حكملها فمها سدهولها وهي تسيي تعيط حتى سمعو لهدير فالدروج هرب وخلاها حتى دخل زاكو
٠زاكو: آزار
٠آزار: "وهي خايفة ومقلقة" وي
٠زاكو: راكي مليحة ؟!
٠آزار: وي وي أني مليحة هادا وين نضت من النعاس برك
٠زاكو: إيه صح المهم وجدي روحك نروحو نحوسو
٠آزار: نروحو ؟!
٠زاكو: وي أنا ونتي وراسم وصهيب وماريا و...
٠آزار: و.... شكون ؟! 😐
٠زاكو: وصاحبتك
٠آزار: أممم قصدك كاميليا مليح مرت خويا المستقبلة
٠زاكو: أيا طيري تلبسي ديجا أني نسايلهالك تاع البارح ، خرجتلو لسانها 😛 وهو راح وخلاها ، أما آزار تنهدت تنهيدة تهد جبل وراحت تبدل لبست هكذا 👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
كاميليا لبست هكذا 👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وماريا هكذا 👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
هبطو كامل غير آزار قعدو يستناو فيها ، كانت هابطة فالدروج ومهبطة راسها حتى تولهت "انتبهت" بلي كاين بنادم مركز عليها ويخزر فيها طلعت راسها شافتو يخزر فيها جمدت فبلاصتها ومبعد راحت لحقت لعندهم وجهها فاسد
٠كامل: "غير راسم" وشبيه وجهك فاسد ؟!
٠آزار: والو برك عيانة شويا
٠زاكو: راكي مريضة ؟!
٠آزار: لالا برك عيانة شوية
٠زاكو: أوك ، ماريا نتي تروحي مع صهيب ونتي آزار تجي معانا أنا وراسم و صاحبتك
٠كاميليا: واسمني كاميليا 😏
٠زاكو: ضحك مبعد قالها وكاميليا مليحة هكذا وطلعو فالطونوبيل
٠كاميليا : آزار واشبيكي راكي ماعاجبتنيش كاامل
٠آزار : أسكتي برك راهو جا النحس تاعي
٠كاميليا: شكون؟! ، ومبعد سكتت شويا ، ماتقوليليش.... "هدرتها بالصح" دوروا ليها
٠راسم: كامي واش كاين
٠كامي: لالا ماكاين والو
كملو مشاو وهوما ساكتين حتى وصلو لبلاصة شابة فجبل وفيها أكواخ تاع الحطب وبحيرة شابة هبطو كامل
٠آزار: يااي شحال شاابة
٠كاميليا: والله صح تهبلل
ماجاو يقعدو لقاو آزار وكاميليا ديجا أكتاشفو البلاصة كامل ،
عند كامي وآزار
٠كامي: ودوك كيفاش ديري معاه ياك تعرفيه مهبول
٠آزار: حياتي كامل فيها غير المهابل والفت
٠كامي: أسمحيلي بصح هذا وحدو
٠آزار: زيدي عليا نتي زيدي
راحو لعندهم تغداو كيف كيف وعداو نهار هاايل ضحك وغصرة بصح ماعلابالهمش بلي كاين اللي يراقب فيهم
٠ماريا: صهيب هادي البلاصة شابة بزااف غير نتزوجو نولو نجيو لهنا نحيو على خاطرنا
٠صهيب: نشاله
٠زاكو: إيه ووقتاش العرس حقا ؟!
٠صهيب: مازالولو 15 يوم بلا مانحسبو هاد السمانة
٠راسم: مليح ربي يكملكم نشاله
٠كامل: نشاله
٠زاكو: آزار مالا راكي مديسيديا كولش للعرس
٠آزار: والو
٠زاكو: ماشي نتي لي كنتي تقولي أنا اللي نوقفلكم لعرسكم ونديرو كيما نحب
٠آزار: إيه بصح هاديك فدارنا ماشي هنا
٠زاكو: ومبعد ديري كيما تحبي وكامل واقفين معاك
٠كامل: صح رانا معاك ، وهنا آزار خزرت فكامي خزرة شيطانية 😈 تاع الروبلة تصراا وضحكو زادو شوية ومبعد ركبو يروحو للدار
فالطرييق نطق زاكو
٠زاكو: آزار نتي وكامي تقراو كيف كيف
٠آزار: إيه 😑
٠زاكو: مليح
٠راسم: زاكو غدوا نروحو نضربوها بعومة يا حبيبي
٠كامي: نلسقلك فالرودة خو🤙
٠راسم: نعرفك مافيا ديريها
٠زاكو: ونتي آزار وين تلسقي فالسطح بالاك
٠آزار : ......
دارتلها كامي بيدها تاع أو يهدر معاك
٠آزار: وي
٠زاكو: واش كنت نقول؟!
٠آزار: أممم
٠زاكو: خلاص خلاص ، كملو للدار وهوما ساكتين بصح زاكو ماعجبتوش حالت ختو وعلابالو بلي مخبية عليه حاجة مقلقتها ، وصلو للدار وكل واحد راح لشمبرتو ، عند آزار غير جات تدخل حست بيد جبدتها للداخل وسدتلها فمها ، شافت معاه آزار صابتو هوا
٠هو: نحي يدي بصح مانسمع حتى صوت
دارتلو آزار براسها تاع إيه
٠هو: توحشتك عمري
٠آزار: مانيش عمرك أفهم أنا مانحبكش ياودي مانحبكش
٠هو: أنا نحبك وهذا الشي يكفي
٠آزار: نتا ماتحبش نتا مهووس ومهبول مريض
٠هو: مريض بيك عمري
٠آزار: أخطيني أعفيني منك
٠هو: لالا هادي جامي تصرا نتي تاعي وتاعي وحدي وكون مانديكش أنا واحد مايدييك وتعرفيني ندير كلشش باش تكوني ليا وحدي
٠آزار: علابالي نعرفك روح خليني نرقد يرحم باباك
٠هو: أوك تصبحي بخير عمري
٠آزار: نشاله تنقطع عمرك
هو راح وهي قعدت تندب على سعدها اللي جابلها واحد مهبول مهووس بيها قادر يقتل أي واحد علاجالها وحتى يقتلها هيا بالدات وتندب على الزين اللي ولالها نقمة
Dzll mankdrch n7at la partie 3 lyoum ghodwa n7athalkom nchlh
أنت تقرأ
جمعتنا القرابة {باللهجة الجزائرية}
Short Storyكرونيك جزائرية من تأليفي وكتابتي أول مرة نكتب كرونيك ونشاله تعجبكم وتتفاعلوا By me: Missane
