جمعتنا القرابة {باللهجة الجزائرية}

الحلقة الأخيرة في الأخيرة (parte 03)

....وصل للباب
٠وجدان: صرب...على هاد الكلمة دار باقي يشوف معاها يستنا واش تقول...قربت عندو بخطوات ثقال..وصلت لعندو
٠وجدان: صر.ب انا.اا
٠صرب: وجدان ادا ماعندك ماتقوللي خليني نروح..حكم الپاص (القفل تاع الباب) راح يفتحها...حكمتلو يدو..
٠وجدان: وشبيك مقلق هكااا اففف تلفتهالي
٠صرب: هاه اسيدي مانيش مقلق (ربع يديه ويشوف معاها وهنا هيا تبانيكات كتر من خزراتو)
٠وجدان: شوف انا فلول كنت رافضة اني ن..نحب.ك ولا تربطني بيك اي علاقة بالدرجة اللولة علاجال خدمتك اللي خوفتني بيان سور خاطر فيها الريسك بزااف بصح ممبعد تاكدت بلي اني غالطة وعرفت بلي (هبطت راسها وتلعب بيديها) نحبك
صرب حكمو الشوك ماكانش متوقع ابداا بلي راح تقولو نحبك لوهلة قريب كدب روحو بلي قاتلو هكاك كون ماكانش مركز معا كلامها 100%..بقا يشوف معاها مدة وهيا مهبطة راسها
٠صرب: وجدان قولي والله غير منك صح تهدري
٠وجدان: لالا اني نكدب تتمسخر بيا صرب انا بدرع ماخرجتها ونتا تزيد علياا
٠صرب: عاوديها مرة وحدة برك نزيد نسمعها خاطر مزالني مشي مامن
٠وجدان: نحبك افف ...وعلى هاد الكلمة حضنها حضن كبيير
٠صرب: اقسم بالله هادا اسعد نهار فحياتي نهار عرس آزار وراسم هو النهار اللي راح تبدا فيه حكايتنا انا ونتي امبوسيبل راح ننساه
٠وجدان: ايه..بصح اصبر اصبر دوكا نتفاهمو..شكون هاديك اللي ركبت معاك لقدام ؟ واقيل هاديك réserve كون ماحبيتش نكون معاك تروح ليها...قلب عينيه منهاا لسانها الطويل راح يجهلو (هادا ماقالوش بسم الله بدات تغيير)
٠صرب: واش من réserve الله يهديك..هاديك فاميلية راسم مالقاتش بلاصة مع كامي ركبها زاكو معايا وكانت كاينة بلاصة غير من القدام
٠وجدان: امممم..
٠صرب: ماتقوليليش غرتي ؟ 😮
٠وجدان: وش..وشنوا انا نغيير لالا...ديجا ماتحلالكش كي سقسيتك تبانلك واش حبيت نعرف برك
٠صرب: ندير روحي امنت
٠صرب: الله لا امنت اسيدي ديجا بعدلي خليني نروح دوك اياا طير...فتحلها الباب ودارلها بيدو تاع اتفضلي..

