نعرفكم بالشخصيات الجديدة قبل: ٠ماريا: شابة وقارية وعاقلة ورزينة عندها طاي تقتل (بصح فوجها تبان مشيانة) كملت القراية وتخدم مع باباها طبيبة فعمرها 25 سنة هيا صاحبت آزار و كاميليا وكانت تحب صهيب ملي كانت صغيرة هادي هيا 👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
٠زكرياء: ولا زاكو شباب بزااف (كور وديكور) كامل البنات يموتو عليه يشبه لباباه فالشكل وحتى فالتخمام راح للخارج عندو شحال يقرا تما تخصص إدارة أعمال يموت على ختو آزار تمس عينو ومتمسش فيها (malgré كي القط والفار هيا وياه) عمرو 27 سنة قد راسم اللي هو صاحبو من الصغر هذا هوا 👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
◀نوليو للكرونيك وصلو الطونوبيلات آزار كانت راكبة مع زاكو غير وصلوا كامل هبطو هوما الزوج بلعقل وهوما شادين فيد بعضهم (تقول رايحين يتفارقو) حبسو قدام الباب شافو مع القصر مبعد تنهدو ودخلو غير دخلو لقاو العائلة كامل فالصالون وكامل يخزرو معاهم الساعيد مع نفسو يحكي (كملت تهنينا من باباه جا اللي مااعر منو) الجد غير شافو وقف ٠الجد: علي "إسم باباه" هنا آزار ماقدرتش تتحمل بسك خوها يفكرها فباباها حتى ماماها ولات تبكي زكرياء راح ليماه حضنها وكاميليا راحت لآزار ٠الجد: أرواح لعندي وليدي ٠العائلة: 😕 زكرياء خزر فيماه اللي دارتلو براسها تاع روح ، راح لعندو سلم عليه وجا رايح بصح الجد حكمو وزاد حضنو مبعد بعد عليه وراح عند ختو ٠زاكو: خلاص آزار ماتبكيش أني هنا دموعك منحبش نزيد نشوفهم سمعتي ، دارتلو براسها تاع إيه وطلعو كيف كيف للشومبرا تاعو بعد ماطلعو وينطق واحد من "جماعة الشوكوكو" هادوك ٠عبدو: هادي العايلة خلقها ربي غير للدراما بففف شحال يزيدو عليها ٠صهيب: تبلع ر** لا نجي نحيلك عزرينك وينوض السي خونا عبدو راح يضرب صهيب وصهيب كيف كيف ، حتى دخل راسم فالنص حكم صهيب ٠راسم: صهيب أتهدن أقعد اخطيك من جدو راح صهيب يقعد بصح عبدو مازال يشارشي باش يضارب ٠راسم: ونتا حتى نعرضوك واقيل طير تقعد ٠عبدو: ونتا علاش راك تدخل فروحك ٠راسم: "بنضرة تخوف وعياط" أقعد وبلع فمك ومبعد همسلو فودنو هادا إلى ماراكش حاب تولي فرجة هنا راح عبدو يقعد فبلاصتو كي الولية وهو يتحلف والله غير نندمكم وفالحاجة العزيزة عليكم وخزر فباباه "الساعيد" عدات لعشية ولحق وقت العشا آزار رقدت مع خوها وهوما يحكيو راحو يعيطولهم باش يتعشاو هبطو كيف كيف وكانت العايلة كامل ملمومة على الطابلة غير وصلو جات عين زاكو على بلاصت باباه قلب عينيه وقعد حطو ياكلو ، حتى نطق الساعيد ٠الساعيد: زكرياء راك عازم نشاله تخدم مع خوك بالنص ولا تستولي على كامل الأملاك زكرياء تنفس نفس عميق وسكت ٠صهيب: لالا رايحين نخدمو خاوة خاوة وزيد هاد الفكرة تاع الإستيلاء على الأملاك الأخ لكبير يزرعها فخاوتو ولا ينحيهالهم من بالهم وأنا بما أني الأخ لكبير زرعت فخاوتي غير الأفكار المليحة أما فكرة الإستيلاء على الأملاك فماعندناش ومع الأسف 😌 خاطر أنا ماشي كيما نتا ٠الساعيد: واش راك تقصد أنا اللي حرضت باباك يدي الأملاك قول ٠صهيب: لالا حاشا ولله ٠زاكو: وشكون قالك بلي بابا دا كامل الأملاك بابا وقف على الأملاك خاطر جدي كلفو برك بصح كل واحد عندو حقو وراح يديه لأنو مايقدروش 5 خاوة يديرو الشركة و أصلا كون جيت نتا كفأ كيما يقولو كون جدي كلفك ووقفت وماصراش هذا الشي كامل ٠الساعيد: يتسما راك تحط اللوم عليا وتغطي على فعايل باباك ٠زاكو: علاش واش دار بابا سرق أملاكك ولا أملاك واحد من خاوتك لالا ؟! جابلي ربي كل واحد دا حقو وزيادة ٠الجد: خلاص بركاونا من هذا الكلام اللي مايدي مايجيب ناض زاكو وزادت وراه آزار مبعد زاد صهيب وزادت يماهم و خرجو للجنان قعدو تما وهوما ساكتين بعد مرور 10 دقائق ٠الأم: تعيشو ماتعمروش راسكم بكلامو طول عمرو يكره باباكم ٠صهيب: ماتخافيش ورانا فاهمين اللعبة تاعو ٠الأم: أنا ندخل نروح نرقد ٠كامل: بااي أما كاميليا وراسم وماريا فكانو رايحين لعندهم ٠ماريا: وين راكي رايحة طاطا أقعدي معانا ٠الأم: هاداك واش خصني نقعد مع الصغارات ، أيا بااي دوك نوصيهم يجيبولكم حاجات تاكلوهم ٠كامل: صاحا تصبحي بخير راحت الأم وقعدو كامل كيف كيف كاميليا: آزار خلاص أيا قلبي علينا داك الوجه وخلينا نشوفو الضحكة تاعك ، ولات آزار تضحك ٠ماريا: واش رايكم نلعبو action/vérité كامل خزرو فيها هيا تخلعت حسبالها رايحين يتخلطو فيها وتنطق آزار ٠آزار: فوووور غاااع أنا نبدا بصح باش ندورو ناض زاكو راح جاب قرعة وجا ، دورت آزار جات ف.....
نشاله يكون عجبكم هادا ال partie و إيدا حابيني نكمل أكتبولي فال comontaire
