بعد ماكملوا الدراما تاعهم راحت آزار لمنين قاعدين وكامل يخزرو فيها
آزار: علابالي ماتوحشتونيش مام أنا متوحشتكمش يعني شعور متبادل، وتخزر معاهم بالواحد حتى لحقت لراسم اللي ماعرفتوش بسك كامل تعرفهم وحافضة وجههم بالواحد طلعت حاجبها 😕، شافتها كاميليا فهمتها
٠كاميليا: هذا راسم خويا علابالي ماشفيتيش عليه
نصب عينيه فيها وقعدو يخزرو فبعض
حتى سمعت العكازة طيخ فالدروج عرفت بلي جدها قلبت عينيها
٠الجد: علاسلامتكم
آزار جات خارجة
٠الجد: آزار ،حبست فبلاصتها وغرغرو الدموع فعينيها 😢 هاد الصوت اللي شحال ماسمعتوش يعيط بآسمها زادت سمعتو يهدر دورت
٠الجد: مرحبا بيك بنتي، "وهنا كامل استغربو الجد اللي كان كامل يهابوه ويخافو منو يهدر بحنية ويقول لحفيدتو بنتي الكلمة اللي عمرو ماقالها حتى لوحدة من بناتو وهذا الشي اللي خلاهم اليوم يزيدو يكرهو آزار كيما كرهو باباها"، نوليو لآزار
٠آزار: مرحبا بيا هاه زعما توحشتني وااو 👏 (تهدر وعينيها مليانين دموع) شكون أنا باش تتوحشني آه بنك اللي من صلبك ماتوحشتوش و ماحنيتش عليه تتوحشني أنا ماتتقعدش يرحم باباك
وهنا كامل تشوكاو 😲 فيها ومن الجرأة تاعها
٠يماها: آزار بركاينا من هذا لكلام واش راكي تخلطي فالهدرة أعرفي معامن أكي تحكي راهو جدك يا طفلة ، شاورلها الجد بيدوا ✋ تاع خليها
٠آزار خزرت فيها وجات حاطيح مبعد حكمت روحها سكتت و خرجت
غير خرجت وينطق العم الأكبر 'الساعيد'
٠الساعيد: هادي هيا تربيتك يا مرت خويا زعما خويا مات مرتاح خلالك أمانة تصونيها وتربيها أحسن التربية هااه خرجت ني تربية ني أخلاق
وهنا صهيب ماقدرش يتحمل وجا حاينطق حكماتو يماه من يدو ودارتلو براسها تاع خليه
عند آزار اللي خرجت وهيا قريب حاطيح لحقتها كاميليا
٠آزار: نك..ره نكره 😭 هاد الدار كره الموت اللي فرقتني على بابا، كل مانجي ليه نتفكر بابا وبدات تبكي بشهقة و كاميليا تسكت فيها وتبكي معاها 😢
عند راسم اللي ما فاهم والو ودار يدوا على خدو ويشوف من واحد لواحد 😲كيف الدراري الصغار والبنات يكحلو عليه
الجد تنهد تنهيدة قد البحر مبعد خزر معاهم شاف راسم معرفوش
٠الجد: شكون نتا ؟!
٠راسم: أنا راسم
٠الجد: آه راسم كبرت والله ماعقلتك أرواح لعندي سلم عليا ، راح راسم سلم عليه مبعد قعدو يغصرو كيف كيف
فلعشية "وقت العشاء" تلمو كامل فطابلة وحدة غير 2 عباد ماكانش "آزار و كاميليا"
٠الجد: يخصو زوج عباد وين راهم ؟! عيطولهم لازم نتعشاو كامل كيف كيف
راحوا يعيطولهم
٠آزار: أنا مانجيش قوليلهوم راهي راقدة
٠كاميليا: ماكانش منها زعما جدي حيآمن ياك تعرفيه سامط ، هيا فوجهي تعيشي
هبطوا كيف كيف غير لحقت آزار جات عينها على بلاصت باباها شكون قاعد فيها "العم الأكبر" كانت حاتروح "تولي لبيتها" حكمتها كاميليا تاع أصبري وراحو قعدو جات آزار en face راسم غير قعدت خزر مع عينيها اللي مليانين دموع ومحصورين بين شفارها وكل دقيقة يشوف معاها يلقاها مهبطة راسها وماتاكل والو غير كملو هزت روحها وطلعت لشمبرتها وغلقتها ورقدت ، *وهكدا عدا نهار كلوا وجع على ناس يتفكرو فالألم اللي عداوه فهذا القصر ونهار كلوا حقد وكره وتخطيط للشر على البعض*
جا نهار جديد، آزار كانت راقدة حتى سمعت التطرطيب فالباب
٠آزار: شكون ؟!
٠صهيب: أفتحي
ناضت جارية تفتحلو
٠صهيب: ياخاه واشبيكي هكذا مخدومة تقول هربتي لبليس
آزار ولات تضحك ومبعد سمعو التدقديق
٠آزار: أدخل
٠ماريا: صباح الخير
٠صهيب و آزار: صباح النور
٠ماريا: ياك ماديرونجيتكمش ؟!
٠آزار: واش هادي الهدرة نتي كي ختي تجي وقت ماتحبي و حتى حاجة ماتتخبا عليك
صهيب أتبسم وخزر فآزار ومبعد زاد فماريا
٠صهيب: صحا قبل ماتنسوني علاش جيت وجدي روحك باش نروحو نجيبو زاكو من المطار ، آزار ولات تعيط وتقفزز
٠آزار: منك صح؟!
٠صهيب: لالا راني نكدب باينا صح
٠آزار: ونتي ماريا تجي معانا
٠ماريا: إذا حب خوك وعلاش لالا
آزار: bien sur يحب وعلاش ميحبش
٠صهيب: مالا ماتروحيش
٠آزار: وشنوا أيا بلع بلع ديجا ماشي كيما تحب نتا كيما نحب أنا
٠صهيب: صححاا
وفي هذه الأثناء وتدخل كاميليا
٠كاميليا: واش كاين غير الخير ما سبب هذه الرينيو (كاميليا مداصرة صهيب كيما آزار ودايراتو كيف خوها وتاني هو خطيب صاحبتها ماريا اللي هيا صاحبت آزار و كاميليا قبل متكون خطيبت صهيب)
آزار: رانا رايحين نجيبو زاكو من المطار تروحي معانا ؟!
كاميليا:.....
نشاله يكونو عجبوكم الحلقات 😍😘
أنت تقرأ
جمعتنا القرابة {باللهجة الجزائرية}
Historia Cortaكرونيك جزائرية من تأليفي وكتابتي أول مرة نكتب كرونيك ونشاله تعجبكم وتتفاعلوا By me: Missane
