جمعتنا القرابة {باللهجة الجزائرية}

الحلقة 30 والأخيرة (part 01)

٠شافتو عينيها ولاو قلوب 😍، كان فكامل أناقتو (يهبل خموس على راجلي 😘)، من بعد دخلو على صوت الزغاريت والضحك مالي الدنيا، أما آزار كانت حاتتقيا قلبها من الخوف ووجدان تهدي فيها، بعد مدة انهدت الباب تقول العسكر، * باينا بلي كامي 😂😁 *
٠وجدان: أو كسريه يابنتي خير
٠آزار: سمله الرحمان الرحيم حبيتي تجلطيني وأنا مازلت صغيرة وماتزوجتش بخوك حبيب قلبي وماجبتش منو دراري وما..........
٠كامي: بلعقل بلعقل أتنفسي ياك مامتيش أني نشوف فيك لاباس بيك، _دارتلها آزار براسها تاع إيه_
٠كامي: خلاص مالا علاه هادي شاقلالة كامل
٠وجدان: أيا بلعو بلعو لزوج، ممبعد كانو يشوفو مع بعض
٠وجدان، آزار، كامي: رانا شابين 😍
٠كامي: خرجتو بوبيات ماشاء الله عليكم
٠وجدان: مام نتي عمري تهبلي🌹❤️
٠كامي: merci عمري ، ممبعد انتبهو لآزار بلي نقص حسها
٠كامي: واش نتي كلالك القط لسانك ماشي هاداوين كنتي حاتبلعيني وتخرايني ونتزوج بخوك ومانعرف وشنو
٠وجدان: ال stress عمري ومايدير
٠كامي: ياختي هيا حبت تتزوج تتحمل وتبلع كيما قالو العجايز تاع بكري اللي يحب الشباح مايقول آح، ديجا هادي والو عمري شوفي نهار يدخل عليك
٠وجدان: ياحوجي شفتي، وهوما يتغامزو 🤫😂😉 ويضحكو من تحت لتحت، وآزار زادت ماتت بالخلعة
٠آزار: ينعلبوه اللي عندو صحابات كيما نتوما، هنا وجدان وكامي ماقدروش يحملو الضحك وناضو يضحكو بالصوت 😂😂
٠آزار: 🤬😡، نهار خطبتكم ندير فيكم الباطل ولا أنا مانتسماش
٠كامي: نشاله بربي ديجا شكون قالك حانتزوج
٠وجدان: بلعي بلعي هنا تقبتيها وزاكو شكون راح يتزوج بيه خالتي العلجة واقيل ( خالتهم العلجة هادي مرا شويا كبيرا وشرموطة عندها شجرة تاع التفاح كانو كل مايخرجو من المسيد يسرقولها التفاح وهيا تجري وراهم ) #ياجدك من بكري متشردين#
٠كامي: هاهاها خليه يقعد باير هداك
٠وجدان:أنا وي صح مانتزوجش ومانيش حاطا الزواج أصلا فراسي
٠كامي: هاهاها وصرب هداك
٠وجدان: وشبيه السامط هداك
٠كامي: تعيي والله السيد هايل وباين ناس ملاح وشباب
٠وجدان: هاداك ناس ملاح الله يهديك الأخت
٠كامي: بلعي ماتعرفيش صلاحك ، زيد نقلك باين طايح فيك واش تزيدي، ونزيدلك هادي تاني كون ماتتخطبيش معايا ولاقبلي أنا مانتسماش
٠وجدان: pffff خلاص بدلي علينا ال sujet تزيدي شويا تفسديلي غوسطويا كامل ، وهنا دق الباب ودخلت ماريا
٠ماريا واش البنات راكو واجدين، أيا خفو خفو روحو طيبو القهوة راهم يستناو فيكم، وهنا آزار ولات تترعد كتر من الفلان تاع الشيكولا 😂، هبطو البنات direction للكوزينة، غير وصلو
٠كامي: يعني أنا من ال 6:00 تاع الصباح وأنا نوجد فروحي ونحطحط نجي لهنا نفسد الحطة تاعي
٠آزار: أخدمي وبلعي
٠كامي: ديجا كون نحب مانخدمش ماشي محتمة عليا because أنا من أهل العريس 😒
٠وجدان: بصح نتي دوك من أهل العروس كون عينك كون بقيتي لتحت مع خوك العريس 😑
٠كامي: هاهاها أيا أخدمي وبلعي
٠آزار: هاي الهدرة أخدمو وبلعو
٠كامي ووجدان: بلعي نتي
