ماريا قلبت شنوفتها عليه وقعدت ساكتة أما راسم وزاكو فهبلو بالزعاف منين زادو شافو آزار وكامي يضحكو ويعنقو فمهدي ومنيب
٠صهيب: راسم نتا وآزار مضاربين؟!
٠راسم: لالا علاش
٠صهيب: كي ماراهيش معاك ومن وجهك تبان راح تطرطق من الغش
٠راسم: لالا راني مليح وديجا راهي قدام عينيا ، ممبعد راحو لعندهم آزار وكامي ومهدي ومنيب
٠آزار: مهدي نتا تعرفهم هادو مازال غير صيب وماريا
٠منيب: بصح أنا مانعرفهمش!؟
٠آزار: دوك نعرفك هذا خويا زاكو وهذا صهيب وهادي مرتو ماريا وهادا...... ، وسكتت
٠راسم: حبيبها، وهنا زاكو وكامي وآزار شافو معاه
٠منيب: آزار عندك حبيبك مليح كنت فبالي غير نتي اللي مايكونش عندك حبيبك
٠راسم: *بالتشناف* وعلاش؟! 🤨
٠منيب: psQ كانت مرجلة اللي يقرب ليها الراس يطير صح كانت شابة بصح كانت مخبيا الزين تاعها حتى دوك وليت مانعرفكش يامحاينك أنوثة طاغية
٠راسم: وهذا الزين والأنوثة تاع مواليه دوك، وجبد آزار ليه اللي ماقدرتش تطلع راسها ليه
٠منيب: oui dmg ، وهنا راسم شويا ويسوطي عليه
٠مهدي: ونتي كامي!؟
٠كامي:.........
٠راسم: معندهاش بصح كاين واحد حاط عينو عليها وغير هو اللي نمدلو ختي
٠كامل*ماعدا زاكو وكامي وآزار*: شكون ؟!
٠راسم: زاكو ، صهيب كان يشرب ولا يكح حصلتلو مهدي حالتو ماتتفسرش آزار وكامي مافاهمين والو زاكو قاعد يخزر فصاحبو منين عرف (وهو فالصح راسم هدرها من راسو خاطر انتبه لمهدي بلي معجب بكامي وهو ماعجبوش مهدي يعني حب يبعدو عليها)
٠مهدي: ونتي كامي واش رايك!؟! ، وهنا كامل ركزو مع كامي وخصوصا زاكو ممبعد طلعت راسها وخزرت فزاكو ممبعد دارت براسها تاع إيه، آزار ولاو يخرجو فوق راسها علامات استفهام وراسم يشوف معاها خاطر فهم بلي مافهمت والو
٠مهدي: آه مالا ربي يهنيكم نشاله ألموهيم أنا نروح
٠منيب: مام أنا كلشي مبروك، ممبعد راحو
٠صهيب: يااه والله شوكيتوني فاللول راسم وآزار زدت نتا وكامي
٠ماريا: كلشي مبروك مالا مور عرسي ديرو خطبة جماعية
راسم: يرحمها ربي نشاله، أما آزار ففهمت بلي راسم معجب بيها ممبعد راحت وخلاتهم طلعت للبيت وكامي راحت للساحة اللي من الجيها لوخرا لحقها زاكو وراح ليها ودورها ليه
٠زاكو: كامي منك بصح حابة تكوني معايا
٠كامي:......
٠زاكو: قولي كامي
٠كامي: إيه حبيت نمدلك فرصة، زاكو مات بالسعادة واحضنها
٠زاكو: والله نحطك فوق عينيا، وباسلها راسها، ممبعد راحو كيف كيف وهوما حاكمين يدين بعض لحقو لعندهم
راسم: ماتقوليش لكلام اللي هدرتو كان صحيح
زاكو: وي وجا فوقتو باش نعرف الجواب
راسم: ربي يهنيكم، وحضن كامي
٠كامي: وين راهي آزار؟!
٠ماريا: معلاباليش
٠زاكو: هاهي أي جات، راحت قعدت قدامهم وهي ساكتة
٠كامي: عندي ليك خبر يفرح
٠آزار: واللي هو؟!
