جمعتنا القرابة {باللهجة الجزائرية}

الحلقة 19

دخل صهيب وراح هوا وراسم وزاكو باش يخرج ماريا ، أما ماريا فماتت من الخوف  lsl بدلو البنات وماريا تاني
دخل صهيب لعندها وكانت طلقت شعرها راح ليها قرب لعندها وهيا تقمس وباين عليها الخوف حكملها يدها وباسها من خدها ودارلها براسو تاع متخافيش وخرجو أما آزار وكامي فكانو يصورو وميتين بالفرحة جاو خارجين قابلهم الباراج
٠راسم وزاكو: من جنابنا ماتتحركوش
٠كامي: والله حاسبينا بزوز فعمرنا 10 سنين
٠آزار: أنا مانحملش نتسيزا الله
٠راسم: "طلع حاجب وهبط حاجب" مالا نقولك لازم توالفي بالتسيزانيا يالالا، آزار أفأفت وحكمتو وخرجو معا بعض كانو يهبلو وكامل يشوفو معاهم ممبعد راحو قعدو فالكراسا ويشوفو فماريا وصهيب يشطحو على الغنية تاع يارا مابعرف، أما راسم فكان مركز مع آزار اللي دارت حالة وهي فالكرسي ممبعد راحو قعدو العرسان وحطو الغنية اللي يموتو عليها آزار وكامي laisse-moi ton cœur ماتحملوش وناضو ويتمايلو معاها، الدراري مافهمو والو بصح غارو خاطر كامل يشوفو معاهم وناضو يشطحو معاهم المهم دارو حالة محبسوش حتى كملو 5 غنيات وهوما يشطحو عليهم ممبعد لحق وقت يقطعو la tarte جابوها والحالة شعلت ولات حمرة (هادوك نسيت آسمهم) lsl دارو حالة b l'ambiance لعواق دارولهم الغنية تاع marwa loud Guelik المهم ممبعد خلاص العرس والعرسان راحو والضياف كيف كيف قعدو غير la famille، آزار وكامي نحاو الصبابط وقعدو فالكراسة ميتين بالعيا
٠آزار: كامي واش رايك نروحو للدار أنا عييت ديجا مارقدناش البارح
٠كامي: إيه نروه نشوف زاكو ولا راسم يوصلنا
٠آزار: أوك، راحت كامي تحوس عليهم بصح ماصابتهمش، راحت لعند آزار
٠كامي: ماكاشهم راسم راح يوصل عمتو وزاكو معلاباليش وين، ممبعد شافو مامات آزار
٠آزار: ماما ماما
٠ماماها: وشنو؟!
٠آزار: أنا عييت وحابة نروح للقصر وراسم وزاكو مكاش شوفيلنا كاش طونوبيل نروحو
٠ماماها: هاكي هادي تاع صهيب وردو بالكم
٠آزار: أوك ماما باسوها وراحو، هزو صبابط تاعهم وراحو ركبو وديماراو، كانو ميتين بالفرحة كي رايحين يرقدو، عند راسم راح وصل عمتو للقصر خاطر مريضة لازم تريح وولا كي دخل راح عند زاكو اللي كان قاعد من الجيهة التحتانية تاع la salle
٠راسم: زاكو أيا نروحو نوصلو البنات يكونو عياو
٠زاكو: إيه أمشي، راحو دخلو حوسو عليهم ماكاش سقساو مامات راسم قاتلهم معلاباليش، راسم قلبو ولا يخبط، جات مامات زاكو
٠مامات زاكو: واشنو واش كاين ؟! وشبيكم مقلقين كاش ماصرا
٠زاكو: آزار وكامي مكانش
ماماه: بوه أنا مديتلهم مفتاح طونوبيل صهيب وقتلهم روحو خاطر كانو ميتين بالعيا، زاكو خبط راسو بكف
٠زاكو: ما وفرحانة بعمرك، أما راسم فطار كي الحبة تاع الرصاص ركب فالطونوبيل لحقو زاكو وركب معاه وراحو يحوسو عليهم أما مامات راسم وزاكو مافهمو والو برك حسو بلي كاينة حاجة حاتصرا لبناتهم، عند راسم وزاكو ماكلين الطريق ماكلة حتى أنتابهو بلي كاينة طونوبيل حابسة فنص الطريق
٠زاكو غاري غاري هادي الطاكسي تاع صهيب، والمشكل كانت مقلبة يعني دارو accident
