جمعتنا القرابة {باللهجة الجزائرية}

الحلقة 27

Habubati nchalh tkunu bien bkhir w3la khir bon habit natlab mankum wahd lhaja wla hajat , chofo lazm tvotiw 3la kamll les partie li machie mvotyiin we tcomontiw matkhybunich bach nkmll wla wlh ankml kun diro hakda 💋💞❤

٠مهدي: مممم ، حتى سمعو الباب يدق وادخل راسم وزاكو وصرب
٠وجدان: ياخو نتا غير دير مسافة الأمان بيني وبينك "مع راسم" أنا سلكت للموت بشعرة والله ، كامل ضحكو عليها وعلى هبالها ، قلبت شنوفتها فالسما 😏
٠راسم: إيه على هادي جيت نطلب السماح ، علابالي غلطت معاك حتى شرت يدي ليك وأصلا ماشي من حقي بصح الله غالب أي واحد كان فبلاصتي كان دار هكذا ولا كتر ، المهم سمحيلي
٠وجدان: ممممم 😁🙄
٠زاكو: أنا تاني لازم نطلب السماح وبزاف على نهار طيحتك فالأرض وماطلبتش السماح وعلى اللي حتمت عليك تخدمي عندي بلارضايتك وعلى الكلام اللي كنت نقولهولك
٠وجدان: الله أكبر ، ليوم ضربت زلزلة ولا كاش تسونامي باش هاد الزوج طلبو السماح
٠كامي: إيه يطلبو السماح وقليل عليك خاطر كون مانتي كون ماناش هنا وتلاقينا بعد فراق طويل
٠آزار: وي خيرك والله ماننساه حياتي كامل
٠وجدان: أحم أحم ديتها فروحي ، ممبعد أتفكرت بلي مهدي قدامها
٠وجدان: أسمع أسمع نتا "مع صرب" ، هز هادا الهم من قدامي أديه يتحاسب
٠مهدي: هاكذا تسمحي فخوك يا الكلبة ، كلبة خير منك يا نكارت العشرة
٠وجدان: حاشاك يا الديغولاس أنا ماشي نكارة العشرة أنا نوقف مع الحق والشي اللي ديرتو العقل مايتقبلوش
٠مهدي: بصح معلابالكش علاش درت هكذا وتهدري
٠وجدان: باينا باش تفرقوهم الحيوان هداك يدي آزار ونتا تدي كامي
٠مهدي: برافو 👏🏻 ، أني حاير كيفاش وليتي طبيبة ، ديجا يالالة كون درت هكذا بدافع الشر كون أني فالحبس دوك كيما لخرين وماتصحليش كامل نشوفك
٠وجدان: والله صح وأنا من الصباح نغيط باش يدوك بصح واحد ماحلبني منهم هاد البوطو (خزرت فصرب وقلبت عينيها 🙄)
٠صرب: معندي علاش نديه وهو نفد المهمة اللي عليه برك ونجح فيها
٠وجدان: مهمة ؟!! ، أصبر شويا نفهم مخي ماركا ereur
٠مهدي: إيه أنا نخدم مع المخابرات وهادي كانت المهمة تاعي نعاون فراس باش نكشفو هو والشركاء تاعو خاطر عندو سجلات إجرامية كبيرة بصح ماكانوش يحكمو عليه دليل
٠وجدان: يعني نتا ماشي مافيا نتا مليح ، نتا خويا اللي نعرفو ونحبو
٠مهدي: يعني 🤷🏻 ، سوطات عليه حضنتو
٠وجدان: آي يدي يدي (كتفي) 😭😭
٠مهدي: بلعقل عليك وشبيكي مقلقة هكذا ، كامل ضحكو عليهم وعلى هبالهم زادو شويا حتى رقدت وجدان وخرجو من عندها ، مهدي راح للدار يبدل ويغسل منبعد يولي وصرب كيف كيف بصح مايوليش ، أما راسم وزاكو وآزار وكامي ديسيداو يروحو عند الجد srtt زاكو وآزار باش يخبرو جدهم بلي باباهم بريء ، إيه psQ فراس كي حكموه وحققو معاه اجبد بنعمو عبدو خاطر كان شريكو سوا فالخطف سوا فالشيء لاخر (تجارة المخدرات.... إلخ) وعبدو غير حكموه طلب من باباه يعاونو بصح باباه رفض لأنو اصلا مايقدرش وتاني يخسر دراهم فباطل وهنا عبدو هبل واكشف بلي باباه 'الساعيد' هو اللي ورط بابات زاكو وآزار واتهمو بلي يتاجر ب la drogue وتزوير أوراق الأملاك ، يعني حب يدي كامل الأملاك ليه فبابات آزار وزاكو كانو رايحين يحبسوه وباباه وقف ضدو "الجد" وآمن كلش حتى اقتل روحو ، والقو القبظ على الساعيد
وصلو للقصر هبطو ودخلو راحو للمكتب علابالهم بلي يقعد تما ، طبطبو
٠الجد: أدخلو ، دخلو وهوما مشوكيين كيفاش عرفهم
٠راسم: جدي نسقسيك قبل كيفاش عرفت بلي جينا !
٠الجد: علابالي بلي اتجيو ، وعلابالي بلي ماصرالكم والو (مع آزار وكامي)
٠زاكو: كيفاش !
٠الجد: وي psQ الساعيد خبرني وأنا عرفت بلي باباكم مادار والو وكنت راح نرشيه فالحباس بصح هددني بيكم ، ماقدرت ندير والو ، سامحوني سامحوني تعيشو ، *اهبط من الكرسي تاعو وطاح على ركابيه ومهبط راسو وداير يديه هكذا 🙏🏻 وقولهوم سامحوني* ، هبطت ليه آزار وهبطتلو يديه وهي تبكي
٠آزار: خلاص 😭😭 جدو معليش راك مسامح دنيا وآخرة نتا اللي سامحنا ، وعلابالي بلي بابا راح يسامحك خاطر يحبك 😭
٠الجد: ماشكيتش يابنتي ماشكيتش ، ربي يغفرلو هذا ماكان ، زاد هبط زاكو على ركابو
٠زاكو: راح يسامحك علابالي بابا حنين ، وحضنو بعض ، ممبعد زادو راسم وكامي هبطو على ركابهوم وحضنوهم
٠الجد: نقدرو نروحو نزوروه كيف كيف ، آزار وهي تمسح دمعها
٠آزار: إيه bien sur هياا ، راحو للقبر تاع بابات آزار وزاكو غير وصلو الجد طاح على القبر يبكي ويمسح فالتراب
٠الجد: يابني سامحني علابالي غلطت معاك وأنا سبابك والله نحبك ، كنت بني وخويا وصاحبي وكلش ، علابالي مانستاهلش كلمة بابا من عندك علابالي ، آزار تبكي وتشهق وهي محضنا راسم اللي دمعتو على خدو أما زاكو فكان صامد لاحركة لاسكون غير يشوف بعينيه ، بصح غير انتبه لكامي بلي تبكي silence حضنها ، ضمها لصدرو غرسها فيه وتنهد تنهيدة من أعماق قلبو ، ممبعد ودعو المرحوم وراحو مدمرين وأكثرهم الجد خاطر كانو مقربين ليه بزااف ، راحو كل واحد لدارو