كامي: أنا وزاكو ولينا كيف كيف
آزار: قولي والله، وناضت تحضن فيها وزادت زاكو، راسم تمنا كون كانت هادي الفرحة عليهم وكانت ليه بصح كلش مقدر ممبعد ناص صهيب وماريا يشطحو وكامل المهم الحفلة عدات هايلة أما آزار فكانت تتجنب راسم على قد ماتقدر خاطر ماحبتش تعلقو بيها ولا تتعلق بيه تاع الصح srtt كي فراس وراها هيا دوك وخايفة يتآدا بسببها، المهم خلاصت الحفلة والمعازيم روحو للدار أما هوما فباتو تما طلع كل واحد لبيتو اللي فرحان واللي متحير واللي خايف، المهم عدا النهار وجا نهار جديد ناضو كامل روطار خاطر ماكاين حتى قانون تما ممبعد لبسو ووجدو روحهم وهبطو تلاقاو كامل لتحت
٠زاكو: واش رايكم كامل نروحو نفطرو كيف كيف
٠صهيب: فكرة شابة، راحو كامل شافت آزار ماريا ركبت مع صهيب وكامي مع زاكو يعني ماجاياش تركب معا أي واحد فيهم وتفسد عليهم يعني لازم تركب مع راسم، راحت على سواد سعدها ركبت معاه بلا ماتهدر وهو كيف كيف بصح ساعة على ساعة يشوف معاها
٠راسم: آزار
٠آزار: وي
٠راسم: البارح، تفكرت البارح بدلت الهدرة
٠آزار: قريب نوصلو؟!
٠راسم: وي
٠آزار: إيه مليح، راسم سكت وماحبش يزيد يهدر حتى وصلو دخلو فطرو وهوما يضحكو ويغصرو ممبعد كملو راحو للقصر غير وصلو آزار طلعت جارية للبيت وغلقت الباب هوما مافهمو والو
٠صهيب: راسم ولشبيها آزار ضاربتو ؟!، راسم مهدرش هبط راسو وطلع
٠ماريا: أواه هادي فيها إن، كامي طلعت direct للبيت تاع آزار صابت الباب مغلوق
٠كامي: آزار أفتحي
٠آزار: كامي خليني وحدي تعيشي والله أني عيانة
٠كامي: أوك بصح ماطوليش ديجا عندنا خدمة للعرس
٠آزار: أوكي، هبطت كامي لتحت قعدت معاهم سقساوها عليها قاتلهم عيانة برك بعد ساعة ونص هبطت آزار قعدت معاهم وبداو يسغمو فالتصديرة وكلش ويغنيو lsl التقاليد تعرفوهم ووجدو كلش للجنة غدوا منداك ممبعد تعشاو وكل واحد وين راح كامي راحت مع زاكو يتفرجو فيلم وآزار طلعت لبيتها وراسم خرج تعشا ورجع لبيتو، المهم على ال 3.30 تاع الصباح كامل راقدين هابطة لتحت للجعلولة تقعد فيها وكانت لابسة هكذا 👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
بعد مدة ناض راسم يشوف من الطاقة ماداهش النعاس شافها وقرر يهبط ليها ويهدر معاها، هبط لعندها شافها هكذا لابسة وزيد رجلها واحد مطلعتو فوق الجعلولة ومربع والتاني طالقتو السخانة طلعتلو للراس بصح حكم روحو
٠راسم: نقدر نقعد ؟! ، ردتلو براسها تاع إيه
٠راسم: واش مسهرك لدوك
٠آزار: معلاباليش النعاس ماحبش يجيني
٠راسم: أنا علابالي علاش ، خزرت فيه تاع واش علابالك
٠راسم: ماجاكش النعاس منين قلت بلي نتي تاع موليك يعني تاعي ومنين غرت عليك ياك، آزار طلعت حاجبها 🤨
٠راسم: ونتي فهمتي بلي أنا تعجبيني ونحبك ونتي رافضة هاد الفكرة عليها
آزار: لالا
٠راسم: وشنو ؟!
٠آزار:........
Nchalh y3jbkumm had la partie atfa3lo ki l3ada merci ❤️💕
أنت تقرأ
جمعتنا القرابة {باللهجة الجزائرية}
Short Storyكرونيك جزائرية من تأليفي وكتابتي أول مرة نكتب كرونيك ونشاله تعجبكم وتتفاعلوا By me: Missane