٠راسم: عرفتها، وخبط الفولون وغارا وهوما ميتين بالخوف والخلعة راحو يشوفو لقاو كامي مقلبة والدم يسيل منها راسم عيط direct l'ambulance أما زاكو فكان يسيي يخرجها بصح مقدرش وراسم كيف كيف حتى صابو l'ambulance وصلت وراحو يجبدو ودخلوها، حتى نطق واحد من الأطباء شكون كان يسوق نتا ولا هوا
٠زاكو: حتى واحد فينا، حتى تفكرو آزار ولاو يقلبو عليها وعيطو la police ولاو يحوسو عليها
داو كامي لصبيطار وراح معاها زاكو خاطر راسم قعد منين يحوسو وهو يحوس وخايف
٠شرطي: سمحنا mousieux بصح مالقيناش الطفلة التانيا
٠راسم: وشنو واش راك تخلط حوس مليح *عينيه مليانين دموع* وحكم البوليسي من حوايجو، قولتلك حوس واش راك تستنا نحبها تروح معايا دوك وطاح على ركابو يبكي بشهقة
٠راسم: آهه ياآزار وين راكي وين راكي ياقلبي وين راكي علاش راكي تلعبي معايا هكذا والله مانقدر نحتم بلا بيك أرواحي ليا آزااااااااااااااااااااااار آااااااااااااااااااااا وين راكي نحبك والله نحبك ماتروحيش وتخليني آزاااااااااااااااار تعيش إلا كنتي متخبية أخرجي والله مانقدر نحتم بلا بيك آزااااااااااار، ويبكي يبكي بشهقة، ممبعد ناض راح ركب وراح لصبيطار دخل وكامل كانو تما ويشوفو معاه حالتو حالة عينيه حمر ووارمين والدموع فعينيه
▪️ملاحظة: زاكو غير وصل للسبيطار عيطلهم فالتيليفون ليماه وباباها ومرت عمو أم آزار
، راحت ليه مامات آزار: وين راهي بنتي وين راهي، طاح فالأرض ويبكي
٠أم آزار: ماتقوليش، وطاحت تبكي يايما بنتي وين راكي يا يما بنتي بنتي وين راحت وخلاتني، حتى خرج الطبيب من العمليات وخبرهم بلي تجاوزت مرحلة الخطر بصح راح تبقا تحت الرقابة وممنوع الزيارات، المهم غير راح الطبيب زاكو هز روحو وراح للكوميصاريا دخل قلب الدنيا بلعياط وهو يقولهم لازم تجيبولي دوك طلعولي ختي وين راهي المهم قلب الدنيا حتى حكموه ودخلوه للحبس، أما راسم فخرج وراح للبحر راقد فالرملة ويبكي ممبعد هز روحو وراح للبلاصة تاع l'accident وكان يحوس حتى صاب البورطابل تاعها طايح فالأرض راح هزو فتحو صاب la photo ta3o Phone d'écran طرطق بالبكا يبكي ويشهق ويشوف f les photo ta3ha
نرجعو شوياا للخلف وتحديدا عند البنات كانو ماشيين فرحانين يضحكو يغصرو حتى انتبهت آزار بلي كاين طونوبيلات كوحل يتبعو فيهم ورجال مخرجين راسهم وفيديهم سلاح وغير يقربو منهم، كامي شافت آزار تخطف لونها وخافت
٠كامي: آزار وشبيكي وليتي صفرة كاش ماكاين
٠آزار: كاين رجال راهم يتبعو فينا وهازين سلاح
٠كامي: وشنو، وشافت منين تشوف الدم جمد فيها وهنا آزار زادت f la vitesse وهوما كيف كيف ولحقو منين هيا ويتيريو بالرصاص باش تحبس بصح محبتش تحبس وزادت la vitesse حتى خرج فطريقها كلب هربت منو وتتقلب الطونوبيل قعدت تتقلب كي حبست هبطو يشوفو آزار باش يدوها لأنهم مطالبين يدوها هيا برك.........

توقعاتكم داوها ولا ننن

Je suis désolé wlh kont cvp moralement makdrtch nktb manzidch ntwl 3likum nchalh ou atfa3lo pliiz

ملاحظة: شعلو موسيقى حزينة باش تقدرو تبكو إلا حبيتو bien sur خاطر خاطيني الحزن وما شابهه و les photo jcp 3lach mahboch ytl3o 🤷🏻‍♀️