جمعتنا القرابة {باللهجة الجزائرية}

الحلقة 08

بكات بشهقة حتى نشفو دموعها ومبعد غلبها النعاس رقدت بصح معلابالهاش بلي كاين بنادم يسمع فيها قدام الباب ، المهم عدا نهار وجا نهار جديد
عند كاميليا كانت راقدة في أمان الله حتى صابت الباب تفتحت تقول الإرهاب تنفضت من بلاصتها وشافت مع الباب
٠كامي: واش بيك صباح ربي هكذا الناس يفتحو الباب 😡
٠راسم: شوفي ماشي وقت تبهليلك راح نهدر معاك srx ، كامي تقعدت فهمت بلي راهو يهدر منو صح
٠كامي: واش كاين غير الخير
٠راسم: واشبيها صاحبتك ؟!
٠كامي: شكون آزار ؟!
٠راسم: بركاي ماتتبهلي باينا بلي هيا
٠كامي: واشبيها ؟!
راسم: شوفي ماتعاوديليش la question خاطر أنا اللي راني نسقسي فيك ماشي نتي
٠كامي : معلاباليش والله
٠راسم: البارح الليل كامل وهيا تبكي وكي خرجنا كان وجها فاسد ، كامي فهمت بلي راهو يهدر على "البنادم اللي راهو يتبع فآزار" ناضت من بلاصتها
٠كامي: والو مابيها كانت عيانة برك
٠راسم: suur عيانة
٠كامي: راسم قوتلك عيانة برك ماكاين حتى حكاية
٠راسم: بصح أنا ماقوتلكش كاين حكاية ومن كلامك معناها كاين حكاية
٠كامي: أووف إيه كاين حكاية بصح أنسا نحكيهالك فهمت
٠راسم: صاحا ماتحكيش
٠كامي: وي ، خرج وخلاها وهي تبكي ممبعد غسلت وبدلت وهبطت تفطر
أما آزار فناضت cv pas كامل راحت غسلت غير هبطت كامل قاعدين يخزرو معاها قعدت بلا ماتهدر مع حد
٠زاكو: واش ماكانش صباح الخير واقيل
٠آزار: صباح الخير ، ممبعد كامل فطرو غير هيا غايسة ووحد البنادم عينيه غير عليها غير كملو ناضت direct لبيتها
٠كامي: آزار وجدي روحك باش نخرجو
٠آزار: 👍 ، وطلعت
كاميليا تاني طلعت لبيتها كانت قاعدة حتى صابت  الباب تفتحت شافت معاها لقات زاكو غلق الباب وقعد
٠زاكو : أحكيلي واش بيها آزار
٠كامي : مابيها والو عيانة برك
٠زاكو: نعرف ختي مليح مليح وزيد حكالي راسم
٠كامي فقلبها والله يا راسم غير نقتلك
٠زاكو: إيلا تحبي صاحبتك أحكيلي باش نعاونوها ، سكتت شويا ومبعد
٠كامي: شوف كاين واحد كان يحب آزار ولا نقولو مهووس بيها أي واحد يهدر معاها ولا يقرب ليها يقتلو نورمال حتى هيا وماتسلكش منو وحد المرة خطفها وضل يعدب فيها حتى قريب ماتت بصح بعدها مازدناش شفناه هي حسبت تهنات منو بصح عاود رجع
٠زاكو: وشنو وشكون هذا الحيوان نقتلو ونشرب دمو
٠كامي: ف.. فرا.. فراس
٠زاكو: شكون فراس ؟!
٠كامي: فراس بن عمتنا ، ودارت يدها على راسها
٠زاكو: وشنو نقتلو أنا ليوم نقتلو ، وكان هابط ليه حتى حكمتو من يدو
٠كامي: لالا تعيش والله مهبول والله قادر يقتلها نورمال ويكمل بيك تعيش لالا ، تهدر وعينيها مليانين دموع أما زاكو غير شافها هكداك الغضب تاعو نقص وولا يهدي فيها حتى حضنها ممبعد فاقت مع عمرها وبعدت عليه هو فاق بلي حشمت وضحك ممبعد وصاها بلي هادا سر وحتى آزار مالازمش تسمع بلي علابالو وخرج ، بعد ماخرج كامي قلعت النفس خاطر قلبها كان يدق فال 💯 وراحت تبدل باش تخرج

هبطو لبنات وراحو كيف كيف شراو واش يسحقو وغصرو وتمهبلو حتى آزار نحات على خاطرها ، حتى شافت آزار أنتيمها موموح يقرا معاهم راحت جارية ليه حضنتو وزادت وراها كامي "وياليتك لم تفعليها يا آزار" سلمو عليه وغصرو معاه وعرضوه للعرس ممبعد آزار كانت حاتروح للطوالاط ، راحت وهيا جات حاتدخل حكمها عبد وخنقها حتى قطعلها النفس وهو عينيه حمورا وهي تحااول تنحيلو يدو بصح ماقدرتش واستسلمت حتى فاقت مع روحها وهي فسبيطار فتحت عينيها لقات روحها فبيت بيضة والسيروم فيدها فاقت بلي راهي l' hopital كانت تنحي فالسيروم حتى تفتح لباب شافت معاه مليح وضيقت عينيها حتى دخل راسم حست براحة غير شافتو
نوليو شويا للور بعد ماهبط راسم من عند كاميليا راح لعند صاحبو وحكالو كلش ممبعد خرج خاطر كان عندو شغل وبالصدفة كان راح يقابل عميل فالمطعم اللي كانو فيه لبنات صح تغدا تم ماشافوه ماشافهم بصح غير كان خارج سمع صوت تاع واحد يتخنق راح يشوف وبالصدفة لقاها آزار الدم طلعلو للراس ضرب فراس بركلو وهز آزار طار بيها للسبيطار
نرجعو للحاضر
حكملها راسم يدها اللي كانت تنحي بيها السيروم
٠راسم: خليها لازم حتى تفرى القرعة باش تخرجي
٠آزار: بصح البنات أم يستناو فيا
٠راسم: أني بعت لكامي ميساج قولتلها بلي راكي سبقتيهم
٠آزار: آه مزيا
٠راسم: واش اللي مزيا ، مزيا اللي ماعرفوش بلي كان عبد يخنق فيك وحب يقتلك وقريب متي آه قولي
٠آزار: .....

......يتبع
Nchalh y3jbkuum had la partie ki l3ada atfa3lo svpl bach nkmll et mercii 💜