٠آزار: ......
٠راسم: أني نهدر معاك علاش فراس كان يخنق فيك
٠آزار: .....
٠راسم: فراس حبيبك ؟!
٠آزار: لالا عمرو ماكان عندي حبيب و srtt هوا
٠راسم: علاش وشبيه هوا زين ودين وغيور ، آزار ضحكت إستهزاء
٠آزار: شوف بركا ماتضرب فالراشي باش تجيب فالصحيح dcr
٠راسم: أيوااه هاديك هيا بالدات من اللخر علاش كان مقلوب وجهك البارح وعلاش الليل كامل ونتي تبكي وعلاش كان يخنق فيك هذاك مقبيل ، حبيتي نجيك ماللخر جاوبيني ماللخر
٠آزار: مانقدرش ، راسم طلع حاجب وهبط حاجب وهدر
٠راسم: علاش ماتقدريش أهدري آزار
٠آزار: "اصطنعت القوة" خاطر مانك بابا مانك خويا مانك راجلي
٠راسم: معليش ليام بيناتنا وتعرفي شكون أنا بصح دوك أهدري
٠آزار: يرحم والديك خليني مانيش قادرة نهدر "وطاخت تبكي" ، راح راسم ليها وهدر
٠راسم: شوفي كون ماتحكيليش دوك تقعدي حياتك كامل ونتي تبكي وتتعدبي وحتى واحد ماراح يعاونك ونتي خيري ، خزرت فيه بعينيها مليانين دموع قلبو تقسم عليها وحط يدو على خدها وهدر بحنية
٠راسم: آزار أني معاك واقف معاك وقفة تاع رجال نتي تاني أوقفي معايا وقفة تاع نسا ، آزار تنهدت وبدات تحكيلو لحكاية "اللي تعرفوها" راسم وجهو تقلب
٠راسم: وشنوو كان يديرلك هكذا وواحد معلابالو
٠آزار: شكون زعما راح يكون علابالو من غير كامي ، راح قعد فالفوتاي اللي قدامها ويشوف معاها ويهدر فقلبو
٠راسم: مسكينة اللي يشوفها من برا تضحك وتتبهلل يحسبها عايشة la belle vie بصح كانت عايشة المرار على وحدة زوجوها درع عليها وعايشة المرار مع راجلها بسبت واحد مهبول والله غير نهنيك منو ولا مانتسماش راسم ، ممبعد آزار غفات وراسم عيط لزاكو قالو يطلب الإذن من الجد اليوم مايباتوش فالقصر ويجي هو وكامي لعندهم لوحد الدار ، بعد مافرات القرعة خرجو آزار وراسم ركبو فالطونوبيل
٠آزار: هادي ماشي الطريق تاع القصر
٠راسم: إيه
٠آزار: و.. وين رانا رايحين ؟!
٠راسم: ماتخافيش ماراحش نغتاصبك
٠آزار: علابالي ماديرهاش
٠راسم: ولوكان نديرها ، وقرب ليها وهي خايفة مبعد فسخلها لاسانتور وقالها
٠راسم: أحبطي ، شافت مع البلاصة لقاتها ريسطورون ارتاحت مبعد هبطت دخلو وقعدو ممبعد
٠راسم: واش تاكلي ؟!
٠آزار: ماناكل والو ، خزر فيها راسم خزرة تخوف تاع تاكلي وتبلعي حتى بلعت ريقها
٠آزار: شاورما ، دومونداو وكلاو ممبعد خرجو وركبو فالطونوبيل
عند زاكو وكامي بعد ماعيط راسم لزاكو وحكالو راح زاكو لعند الجد وطلب الإذن وطبعا مارفضش ممبعد راح لكامي يديها معاه وجبدها من دراعها بلا مايقول حتى كلمة
٠كامي: وين راك مديني
٠زاكو: هنا ماتهدريش خاطر الحيوط وعندهم ودانهم ، وخرجها ركبها فالطاكسي غير ركبو وديماراو
٠كامي: ماتقوليش تاني الطونوبيل عندها ودانها ، زاكو ضحك وهدر
٠زاكو: لالا برك رانا رايحين لوحد الدار
٠كامي: وشنو مي نتا مهبوول حبسلي نهبط حبسس
٠زاكو: مي تخمامك خامج نتي رانا رايحين عند آزار وراسم راهم راحو لوحد الدار
٠كامي: آه ، وطلعت حمرا هوا غير شافها هكذاك ضحك على عفويتها وكملو الطريق
لحقو آزار وراسم لوحد الدار صغيرة بصح شابة
٠آزار: هادي دارك شابة تهبل ، ردلها راسم براسو تاع ايه يعني وقعد يخزر معاها وهي تستمتع وتشوف بعينيها والإبتسامة مافارقتهااش ، حتى صونا الباب تخلعت راح راسم يفتح الباب bien sur كانو كامي وزاكو أما آزار غير شافتهم راحت جارية حضنت خوها وهو غرسها فحضنو ممبعد دخلو للداخل
٠زاكو: راسم علاش قولتنا نجو لهنا ؟!
٠راسم: كنت .......... "وحكالهم الحكاية" ، فهمت ! ودوك جبتكم لهنا باش نخممو فحل لهذا البنادم خاطر قادر يدير أي حاجة
٠زاكو: آزاار علاش ماحكيتيليش آه زعما أنا ماشي خوك الأنتيم اللي تحبيه هكذا حبيتي حتى يقتلك ولوكان ماكانش راسم تما واش يصرالك قولي ، وحكملها خدودها ، والله كون صراتلك حاجة كون هبلت نتي ختي وبنتي وكللش
٠آزار: بعيد الشر عليك والله سمحلي أنا حسبتلي تهنيت منو بصح عاود رجع 😢
٠زاكو: ماتخافيش مادام رانا معاك حاجة ماتقيسك من اليوم بصح ماتزيدي تخبي عليا والو فهمتي ، آزار دارتلو براسها تاع إيه
كامي: إيه وواش نديرو لهاداك الكلب
٠راسم: أنا خممت فحاجة ومعلاباليش إلا تنفع ولا لالا
٠زاكو: أزرع ينبت
٠راسم: ........
Nchalh y3jbkuum had la partie we atfa3lo ki l3ada we ida kdart nzid nhatalkum partie 10 nchlh
أنت تقرأ
جمعتنا القرابة {باللهجة الجزائرية}
Short Storyكرونيك جزائرية من تأليفي وكتابتي أول مرة نكتب كرونيك ونشاله تعجبكم وتتفاعلوا By me: Missane
