صدفة

✨الجزء 44✨

جالسة مع كليكتها كاضحك و نااشطة مع راسها و ضاربة دنيا بركلة و كاتصفق بايديها على اثر الموسيقى المجهدة حتى جا السيرفور عطاتهم طلباتهم و غمز لشي حد وسطهم بلا مايقشعو حتى حد و طاحو فكيسانهم عميين و ناضو كايشطحو محيحين فداك البار بمعنى الكلمة

كان واحد فيهم حاضي ملاك ملي عاد دخلات و هو دارس خطتو و هو نفسو لي قال لابتسام تعرض عليها محيت كان جالس جنبها و سمعها و قال أن الفرصة جات حتى بين ايديه باش ياخد لي بغا و يلوحها كيف ديما كاتقمعو فاش كايبغي يتقرب منها و كبريائو كرجل و كرامتو ماهناتوش و فكل مرة كاتقمعو كايجمع ليها و حالف غايرض دقتو و دبا جا الوقت

كاتمايل بخصرها بتريقة مغرية و عينيها كايتقلبو و كأنها ماشي فوعيها و هي فعلا معاقلاش على شنو كدير حتى كاتشوف شي حد حط يدو على خصرها و كايشوف فعينيها و يبتاسم بشر

ملاك : شنو كدير اعمو هههههه و لا عرفتي شنو خليك هكااا هههههه لا كاتهرني لاااا ااااااههههههههه

كايدوز يديه على خصرها و هي كاتحسو كايهرها و شوية بعد شعر على عنقها و تحسسو بيديه و هي غا كتشوف و تفرنس و لاوية يديها على عنقو شافها تطلقاات معاه و قرب بفمو جهة عنقها كايبوسها بشوية حتى كاتقفز فبلاصتها و حس بيد على ضهرو و ضار شاف كانت ابتسام

ابتسام : سليمان شنو كدير طلق من البنت
سليمان : مالك نتي اش دخلك
ابتسام : ماتخلينيش نندم علاش جبتها طلق منها
سليمان (بعصبية) : غاتمشي تجلسي و تسدي عليا فمك و ماتورينيش شنو غاندير و اصلا راه بخاطرها سوليها

ابتسام ماتيقتوش شافت فملاك لي حاطة راسها على صدرو و حركاتها حتى شافت فيها
ملاك : ابتسام
ابتسام : ملاااك وااش حمقة و لاا ماالك زييدييي قدامي
ملاك : خليني مع حبيبي شوية

سليمان بتاسم و شاف فابتسام لي فاش سمعات هضرتها قالت مع راسها انها رتابطت معاه و كانت غادة حتى سمعات ملاك كادوي معاه

ملاك : عهد حبيبي

تلفتات عندها تشوف واش عهد لي جا لقاتها كادوي مع سليمان و جرها معاه تبلوكات و تأكدات ان فعلا ماشي فوعيها و مشات لجهة طواليطات و هزات تيليفونها كتاصل بعهد يجي يعتقها محيت عارفة سليمان و قصوحيتو و ايلا دار شي حاجة فراسو ماغيتهنا حتى يديرها .. مرة و جوج و تلاتة و والو مكايجاوبش حتى كانت غاتقطع و تحل الخط

ابتسام : ء ء خويا عهد
عهد : وي ابتسام اش كاين را مامساليش
ابتسام : عتقني ء ء زعما عتقها لا لا عتقنا
عهد : دوي مقاد را مافاهم والو
ابتسام (كاتبكي) : غايتعدا عليها اعهد عفاك اجي دغيا غايدير ليها شي حاجة عفاااك
عهد (فرانة بجهد) : كفاااش شكون هادي

عهد فاش قالت هكا اول وحدة جات فبالو هي ملاك و كايطلب الله مايكونش دكشي لي فبالو
ابتسام : ملاك اخويا ملاك ماعرف....
ااش باقي ماتقول قطع ليها فوجهها و كسيرة حتى العنوان ماخداهش محيت عارف فين غاتكون..معصب لأقصى درجة صدرو كايطلع و يزنل و وجهو حمار و عروقو خرجو و كارز على يديه حتى مشا منها الدم و ضاغط على سنانو حتى تبرز فكو و مقاال حتى كلمة محيت هاد الهدوء كانسميوه الهدوء ما قبل العاصفة