Unicode
ရွာထဲရှိ အချို့အိမ်များမှာ ပြိုပျက်နေပြီး ပင့်ကူမျှင်များ အလိမ်းလိမ်းတွယ်တက်နေ၏။ထိုဖုန်များနှင့် အကျိုးအပျက်များက လပေါင်းများစွာကြာမြင်နေသည်ဆိုတာကို ဖော်ပြနေသယောင်။သေချာသည်ကတော့ တစ်အိမ်တွင်မှ လူမရှိတော့ပေ။ခွေးတစ်ကောင်ကြောင်တစ်မြီးမှ မတွေ့ရ....
ထို့ကြောင့် Chaeyoungမှာ မျက်မှောင်ကြုတ်သွားရကာ
" ဘာလို့ တစ်အိမ်မှလူမရှိတော့တာလဲ?... အများကြီးမရှိရင်တောင် တစ်ယောက်စနှစ်ယောက်စတော့တွေ့သင့်တယ်မို့လား "
" ဒါက အကြောင်းအရင်းသုံးခုပဲရှိမယ် တစ်ခုက တစ်ယောက်မှအသက်မရှိကြတော့လို့ နောက်တစ်ခုကတော့ ဒီနေရာမှာ မနေကြတော့ဘဲ တခြားနေရာ ပြောင်းရွေ့သွားကြတာပဲ သုံးခုမြောက်ကတော့........ "
Liမင်းသမီးက ဆက်မပြောဘဲ စဉ်းစားဟန်ဖြင့် နှုတ်ခမ်းကို ကိုက်ခဲလိုက်သည်။
" သုံးခုမြောက်က ဘာလဲ? "
သိချင်စိတ်ကြောင့် မျက်လုံးအရောင်တောက်နေသော Jennie၏အမေးစကား........
" အင်း ဖြစ်နိုင်တာက..... ရွာထဲက တစ်နေရာထဲမှာ သူတို့တွေစု,နေနေကြတယ် "
Jennieက အံ့ဩစိတ်ဖြင့် ရေရွတ်ကာ
" ဟင်.....ဒီလောက်လူတွေအများကြီးကို သူတို့တွေ တစ်နေရာထဲ စုနေလို့ အဆင်ပြေနိုင်ပါ့မလား..... "
Chaeyoungက စိတ်မချမ်းမြေ့စွာ ခေါင်းရမ်းပြီး တိုးဖွသောလေသံလေးဖြင့် ဆို၏။
" လူတွေ..... အများကြီးမရှိကြတော့ဖူးလေ... "
ထိုအခါမှ Jennieသူမ စကားပြောမှားမှန်းသိသွားတော့သည်။သူမက မျက်နှာငယ်လေးနှင့်
" တောင်းပန်ပါတယ်.... စိတ်ပူသွားလို့ပါ "
Liမင်းသမီးက စိတ်ထဲမထားဘဲ သူမစကားကိုသာ ဆက်ပြောလာခဲ့သည်။
" တွေးကြည့်ရင်တော့ ပထမတစ်ချက်က အဓိပ္ပာယ်မရှိနိုင်လို့ ပယ်ဖျက်တယ်...... ဒါဆိုဖြစ်နိုင်ချေက ဒုတိယတစ်ခုနဲ့သုံးခုမြောက်ပဲ....... "
" ဒါဖြစ်နိုင်တယ် မင်းသမီး... ဒါဆိုကျွန်မတို့လုပ်ရမှာက သူတို့တွေစုပေါင်း စတည်းချနေတဲ့နေရာကို ရှာရမှာပဲ... "
YOU ARE READING
𝖈𝖍𝖆𝖓𝖌𝖊 𝖙𝖍𝖊 𝖒𝖆𝖎𝖓 𝖑𝖊𝖆𝖉
Romance" ကျွတ်! ကျွတ်!ငါရောက်နေတာဘယ်နေရာလဲ ငါအခု အိမ်မှာရှိနေရမှာ မဟုတ်ဖူးလား? " " အားးး!! ငါအခု glဝတ္ထုထဲကို ရောက်သွားတာလား " " အားးးးးး!!!! ငါအခုမြင်နေရတာ ငါ့အသဲလေး Lisa manobanလား " ZawGyi+Unicode Lisa X Jennie Chaeyoung X Jennie JisooX Jennie ♥️Jenlis...
