راح صرب وخلا وجدان وحدها، أما وجدان فكانت فقلبها غصة ممبعد راحت لدارها وكملت تعيط لكامي بصح ماكان حتى رد يصوني بصح ماتردش
صباح جديد وأحداث جديدة ناضت وجدان مقلقة الغصة اللي فقلبها زادت كتر واكتر على البارح ، ناضت غسلت وبدلت حتى صابت الباب يصوني راحت تفتحو حتى......
عند كامي داها مهدي للدار اللي فيها آزار، دخلو لقاو فراس يفطر
٠فراس: اوو شكون جانا مرحبا مرحبا ببنت عمي اتفضلي الدار دارك
٠كاميليا: الله لا رحبلك شان
٠فراس: ليوم مورالي طالع مانيش حاب نتقابض معاك ونفسدو
٠كاميليا: غير الخير طلعنا المورال معاك تشو
٠فراس: ماشكيتش نتي يطلعلك من هاد الخبر، كامي قلبت عينيها من هدرتو 🙄
٠فراس: ليوم عرسي مع بنت عمك
٠كامي: وشنو!!!!! ، نتا مهبول واقيل ديجا آزار راهي مازالت فالغيبوبة
٠فراس: تؤ تؤ راكي غلطانة آزار ناضت وليوم عرسنا، ديجا جابك ربي باش ماتكونش وحدها، وراح وخلاها أما هي ناضت تحوس عليها من بيت لبيت والدموع يسيلو من عينيها، حتى فتحت باب وشافت آزار فالفراش مربعة رجليها وتبكي شافو مع بعضهم وناضو يجريو عنقو فبعض، *بعد مرور مدة*،
٠كامي: اتوحشتك يا كلبة
٠آزار: مام انا، بصح لي.. 😭
٠كامي: اشش ماتقولي والو علابالي بلي نسلكو على خير، وفجأة يسمعو العياط تاع فراس ومهدي وهوما يضاربو ، وفراس طالع لعندهم ، غير وصل افتح الباب وراح جبد آزار من يدها ومخرجها بالزور عليها وهي تعيط وتحوس تبعد عليه حتى سمعو صوت تاع طونوبيلات تاع la police , BRI وصوت الرصاص، فراس طلق يد آزار وكان هارب حتى حكمتو آزار وطيحتو لرض وتضرب فيه وجات كامي معاها وابداو فالضرب حتى دخلت عليهم وجدان
٠وجدان: كامي ، وحضنتها وكامي كيف كيف ، أما آزار كانت تشوف معاهم ومافاهما والو
٠آزار: شكون هادي و وين تعرفيها ؟!
٠وجدان: حكاية طويلة ماشي وقتها دوك ، هيا ازربو وجبدتهم من يدهم
نوليو شويا للور
فتحت الباب صابت 3 رجالة الله الله ، قلبت عينيها 🙄
٠وجدان: خير ياطير
٠صرب: دخلينا يا بنعمي ، وامبعد الرحمة تاع ربي ، دارتلهم وجدان بيدها تاع ادخلو ، دخلو وقعدو ، اما وجدان بقات واقفة وربعت يديها
٠وجدان: ودوك خير ولا حتى نوجدلكم الفطور ، ومبعد يرحمها ربي ، وشافت مع صرب اللي ضحكلها ضحكة صفرة من فوق القلب وقلب عينيه 🙄
٠زاكو: وجدان حكالنا صرب بلي كلامك كامل صح ، شافت مع صرب وهو طلع كتافو "زعما زعما" ، قحرت فيه ودورت وجها وهو قعد يسب فيها فقلبو
٠صرب: المفيد لازم مانضيعوش الوقت خاطر فأي لحظة يفيقولها بلي عندها التيليفون ويبدلولهوم البلاصة والخدمة تاعنا كامل تروح فكيل زيت
٠وجدان: وين وين ؟!
٠صرب: وين زعما باين رايحين نسلكو كامي وآزار
٠وجدان: صحيت كنت عمبالي رايحين تحوسوا
٠صرب: تعيي
٠وجدان: ونتا كتر
٠زاكو: خلاص بركاونا من الجياحة تاعكم دوك ، رانا رايحين للبلاصة اللي تحدد فيها وين التيليفون ، رايحين نديرو هجوم عليهم
٠وجدان: نجي
٠صرب: وشنو ايا روحي تلعبي على روحك هادا ماشي pubg تلعبيها فالتيليفون ، بينما هو يتحث (مفهمتش علاش اني نهدر باللغة العربية الفصحة any why ) خطفتلو الكابوس ووجهتو لوجهو
٠وجدان: نعرف نلعب pubg فالتيليفون ونعرف نلعبها فالصح 😏 ، جمبي على جمبكم ، نروح نبدل ونجي ، راحت وجدان وصرب الدم طلعلو للراس ، أما راسم وزاكو فكانو قاعدين على أحر من الجمر ، بعد شويا هبطت وجدان كانت لابسة هكذا 👇🏻
أنت تقرأ
جمعتنا القرابة {باللهجة الجزائرية}
Historia Cortaكرونيك جزائرية من تأليفي وكتابتي أول مرة نكتب كرونيك ونشاله تعجبكم وتتفاعلوا By me: Missane