٠آزار: 🤐
كانو يخدمو البنات فالسكات كامي تستف فالكيسان تاع العايلة فصينية وتوجد فيها ووجدان توجد فالصينية تاع العريس (الكاس، الماء......)، وآزار تطيب فالقهوة، غير طابت القهوة كامي ووجدان جبدو آزار من يدها (بعدوها)
٠وجدان: خلاصت خدمتك يالعروسة
٠كامي: وي وي أقعدي دوك حنا نستكلفو بكلش
٠آزار: 😲😯😮
بقات تتفرج فيهم وهيا مبهمة وهوما 👇🏻
٠وجدان: زيدي مغرفة ملح ماحطيتيش بزاف
٠كامي: وي وي صح
٠آزار: 😵🤯، واش راكم ديرو
٠كامي: والو حبيبتي رانا نوجدو فالقهوة تاع العريس وأخ العروسة (يعني راسم وزاكو)
٠آزار: ياربي باغيين طرطغولي عرق ولا تقتلولي الراجل ولا خويا ، قولولي حابين تردولي خطبتي جنازة وصاي ، يا ماما أجري ليا حايطيحلي السكر مع هاد الكلبات الناس عندها الصحابات وأنا عندي العداوات
٠كامي: شوفي شوفي ديجا ولا راجلها
٠وجدان: آزار بركاي ماتزيدي فيها علابالك ماراح يصرالهم والو حبينا نضحكو برك
٠آزار: أمشيو أمشيو ، ممبعد ونتفاهمو ولا مانتسماش
راحو البنات كامي ووجدان داخلين بالسنيوة تاع القهوة تاع العايلة وآزار بالسنيوة تاع القهوة تاع راسم ، سرباوها كي لحقت كامي عند زاكو جا راح يرفد كاس وحدوخر بخلاف اللي وجدتهولو
٠كامي: لالالا هادا ماشي تاعك هاوليك تاعك خزر فيها وطلع حاجبو فاتو وكملو التسربانية وراحو يقعدو وزاكو كلا كامي بعينيه أما هيا حشمت من خزراتو ، أما راسم فمانحكيوش شويا ويدخل على آزار قدامهم (هذاك طار الحيا من وجهو بكري)
٠أم آزار: أتفضلو أشربو القهوة
راحو يشربو القهوة وكامي ووجدان ميتين ضحك ، وآزار تخزر فيهم وحابة تنغز عليهم تشنشفهم ، شربو القهوة شويا هكذا ويسمعو راسم وزاكو يسعلو ، (زاكو قريب طلعت روحو وعينيه ولاو حمورا خاطر كامي بردت كامل غشها فالقهوة تاعو تحط وتعاود فالملح تحط مغرفة مغرفة ممبعد تقول نزيد هادي) ، كامي ووجدان ماقدروش يحملو الضحك 😂😂😂 خاطر حالتهم هاديك وهوما يسعلو وطلعو حمورا مانحكيوش ، أما آزار ماتت بالخوف تخزر فوجدان وكامي وتتحلف ، أما ماريا فجاتها على السطاش عرفتها بلي خدايم كامي ووجدان دارتلهم هكدا بيدها 👍🏻 ، شافها راجلها
٠صهيب: نعرفها خدايمكوم يا دين الزحح ، يالرب حبيت نفهم enceinte وماكيش راكحة
٠ماريا: واش وش درت اك تتبلا عليا ياك مالصباح وانا لاسقة فجنابك كيما قوتلي ياك مافياش زوج
٠صهيب: مام إلا منتيش معاهم بصح l'idée تاعك نعرفها
٠ماريا: يا سبحان الله شوفو كيفاش راهو يتبلا عليا ياسيدي
٠صهيب: زعما مادرتيهاش من قبل
ماريا هبطت راسها وضحكت بتبهليل
٠ماريا: نحبك صهصوهي
خزر فيها بطرف عين 😒
نرجعو لوخرين لي قريب جافو المهم مابيذ ماكانو يحكو هادوك كانت مامات آزار صبتلهم الما ومدتلهم يشربو ، زاكو شاف شوفة مع كامي تاع علابالي بلي خدايمك وممبعد نتفاهمو عليها ، أما راسم فمتحمل وصابر المهم تكون حداه (اسيدي العشق ومايدير عمبالكم كي حالتي ديجا ممبعد نحكيهالكوم لا علينا)
المهم تقدمو لخطبة آزار ووافقو العايلتين وتفاهمو باللي العرس على شهر (السيد راه مزروب تسالوه اسيدي ؟ )