جمعتنا القرابة {باللهجة الجزائرية}

الحلقة 29

🧡🧡🧡 عند وجدان 🧡🧡🧡
فطنت الصباح وهي كارهة ، بقات متكية وطالقة يديها وتشوف مع البلافون ، حتى انفتح الباب ، طلعت راسها تشوف صابتها ملاك (ياك شفيتو عليها هديك اللي عاونتها باش تهرب) ، ناضت بدون سابق انذار واتقعدت ، راحت ليها ملاك تحضن وتبوس
٠ملاك: على سلامتك يازبلة ، والله اتوحشتك ، وجدان وهي مطلعا شنوفتها فالسما
٠وجدان: إيه توحشتيني هذا وين تجي
٠ملاك: سمحيلي والله مكان عمبالي ، ديجا خوك ماقاليش حتى لليوم
٠وجدان: معليه أني مسامحاتك حبيبتي 😍 ، أصلا كون نزعف عليك نتي شكون يبقالي آه ، وحضنو بعض ، وهنا دخل مهدي
٠مهدي: وأنا وين راهو الحضن تاعي ، وراح لعندهم باش يحضنوه ، طبعوه
٠ملاك: طير طير
٠مهدي: صار هكذا srtt نتي ماشي بعد الزواج تجي تقوليلي نحضنك
٠ملاك: شكون قالك حا نتزوج بيك خي بوقوقو
٠وجدان: 😲 (وجدان مع روحها: هل تسمعون ما أسمع)
٠مهدي: تتزوجي بيا عمري ونتي فرحانة 😑
٠ملاك: ..........
٠وجدان: خلاص بلعو ، سما أنا آخر من يعلم ياك
٠ملاك: الله غالب هو قالي ماتقوليلهاش 😏
٠وجدان: وأنا نقول كيفاش عاونتيني نهار ، ونتي تسمعي أسمو تترعدي وحدك ، سما هو اللي وصاك
٠مهدي: أيواه شفتي كيتخدمي هداك المخ الفارغ
٠وجدان: أي راصي خي حيوان
٠مهدي: بلعي بلعي ديجا وجدي روحك نروحو للدار
٠وجدان: قول والله وناضت تسوطي وتشطح فوق الفراش وهوما شايخين ضحك عليها ، ممبعد بدلت ولمت قشها وراحو

💙💙💙 عند صرب 💙💙💙
ناض الصباح كالعادة دار سبور وراح تحمم وفطر واخرج رايح يخدم ، ركب طونوبيلتو وراح كي كان فالطريق ضربت فراسو يروح يزور وجدان ، أتبسم وكمل للصبيطار ، وبينما هو فالطريق شاف هدوك اللي يبيعو النوار ، خمم مع روحو يديلها بوكي خاطر تعارفو فضروف ماشي مليحة وزيد كانو يضلو يضاربو ، حب يصفيها ، راح شرا وأرجع وكمل لصبيطار ، وصل دق الباب مكان حتى رد ، زاد دق كيف كيف ، أفتح الباب ماصاب حتى واحد ، شاف فرملية معدية سقساها
٠صرب: الأخت نسقسيك معليش
٠الفرملية: وي اتفضل
٠صرب: الطفلة اللي كانت هنا وين راحت !
٠الفرملية: خرجت اليوم
٠صرب: آه صحيتي ، طاحلو لمورال واقعد يشوف فالبوكي اللي جابو معاه ، وكان راح يرميه ، ممبعد ضربت فراسو
٠صرب: يا الأخت (يعيط لنفس الفرملية)
٠الفرملية: وي أتفضل
٠صرب: تعيشي هاكي هادا وروحي وزعيه على الدراري صغار اللي مراض (خاطر جابلها بوكي كبير)
٠الفرملية: اتبسمت معاه وقاتلو حاضر ، وراحت وهو كيف كيف راح لخدمتو

💜💜💜 عند كامي وزاكو 💜💜💜
ماشيين فالطريق وساكتين
٠كامي: زاكو وين رانا رايحين !
٠زاكو: نروحو نتغداو ونحكيو خاطر عندي حاجة حاب نحكي فيها معاك
٠كامي: حاضر ، ودارت براسها للكارو تشوف مع الطريق وتضرب بصباعتيها بلعقل فالتيليفون ، زاكو كان يشوف معاها وحسها اتوترت ، بعد مدة وصلو ودخلو لمطعم شيك
٠زاكو: روحي لهاديك الطابلة ، وأشارلها بيدو 👈🏻 ، راحت وهو وراها غير وصلو سبقها وجبدلها الكرسي ، هي دارت ليه وابتسمت معاه ، قعدو
٠زاكو: واش تاكلي
٠كامي: مانيش قادرة ناكل خاطر هذا وين فطرت
٠زاكو: أوكي براحتك
٠كامي: هيه علاش جبتني لهنا ؟!
زاكو: حط يدو على يد كامي اللي كانت على الطابلة ، شوفي كامي أنا نحبك ونموت عليك ومانقدرش نعيش بلا بيك (سيناريو تاع رايحين يتفارقو🤔) ، وهنا كامي زاد توترها
٠كامي: مام أنا نحبك ونموت عليك ، بصح علاش هادي الهدرة
٠زاكو: شوفي كامي أنا مادابيا نعجلو ونتزوجو ونبنيو عايلة كيف كيف أنا ونتي ، بصح.....
٠كامي: بصح واش زاكو أهدر راك خرجتلي قلبي ، هو اتفلق بالضحك عليها وهي تشوف معاه مقلقة منو ، ممبعد هزت روحها وجات رايحة ، حكمها وردها لبلاصتها
٠زاكو: واش وين رايحة
٠كامي: انا نهدر معاك srx ونتا تحرش بيا
٠زاكو: خلاص خلاص ، وقلب وجهو srx
٠زاكو: مانيش حاب نتزوجو دوك ولا حتى نديرو خطبة مدة عام ، وهنا كامي خزرت فيه متعجبة وعدة تساؤلات فراسها ؟؟؟؟؟؟
٠زاكو: شوفي كامي بعد الشي اللي صرا أنا قطعت وعد على روحي ولبابا بلي نحققلو الحلم تاعو ونكبر فالشركات تاعو ونوصلهوم لوين كان حاب وأنا أني حاب هاد الفترة نركز غير فواش راني حاب ، كامي حكمتها غصة فقلبها ، ممبعد خممت شويا مع روحها ، أما زاكو فكان يستنا فيها تنوض تعيط
٠كامي: هذا مكان خرجتلي قلبي والله ، معليه براحتك نستناك حياتي كامل إلى حبيت ، (زاكو: صدمة كبيرة) ، زاكو من الفرحة حضنها
٠زاكو: نحبك وعلابالي هذا القلب مغلطش كي حبك ، ( ها وشي كنتو حاسبين نفرقهم باش تنوضو تعرشولي ها ماخصنيش تعراش 🙂) ، كملو غصرو ممبعد فطرو وزادو راحو للبحر لعبو شويا بالما هيا تشمخ فيه وهو كيف كيف خداو سالفي مع بعض وروحو للدار (هاي الناس اللي عايشة ماشي مطايشة كيما حنا 😏🙄)