طلعت وجدان لعند البنات وهيا ميتة بالسعادة...وبداو يصدرو فآزار (كنت حا نحطلكم تصديرتها ممبعد قلقوني لي فوطو ماحبوش يطلعو) فوسط الزهو والشطيح هولولها العرس وهي تاني ڨلبتها ماخلاتهاش فخاطرها.....ولحقنا لوقت la robe blanche princesses ودخل راسم وصحابو والرجال لداخل راسم راح يجيبها من البيت اللي تبدل فيه....دقدق فالباب وفتحو بعد ماسمع ردها قابلاتو واقفة وتتبسم وعلامات التوتر باينين على وجها ، قدم لعندها بخطوات تقال بقا يشوف معاها شويا ممبعد باسها من راسها وحضنها
٠راسم: ياه ma princesses مانيش مأمن بلي تزوجنا
٠آزار: مام أنا...تهدر ومتوترة
٠راسم: ايااي نهبطو دوكاا الوقت وممبعد نتفاهمو انا وياك وغمزها....حكمتو من يدو ترعش
٠آزار: نتفاهمو على واش نتفاهمو ؟
٠راسم: على الزين الزايد ليوم قلبي طيحتيه وزيد الرجال رايحين يشوفوه لازم تتحاسبي عليها
٠آزار: علاش راسم حرام عليك عرسي كيفاش مانكونش شابا (حسباتلها راح يضربها ولا مسكينة نية)
٠راسم: ونتي ماشي حرام عليك قتلتيني قريب متت كي شفتك
٠آزار: بعيد الشر عليك ماتزيدش تعاود هاد الهدرة وتفاول على روحك
٠راسم: ياعمري اللي يخاف عليا اني نتمسخر معاك برك...هيا نهبطو...حكماتو من يدو وخرجو...لحقو منين الدروج شعلولهوم لغنية تاع إيليسا "عابالي حبيبي" وهوما يبانو شغل أمير وأميرة هابطين فالدروج وهو ساعة ساعة يخزر فيها باش يتأكد إذا صح راهي قدامو...وصلو لتحت قدمو عايلتهم دارولهوم دوايرة وهوما لداخل يشطحو....ممبعد قلبوهاا كامل بالشطيح دخلو يشطحو معاهم والحالة زاهية....جابولهوم la pièce (نسيت اسمها المهم الكيك اللي يقطعوه العرسان ويوكلوه لبعض) قطعوها ووكلو لبعضاهم والفرحة تقطر من عينيهم...ودوك لحقو لفقرة ترمي البوكي دو فلور راحو اتلمو كامل لبنات ماعدا وجدان وكامي ، حتى راحت آزار ليهم
٠آزار: نوضو ياخي هايشات حابين تقعدو بايرات فوق راسي
٠وجدان: انا لالا مانجيش نستنا حقي تاع الغاااطو ادي هادي كاش مايتحلحل قلب المخبوط هاداك تاع زاكو ويجي يخطب
٠آزار: خممي على عمرك احوبااي....راحت آزار وهي تكركر فكامي معاها اللي مافاهما والو ووجدان تشوف معاهم وتتبسم....حكمت آزار البوكي تاع الورد وسبقتهم
٠آزار: اني راح نرميه وجدو روحكم..واحد..زوج..ثلاثة
وقدمت عند كامي بخطوات تقال...وكامي مازالت فصدمة...حتى لحقت لعندها مدتهولها ودورتها...والصدمة لقات زاكو راكع على رجله وفاتح بواطة تاع الخاتم...الدموع تحجروا فعينيها وبقات مبهمة من الصدمة...حتى نطق زاكو
٠زاكو: قريب خاطر ركبتي وجعتني...ضحكو عليه وهيا تاني ضحكت فوسط دموعهاا ودارتلو براسها تاع ايه...وقف لبسلها الخاتم...وهنا وجدان طلقت تزغرية سمعوها من طرف الدنيا...حتى كامل شافو معاها متبسمين حسوها جبدتها من قلب قلبها...ممبعد زاكو همس لكامي فودنها
٠زاكو: نحبك كامي نحبك ونوعدك راح نعيشك احسن عيشة وعمري مانزعفك
٠كامي: مام انا نحبك ونموت عليك...باسها من راسها بوسة معزة وبقا محضنها
اما وجدان فكانت تشوف معاهم وميتة بالسعادة لانو علابالها واش جاز عليهم ماشي ساهل وصح ماعندهاش بزااف من اللي عرفتهم وولات صاحبتهم واتقربت منهم ومن عايلتهم بصح قدرت تعرف شحال قلبهم بيض ونية وهادا الشي اللي خلاها تحبهم كتر وتتمنالهم كل خير....كانت تتفرج معاهم وغايسة حتى جاها le serveur (اللي يسربيو فلعراس) جابلها حقها تاع الغاااطو...بدات تاكل وتستبن ومرة على مرة تشوف معاهم حتى حست حاجة ففمها بدات تسعل وجبدتها حتى قريب جافت...قربو ليها كامل جاريين يشوفو وشبيها حتى يشوفوها جبدت خاتم من فمها وباقية تشوف معاه (زاكو ناض يضحك بيسك علابالو) حتى قدم صرب لعندها وركع
٠صرب: تقبلي تتزوجي بيا...بقات تشوف معاه شوية ممبعد طاحت تضرب فيه...
٠وجدان: هاكدا يتقدمو الناس اهه قريب جيفتني اهه لا إله إلا الله محمد رسول الله...وبقات تشوف معاه
٠صرب: واش راح نديرلك نتي طحتي على الغاطو اجبد منا لهيه ماشفتيش الخاتم خاطرش كان باين ماتشقايش حتى تبلعيه
٠وجدان: ركبو وبلع...وهنا تبسيمتو وساعت وركبهولها وبدا الزغاريت وناضو يشطحو هو الستة مع بعض ايه وعلاش مايفرحوش ثلاث فرحات فنهار واحد...