𝖈𝖍𝖆𝖓𝖌𝖊 𝖙𝖍𝖊 𝖒𝖆𝖎𝖓 𝖑𝖊𝖆𝖉

CTML-26

Unicode

ကြက်ဥများသည် သူမတို့လိုသာမန်လူတန်းစားများအတွက် တစ်နေ့တာ စားသောက်ဖို့မရှိမဖြစ်လိုအပ်သလို မွေးမြူထား‌သော ကြက်မများဆီမှ အလွယ်တကူရရှိနိုင်သည်ဟုဆိုလျှင် မမှားချေ။ သူမ အင်္ကျီ၏လက်ကောက်ဝတ်မှာ အနည်းငယ်နွမ်းလျကာ အချိန်မရွေးစုတ်ပြဲနိုင်သည့်ပုံ ပေါက်နေသော်လည်း ကြက်ဥခြင်းတောင်းကို သတိထားသယ်ယူရတာလောက် အရေးမကြီးခဲ့ပေ။ သူမသည် မည်သည့်အခါမှ သူမအဆင်အပြင်ကို ဂရုမစိုက်ဖူးခဲ့ပါ။အဘယ်ကြောင့်ဆိုသော်

သူမဝတ်ဆင်ထားသည့် အရောင်မွဲနေသော ဂါဝန်နှင့် ကျစ်ဆံမြီး၌ စည်းနှောင်ထားသော အရောင်မပေါ်တော့သည့် ဖဲကျစ်ကြိုးတောင်မှ သူမ၏ လှပနုနယ်သော ရုပ်ဆင်းသွင်ပြင်ကို မဖျက်စီးနိုင်ခဲ့သောကြောင့် ဖြစ်သည်။ သူမသည် သူမ၏ရုပ်ရည်နှင့် ပတ်သတ်၍မည်သို့မျှ သိမ်ငယ်စိတ်မဝင်မိခဲ့ဖူးပေ။ သူမကို တွေ့ဆုံခဲ့ဖူးသော လူတိုင်းသည် သူမရုပ်ရည်ကြောင့် ဦးစားပေးကာ ချီးမွမ်းလေ့ရှိကြသလို မနာလိုစိမ့်ရှိကြသူများလည်း ရှိကြသည်။ သို့သော် park chaeyoungဆိုသည့် ရုပ်ရည်လှပသော အထက်တန်းစား အမျိုးသမီးတစ်ယောက်က သူမအပေါ်သဘောကျနှစ်သက်သည်ဆိုသည်ကတော့ အနည်းငယ်ထူးဆန်းလှသည်။

ယောကျာ်းပျိုတိုင်းကို ဆွဲဆောင်နိုင်တဲ့ မိန်းမပျိုကလေး park chaeyoungက ဘာလို့တဲ့လဲ?....။ ပြီးတော့ ဆင်းရဲနုံချာတဲ့ သူမလို သာမန်လူစားမျိုးကိုမှ?...။ ဒါဆို သူမရဲ့ လှပလွန်းတဲ့ ရုပ်ရည်ကြောင့်လား...အိုဆိုယူရဲ့ ရုပ်ရည်က မိန်းမတစ်ယောက်ကိုတောင် ချစ်မြတ်နိုး‌လာအောင် ဆွဲညို့နိုင်စွမ်းရှိနိုင်သတဲ့လား....။နောက်ပြီး...အထက်တန်းစား မမလေးကိုမှလေ.....။

သူမသည် ကိုယ်တိုင်မွေးမြူထားသော ကြက်မဆီမှ ကြက်ဥများကို ခြင်းထောင်းထဲသို့ အသာအယာထည့်ကာ စဉ်းစားနေမိသည်။‌‌ အောက်သိုးသိုးအနံ့နှင့် ကြက်မစင်နံ့များရ‌နေသော ကြက်အိမ်ထဲတွင်သူမ၏ကိုယ်သင်းနံ့သည် ထူးဆန်းစွာ မွေးကြိုင်နေကာ ငယ်ရွယ်နုပျိုမှုများဖြင့် လတ်ဆတ်လှသည်။ မကောင်းမွန်လှသော အနံ့သက်များကြောင့် သူမ၏ပါးကလေးနှစ်ဖက်မှာ နီသွေးနေကာ ဝင်းမွတ်နေသော နဖူးပြင်တွင်လည်း ချွေးစက်များမှာ ပုလဲစက်လေးလို တင်ကျန်နေလေသည်။