٠آزار: مانيش رافضاتك خاطر فيك المواصفات تاع أي وحدة تتمناك وأنا وحدا منهم بصح مانقدرش نحصلك فيا أنا ديجا الليل كامل وأنا نخمم بلي حصلتك معايا وقادرة تصرالك حاجة بسبابي وزيد نخاف واحد يحبني ولات عندي عقدة من الحب
٠راسم: صح بصح دوك طفرت أني حصلت وكملت هو أصلا فبالو نحبو بعض وراح ينتقم ينتقم علاش ماتكونش العلاقة تاع صح وأنا أصلا نحبك وزيد الناس ماشي كامل كيف كيف وراح تضلميني بسبابو ونتي أصلا علابالك بلي عمري ماراح نقيسك ، آزار رفرف قلبها من كلمة نحبك وهبطت راسها، عاود طلعهولها راسم
٠راسم: والله نحبك وفحياتي ماحبيت طفلة غير نتي اللي حبيتك تعيشي ماتخلينيش نندم، وحضنها، آزار ولات تبكي، جبدها لقاها تبكي
٠راسم: آزار وشبيكي راهي توجع فيك حاجة، ردتلو براسها تاع لالا
٠راسم: مالا واش كاين معجبكش كلامي، ردتلو تاع لالا
٠آزار: وشكون مايعجبهاش هذا لكلام بصح جامي واحد قالي هك وحتى اللي حبني عمرو مافرحني العكس دايما يبكيني ويعذبني ويستمتع كي يشوفني هكذا، راسم نوعدك نعوضك والله دمعة ماتزيد طيح، آزار زادت قوات فالبكية
٠راسم: ودوك علاش راكي تبكي؟!
٠آزار: دموع الفرحة، وخزرت مع عينيه
٠راسم: هههههه، هيا ماتت فالضحكة تاعو،
٠راسم: ياربي بليتني بوحدة تبكي كتر ماتتنفس، آزار ولات تضحك
٠راسم: أصبري أصبري نفهم بلي راكي قابلة، آزار حمارت وردتلو براسها تاع إيه هزها ويدور بيها من الفرحة وهي تضحك من قلبها وهو كيف *والجد من فوق يشوف فيهم وميت بالفرحة لأنو تمنا يشوف آزار تضحك من قلبها بعد ما مات باباها وخصوصا فالقصر وفرحان خاطر حبت ابن عمها اللي يوثق فيه*
٠آزار: راسم هبطني دوك يشوفونا
٠راسم: يشوفونا على روحهم ديجا شكون مازالو ساهر لدوك خلافنا
٠آزار: معليش أيا ندخلو ديجا أني حابة نرقد
٠راسم: راحتك حبيبتي، خزرت فيه وتبسمت ودخلو وهوما داخلين وهو غير يخزر فيها
٠آزار: بلعقل لاطيح فالدروج آيا تصبح بخير
٠راسم: ونتي من أهلو، وستناها حتى دخلت ترقد باش دخل وهو ميت بالسعادة حتى مقدرش يرقد(tallment السعادة عندو كانت over dose) آزار كانت تاني فرحانة لأنها لأول مرة تفرح صح صح من قلبها وحست بلي كاين واحد يحبها من قلبو كيما باباها بصح رقدت *كلش كلش إلا النعاس ماتلعبش بيه*
المهم عدا نهار وجا نهار جديد فالصباح ناضو كالعادة آزار درع ناضت 4 خطرات وكامي تروح وتولي ليها تنوضها باش ناضت، المهم هبطت تفطر وراسم غير يتبسم معاها
٠آزار*فقلبها*: وشبي جدو هذا صباح ربي يعريلي على سنانيه، المهم كملو الفطور وتطلع كي الثيربول باش تكمل ترقد حتى لحقها راسم
٠راسم: صباح الخير حبيبتي، آزار (طروشت)
آزار *فقلبها*: حبيبتو واش راه يخلط هذا من صباح ربي أواه يكون مارقدش مليح
٠راسم: آزار آزار وين رحتي
٠آزار: آه والو بصح شكون حبيبتك؟!
