ناض زاكو كالعادة خرج لقا الشفور بعتو لصبيطار باش يجيب وجدان وراح، راح الشوفور للصبيطار، دق الباب
٠وجدان: أتفضل
٠الشوفور: طبيبة وجدان
٠وجدان: وي أتفضل كيفاش نقدر نعاونك؟!
٠الشوفور: بعتني ليك monsieur زكرياء وطلب مني نديك معايا للدار
٠وجدان: أفف وهذا دوك مايخلينش tranquille ولا كيفاش ،قولو مانجيش
٠الشوفور: سمحيلي بصح ياتجي برضايتك يا تجي بالقوة وننصحك تكوني متعاونة خاطر monsieur زكرياء قادر يندمك على النهار اللي ولدتي فيه
٠وجدان: وشنو مهبول هذا أف أف ياربي وأنا واش درت فحياتي باش تحصلني فواحد كيما هذا ،معليش روح نتا دوك نلحقك، خرج الشوفور وخلاها هزت ساكها وخرجت ركبت معاه
٠وجدان: نروح قبل للدار نجيب حوايجي
٠الشوفور:معليه، وصلها للدار، دخلت لقات خوها
٠وجدان: مهدي وقتاش جيت وعلاش ماقوتليش خويا العزيز توحشتك
٠مهدي: حبيت نديرهالك surprise ، أرواحي لعندي توحشتك، حضنو بعض ممبعد وجدان خبرتو بلي رايحة تخدم عند وحد المرأة مريضة وتبات عندهم هو فالأول اعترض bien sur مبعد قبل، وطلعت لمت قشها وباساتو وخرجت