جمعتنا القرابة {باللهجة الجزائرية}

الحلقة 10

٠راسم: كيما راكم تقولو مايحملش كي يشوفك مع طفل يعني نستغلو هادي النقطة بداات
٠زاكو: يعني ؟!
٠راسم: آزار لازم يكون عندها حبيب malgré ماشي صح المهم فهادي الفترة بداات
٠زاكو: والله مفهمت كعوا من بعوا ملخر واش قصدك من هذا الشيء
٠راسم: حاب نقولك يعني منين يفيق بلي عندها حبيبها راح يحاول يآذيها ويآذي هذاك البنادم اللي راهي معاه وتما الصح
٠زاكو: أممم يعني قصدك نجيبولها حبيب مزيف
٠راسم: وي
٠زاكو: jsp مي نشاله تصلح
٠آزار و راسم: نشاله
٠كامي: بصح كاين مشكل ، وهنا كامل ركزو معاها
٠راسم: واش من مشكل ؟!
٠كامي: شكون يمثل بلي حبيبها وزيد زعما كون يحوس يآذيها وحنا واش نستفادو
٠راسم: يا الحابسة كون يآذيها نكونو حنا خبرنا la police من قبل ويحكموه la police وزيد كي يحكموه راح يغبر خاطر عندو قضايا مفتوحين بزااف كيما التزوير و la drogue
٠كامي: صاحا هادي فهمناها وحبيبها منين رايحين نجيبوه ، وهنا عم الصمت وكامل يخممو
آزار: كامي واش رايك فنونوح
٠كامي: منيتك تهدري نتي هاداك يليق يكون حبيبك ديجا معندوش ال srx كامل هاذاك srtt كي يتلاقا بيك وحبيبك لازم يبان تاع الصح
٠آزار: صح عندك الحق أووف منين رايحين نجيبوه حنا دوكا
٠كامي: لقيتها
٠راسم: خير يا طير نشاله
٠كامي: لقيت شكون يمثل حبيب آزار
كامل: شكون ؟!
٠كامي: نتا 👈🏻 "شاورت لراسم" راسم دور لوراه يشوف
٠راسم: ماكان حتى واحد ، هنا آزار فشلتها الضحكة وزاكو كيف كيف أما كامي فقلبت عينيها 🙄
٠كامي: مانيش نتقعد والله أني معاك
٠راسم: وشنوو نتي بالاك مخبوطة من راسك شويا أيا طيري
٠كامي: والله مني صح غير نتا اللي تليق وهادوك تاع جماعة الشوكوكو مارايحينش يعاونونا خاطر ميحملوناش وزيد هو يتفاهم معاهم يعني يعرف بالخطة تاعنا
٠راسم: صاحا هادي فهمناها وكي يسمع جدي خاطر هادي حكاية كبيرة و bien suur رايحين يسمعو غاااع ياك
٠زاكو: هنا عندك الحق قادر حتى يزوجكم هو ديجا ميحبش يتزوج واحد مننا من خلاف العايلة ويصيبها سبة
٠راسم: إيه هادا واش كنت نقصد ونتي كامي دايما تشوفي من منضور ضيق وغير الحاجة اللي تساعدك
٠كامي: شوف أسيدي كي حبيت نعاون صاحبتي وليت نشوف من منضور ضيق معليش منزيدش ندخل روحي ، وطلعت للبيت ، البيت اللي جات قدامها دخلتها أما آزار فلحقتها تمشي بعقلها خاطر كانت تحس بالدوخة بين عينيها طلعت عندها دخلت
٠آزار: كامي خلاص مافيها والو هادي حياتو وهو حر فيها معليش متزعفيش روحك ، وحضنتها
٠كامي: حبيت نعاونك نتي ختي وعندي غير نتي ومنحبش نشوفك تتعذبي خلاص متأمنيش نهار كان يخطفك ويعذبك شحال كنت نبكي ونتوجع فبلاصتك بصح الله غالب ودوك منين حبيت نعاونك ، قاطعتها آزار
٠آزار: علابالي علابالي مام أنا دايراتك كيف ختي وأكثر معليش يديرلها ربي تاويل هايا دوك نهبطو لتحت
٠كامي: نشاله ياربي ، لالا بصح مانيش حابا نهبط كامل
٠آزار: معليش أنا نهبط نشم شويا هوا ، هبطت آزار وخلات كامي اللي قاعدة وتخمم وصلت لتحت لقاتهم مازالهم على حالتهم قاعدين
٠آزار: ياك نباتو هنا
٠زاكو: إيه طلبنا الإذن من جدو قبل منخرجو وزيد الليل منقدروش نروحو دوك
٠آزار: معليه بصح نقدر نخرج نشم شويا هوا
٠زاكو: وي بصح هنا برك ، ردتلو آزار براسها تاع إيه وخرجت تستنشق فالهوا وترد خاطر كانت مغمومة بزااف قعدت وحد ال 30 دقيقة ممبعد دخلت صابت غير راسم قاعد وداير يدو على راسو ، كملت من غير ماتقول حتى كلمة حتى سمعت صوت يعيطلها آزار دارت لوراها
٠راسم: نقدر نهدر معاك شويا
٠آزار:  oui oui bien sur  ، وراحت قعدت فالفوثاي اللي مقابلو
٠راسم: شوفي ماشي قصدي كامل مانعاونكش بالعكس كيما مانحبش حاجة تضر ختي مانحبش حاجة تضرك نتي وهادي الحكاية مطولة ورايحين يسمعو بيها كامل العايلة وجدي تاني خاطر هو مايفهمش ويلقاها فرصة
٠آزار: معليش أني فاهمتك وماكاين حتى مشكل وأصلا كل حاجة نديروها لازم تساعدنا كامل ولا مانديروهاش ، راسم قاعد يشوف معاها ومبهوم فيها
٠آزار: lsl أنا نطلع نرقد تصبح بخير
٠راسم: ونتي من أهلو ، راحت آزار ترقد وراسم زاد شويا وطلع أما بالنسبة لكامي وزاكو اللي ماغفلتش عينهم حتى دقيقة
٠كامي: أففف أنا كرهت نروح عند آزار ، راحت عند آزار ومنين لحقت لبيتها
٠كامي: لالا تكون راقدة مانوضهاش خير ، أففف ودوك أنا واش ندير ياربي ، آه نهبط لتحت وخلاص ، هبطت كامي وخرجت للجنينة شافت جعلولة راحت قعدت فيها شويا هكذا لقات حاجة تنحط على كتفها دارت تشوف لقاتو ....... 

Smholi bzff lbarh makdrtch nhat lyoum nchlh ida kdart nhatalkom 2 partie we kif kif atfa3lo bych nkdrr nkmll et Merci 💕