جمعتنا القرابة {باللهجة الجزائرية}

الحلقة 25

ملخر ماتتفاعلوش منزيدش نحط
💕💕💕💕💕💕💕💕💕💕💕💕💕💕

كانو قاعدين ويتناقشو ويخططو حتى سمعو الباب يندق والصونات اتحرقت ، ناض زاكو باش يفتح الباب سبقتو الخدامة ، ردلها بيدو تاع خلي أنا نفتح
٠زاكو: ياو قلعوه قلعوه خير (على الباب) ، فتح الباب صابها وجدان bien sur
٠زاكو: معندكومش باب نتوما فالدار ولا كيفاه
٠وجدان: ماعندكومش باب.... (كانت تعوجلو) ، شوف ديجا ماشي وقت تبهليلك ، جيت باش نهدر معاك  ف sujet trés important  والله
٠زاكو: نتي تهدري معايا ف sujet important روحي روحي لخدمتك (يهدر باستهزاء وهذا اللي خلاها تعصب وتنوض تعيط)
٠وجدان: أنا نقولك sujet important ونتا تتمسخر بجدي يالرب حاجة تخص كامي وآزار ونتا تتبهلل بيا كون كنت قادرة نسلكهم وحدي الله لايكترلك خير ، (زاكو قعد مركز على كلمة كامي وآزار أما راسم وصرب غير سمعو العياط خرجو يشوفو)
٠راسم: زاكو واش كاين وشكون هادي وعلاش راهي تعيط ؟! ، زاكو فاق على صوت راسم وقالها أدخلي ، ودخلو فين 4 ، وراحو يقعدو والسكوت سيد الموقف والعيون على وجدان
٠زاكو: أهدري ، وجدان من الخوف عبات كاس ماء وشربتو على ضربة
٠وجدان: أففف ا.. ٱزار ، على هادي الكلمة وقف راسم وراح ليها
٠راسم: واشبيها آزار أهدري "بلعياط" ، وجدان انتفضت من بلاصتها من الخلعة
٠صرب: بلعقل عليها ديجا هيا خايفا وتزيدو تضغطو عليها ، وراح لعندها
٠صرب: mademoiselle أهدري واش عندك ، وجدان طلعت راسها شافت معاه وهي ترجف
٠وجدان: أنا خت مهدي
٠راسم: إيه وأنا واش يهمني بيك ختو ولا بنت عمو ، وجدان قلبت عينيها وشافت مع صرب اللي دارلها براسو تاع كملي
٠وجدان: و.. ومهدي كان داير خطة مع واحد يسموه فراس باش يخطفو كامي وآزار ، وهنا كامل كانو يشوفو معاها شوفة تقدح نار حتى صرب اللي كان يشوف معاها شوفة باش ينحيلها التوتر ولا يشوف فيها وهو معصب
٠زاكو: وفرحانة بخوك وجاية تخبريني
٠راسم: نقتلك ونخلف التار تاع ختي وحبيبتي ، وقدم ليها يخنق فيها وصرب يفك فيه بالزور باش طلقها ، وجدان وهيا تلهت
٠وجدان: اسس.. اسمعني وامبعد اقتلني كيما تحب
٠زاكو: كملي
٠وجدان: وآزار وكامي ماهومش ميتين ، وهنا وقف زاكو راح ليها
٠زاكو: واش واش كامي ميتا وانا شفتها قدام عينيا ودفنتها وأنا نشوف بركاي من الكذب اتفاهمتي مع خوك وتجي تتمسخري بجدي ، وجدان حكمتها الفشلة وراحت تقعد وحطت راسها فيدها خاطر علابالها محال يآمنوها
٠وجدان: خلاص فقدت الأمل باش تعاونوني أنا نفهم فيكم واللي يتهم فيا يتهم أنا أني رايحة ، ونعاونهوم وحدي يالوكان نموت ، وجات رايحة
٠صرب: ماعندك وين تروحي أنا محقق ونتي من المشتبه فيهم فالإختطاف يعني ماعندك وين تروحي
٠وجدان: وشنو من نيتك نقعد معاكم ونتوما حتى واحد ماهو مآمني ، ردلها صرب بكتافو تاع واش دخلني ، وجدان قريب طاحت حكمتها الفشلة وراحت تقعد
٠راسم: وكيفاش نتأكدو بلي تهدر الصح !
٠زاكو: نفتحو القبر
٠راسم: بصح ممنوع
٠صرب: هادي خليها عليا ، وراح وخلاهم وهوما على أعصابهم ، بعد مدة جا وفيدو ورقة
٠صرب: نوضو
٠زاكو: جبت l'autorisation
٠صرب: أصلا أنا اللي نمدو ، هيا ، ناضو كامل مام وجدان
٠صرب: نتي وين
٠وجدان: جايا معاكم وين ، وراحت وهيا ماشي محلبتو ، وصلو منين الطونوبيلات خافت تركب مع راسم وزاكو كانت موليا