راسم: نتي.... آه ماتقوليليش روحي روحي كملي النعاس ممبعد تتفكري
٠آزار: أوك، راحت آزار وراسم ولا يهدر وحدو
٠راسم: ياربي بواش بليتني بوحدة تبكي كتر ماتتنفس وتموت على النعاس وزيد تفقد الذاكرة كي ترقد ياربي الصبر برك وهبط وهو يضحك، شافتو كامي
٠كامي: أواه هذا صوطالو عرق راهو يضحك وحدو ولا طاح فكاش وحدة بصح شكون هادي أووف أنا تمنيت تكون آزار، وفي هذه الأثناء جا زاكو
٠زاكو: كامي وشبيكي تهدري وحدك
٠كامي: شفت راسم يضحك وحدو توسوستلو
٠زاكو: بالاك تفكر حاجة ولا
٠كامي: ماشكيتش المهم واش راك دير
٠زاكو: والو أني معاهم أم يوجدو للعشية
٠كامي: إيه حقا فكرتني نروح نوجد روحي
٠زاكو: بصح مازال الحال حتى للعشية
٠كامي: إيهيه خدمة كبيرة خاطيك خاطيك، وراحت، زاكو ولايضحك عليها وراح
المهم آزار بعد ساعتين ناضت غسلت وراحت عند كامي لقاتها مع les masques وجماعتهم راحت جابت ماريا وبداو يطلسو وماخرجوش من البيت حتى للعشية، فالعشية لحقت سهرة الحنة تاع العايلة البنات لبسو جبات تاع دار (ياك هكدا نورمالمون يلبسو جبات) ، آزار وكامي لبسو هكذا 👇 برك آزار لبست لقصيرة وكامي الطويلة
![]()
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى. وماريا هكذا 👇
![]()
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى. المهم هبطو لتحت وقعدو وغير العايلة العموم كامل برا وأزواج العمات (قلتلكم عايلة كبيرة) وجاو خوال آزار المهم و الدراري لداخل بعاد شويا بصح تما باش يشوفو المهم حتى حطو غنية قبايلية وتحزم ختك آزار وختك كامي ويبداو أزدق أردح ماحبسوش حتى خلاصت ممبعد نوضو ماريا وهوما الثلاثة يعرفو يشطحو قبايلي وشانحكيلكم الدراري طاحولهم اللدادي 🤤🤤 وهوما يشوفو زادو دارولهم غنا دارو الهول ويلحقو بنات خوال آزار خاطر هوما تتفاهم معاهم ودارو أمبيونص هايل المهم ممبعد قعدو يديرو الحنا وبداو بالعروس bien sur ممبعد لكامي وغير لحقو لآزار محبتش خاطر تكرهها وهوما يقولولها حطيها باش تتزوجي وراها بصح ماحبتش ، حتى نطقت مامات راسم
٠مامات راسم: خليولي عروستي ماحبتش تحط ماشي بسيف أنا نديها لوليدي بلا ماتحط حنا، وهنا آزار ماتت بالحشمة وهبطت راسها، أما راسم فجاتو على قلبو، ممبعد عيطو للدراري راحو دار صهيب بما أنو العريس وزاد زاكوو وراسم
٠زاكو: هكذا باش نتزوج مورا خويا
٠يماه: شوف اللي تقبل بيك منبعد ساهل
٠زاكو: كاينا كاينا بصح بالهدرة تاعك هادي نتي راكي تقوليلها ماتقبليش
٠يماه: وشكون هادي؟!
٠آزار: كامي
يماه: قول والله مادابيا ماعندي مانحير عليها هكدا يولي عندي زوج عرايس نتحسد عليهم، زاكو غمز لكامي تاع راكي تسمعي، أما راسم فقاعد ويشوف مع آزار اللي تضحك وتغصر ممبعد شافتو بلي يشوف معاها دارتلو واش بيدها، ردلها بالإشارة تاع رجعتلك الذاكرة، آزار خبطت راسها ودارتلو إيه ردلها آيا مليح قلبي ولا فالصباط ولات تضحك وكامي تشوف فيهم وفهمت بلي خوها كان يضحك على هادي السبة وطاح على راسو ومع أحسن أخت فالدنيا والفرحة ولات فرحتينDzll ktabto routard lsl nchalh y3jbkuum we atfa3lo ki l3ada we saha aidkuum 💋💕
![](https://img.wattpad.com/cover/223399862-288-k207376.jpg)
أنت تقرأ
جمعتنا القرابة {باللهجة الجزائرية}
Short Storyكرونيك جزائرية من تأليفي وكتابتي أول مرة نكتب كرونيك ونشاله تعجبكم وتتفاعلوا By me: Missane