٠صرب: أطلعي ، خزرت فيه وطلعت معاه والطريق كامل وهو ساعة على ساعة يشوف معاها بشط عين ، وصلو وهبطو وابداو يحفرو ......
عند كامي كانت قاعدة حتى دخل  مهدي ، غير دخل صراتلو صدمة كبيرة
٠مهدي: وين راهي وجدان
٠كامي:.........
٠مهدي: أني نهدر معاك ، نوضي نوضي هزي روحك
٠كامي: وين وين أنا مانروح لحتى بلاصة
٠مهدي: نوضي وبلعي (بالعياط) ، كامي خافت وناضت وتدعي ربي يسلكها على خير ، وراحو (إلى أين الوجهة لانعلم)
عند وجدان وزاكو وصرب وراسم ، الكل على أعصابو كملو الحفر حتى ، راح زاكو لوجدان "خاطر كانت بعيدة على وين يحفرو" ، راح جبدها من يدها وداها منين القبر
٠زاكو: كامي هذا وشنو آه كامي عايشا وهذا وشنو ، طلت وجدان صابت صح كاين العظام ، حكمتها الدوخة من الخلعة والشوك وراصها ناض يصطر
٠وجدان: ب... بصح ك..كامي
٠زاكو: أششششش بلعي آسم كامي ماتزيديش تجيبيه على لسانك ونزيد نشوفك درتي بيا ولا بعايلتي ولا والله غير نقتلك (بالعياط) ، وراح وخلاها وهي طاخت تبكي ، ممبعد طاحت (متغاشيا) ، مافاقتش بعمرها غير كي كانت فسبيطار ، بدات تفتح فعينيها بلعقل حتى شافت الفرملية معاها
٠وجدان: واش راني ندير هنا !
٠الفرملية: mademoiselle تغاشيتي خاطر عندك نقص فالتغذية وارتفاع فالضغط
٠وجدان: وي علابالي ، شحال عندي وأنا هنا
٠الفرملية: 4 سوايع ، وهنا نحات السيروم من يدها وكانت خارجة
٠الفرملية: لالا mademoiselle ماتخرجيش ، صرب أمرنا باش تقعدي ترتاحي
٠وجدان: شكون صرب تاعك هذا وواش دخلو فيا
٠صرب: أنا هوا ، دارت شافت معاه مبعد ماحلبتوش وراحت ، هو قعد مبهم معاه البنات كامل كي الذبان عليه والدليل 👇🏻
٠الفرملية: صرب توحشتك (تهدر وتتعوج وتمسلو la veste تاعو)
٠صرب: واقيلة ضصرتني نتي أيا طيري لخدمتك ، وراح يلحق وجدان
أما وجدان فكانت تعيط لكامي
٠وجدان: هيا كامي هزي تعيشي هيا
٠صرب: تهدري وحدك ! ، قحرت فيه وكملت تعيط ، راح ليها دورها ليه وحصرها بيدو فخصرها وهي تسيي تبعد عليه وتضرب فيه وهو مركز
٠وجدان: أطلق جدي أطلقني
٠صرب: حتى تتعلمي تهدري معايا كي العباد ماشي أنا نهدر معاك ونتي تخلي فيا vu
٠وجدان: واش نهدر معاك نقولك كامي حية وماشي ميتة ونتا متأمنيش علاش نكسر راسي مالا
٠صرب: وشكون قالك مانيش مأمنك ، خزرت فيه تاع كيفاش !
٠صرب: وي مأمنك وديت عينة من الجثة للمخبر بصح مازال ماخرجتش حتى لغدوة وأنا نديهالهم وكامل يتأكدو من كلامك
٠وجدان: صح والله ماننسالك خيرك صحا ، وحضنتو "هو متوقعش ردة الفعل تاعها بصح ما تخلعش" ، ممبعد بعدت عليه ، بعد مابعدت عليه كملت تعيط لكامي
٠صرب: ليمن راكي تعيطي ؟!
٠وجدان: لكامي
٠صرب: وعندها تيليفون ؟!
٠وجدان: إيه كي جيت نهرب مديتلها تاع صاحبتي
٠صرب: وأهدري من الأول
٠وجدان: لاه خلاو العبد فعقلو كي الناس هدوك الوحوش وجوه البق طيحولي l'attention ياجدك
٠صرب: أعطيني num باش نتعقبوه
٠وجدان: واش اللي تتعقبوه راهي فدارنا
٠صرب: ومنيتك مدام نتي هربتي رايحين يخليوها فداركم ، وجدان ضربت راسها بيدها من الجياحة تاعها
٠وجدان: إيه صح هاك 0699******
٠صرب: دوك نبعتو لصاحبي يحددلي البلاصة
٠وجدان: أوك ، وراح وخلاها وهي قعدت تعيط لكامي

Dzll twalt lsl nchalh y3jbkum 💕❤