صدفة

✨الجزء 27✨

تسمع فران بجهد فأرجاء حي مهجور و الديور ديولو كبهم رسومات و الظلام لي فيه كايخليك ماتقربش و لا تدخل ليه
هبط و رما السوارت للكارد لي على برا و دخل كايتسمع صرااخ عالي دالناس و توجه نيشان للڤيستير بدل عليه و بقا جالس و فإيديه صورة ريماس حتى دخل عندو أمين و سد الباب وراه
أمين : كولشي كايتسناك برا أصاحبي
آزار : الصمت
أمين جلس جنبو و دار إيديه على ظهرو و كايدوزها عليه بطريقة رجولية
أمين : كولشي غايكون بخير
آزار : ياريت بهاد السهولة لي كاتقولها بيها نتا
أمين : اش كاين
آزار (شاف فيه و عروق وجهو خارجين و هو كارز على إيديه و عينيه كايخرج منهم الشر) : ريماس باقا عايشة
أمين تصمك و صفااار : واش منيتك أصاحبي داوي
آزار : ممم بصح (تحولو نظراتو لحب) حبيبت قلبي باقا عايشة و شكون عرف ايلا ماكنت انا و هي فنفس المدينة
أمين : اش هادشي أصاجبي ولينا كانعيشو كانحس براسي ففيلم
آزار : غانلقاخا طال الزمان و لا قصار و غاتكون ليا أنا
أمين : و ايلا لقيتيها تزوجات و دارت وليداتها
آزار : نقتلهم و نرجعها ليا و لا نقتلها حتى هي و نموت معاها المهم مستحيل نتفرق عليها مزال مستحيييل
أمين خلعو بهضرو و ولا خايف من اي حاجة تقدر توقع من بعد
أمين : تحرك أصاحبي راه تعطلنا
خرجو بجوج و هوما كايسمعو الصرااخ بإسمو
.. :" لوسيفر لوسيفر لوسيفر "
أمين وقف جنب المدرب ديال آزار و ربت ليه على ظهرو كايطمنو عليه و آزار طلع للحلبة و عينيه كايشوفو فالمنافس ديالو لي ماكيقلش عليه فبنيتو الضخمة و كايحلل كل حركة و تصرف دارو عينيه كايضورو كيف الصقر حتى تسمع صوت المعلق عطا إذن بداية المعركة
بدا المنافس كايتقدم لعند آزار و كايحاول يضربو و آزار كايرجع بلور و كايدافع على راسو و الجمهور لي معجب من تصرف ديالو و امين لي ماعجبوش هادشي لي كايدير و مشا جهة الحلبة و هو كايغوت
أمين : آزاااار آزااار ركز أصاحبي ركزز ماتراجعش ماتخليش بالك يمشي عندها
آزار معاقلش هضرة داك الرجل كاتعاود ليه فودنيه و لكن فاش سمع أمين عاد توگض و كايسمع للجمهور و هوما كايصفرو و يغوتو بسميتو
المنافس ماعقل على راسو حتى جا طايح جثة هامدة ماعاقلش بسبب الضربة لي عطاه آزار للعنق و بالضبط جهة العروق دالقلب بدا الصراخ و جا الحكم كايحسب ل3 فاش كمل طلع عينيه لقاه طار من حداه آزار عارف مزيان مستحيل يفيق منها خرج من تما و امين تبعو عاقد غوباشتو
أمين : براافو عليك اصاحبي هدا هو لوسيفر لي كانعرف ماتخلي حتى حد يشغل تفكيرك
آزار : شي خبار على ليسا
أمين : باقا مكاينة حتى خبار
آزار : واخا سير دبا للمستشفى انا نلحق عليك
خرج أمين و دوش و لبس عليه و خرج مكسيري للكلينيك نيشان

دازت 3 سوايع على دخول ليسا لعند الطبيب و باقي مكاين حتى خبار عليها فقط كايشوفو فالممرضات كايدخلو و يخرجو و هوما كايجريو
الكل جالس كايتسنا بفارغ الصبر و عهد لي حاضي نيهال و منخزر و هي معنقة أرسلان و واقفين بعيد و سوسن لي جالسة معاهم و لكن عقلها مكاينش كاتفكر فالهضرة لي قال ليها راكان و شمس لي نزلات للكافي لتحت تجيب ليهم شي حاجة ياكلوها و البقية غير جالسين و كايتحسرو على هادشي لي وصلات ليه ليسا فرمشة عين و جاد لي مادروا ماتكلم واقف بعيد عليهم جنب نيهال و أرسلان
خرجات الممرضة كاتجري و لكن تلاقات مع جاد صافي طلع ليه الدم و جا عندها زداها مع الحيط و كشاكشو خارجين
جاد : اااش واااقع ليهااا عطييونااا شي خبااار دوي
الممرضة : سيدي تهدن فاش يخرج الدكتور غا يشرح ليكم كلشي
جاد : اااش غااايشرح اااااش
جا أرسلان فكها منو و بعدو عليها
أرسلان : تبت أصاحبي
جاد : نقتلهم برررب حتى نقتلهم
مشات الممرضة و بعد شوية رجعات دخلات و شي 10 دقايق و خرج عندهم طبيب و هو حادر راسو و فاش شافوه جاو عندو كايجريو و خصوصا جاد
جاد : اااش كاين هضر خلاص
الدكتور : المريضة تعرضات لحادث خايب بزاف و لي سبب ليها فضربة فالرأس و نزيف داخلي و...
عهد : و و و وااا هضرر هضررر
سناء : تهدن اولدي كولشي بالخاطر
الدكتور : المريضة ضيعات بزاف ديال الدم و الفاصلة ديالها مكايناش حاليا فالمستشفى
شنق عليه جاد و هو فقمة اعصابو و الآخر كايحاول يتنتر منو
جاد : كانقسم برب الكعبة و ما تلقااوه و الله حتى نريب عليكم هاد الصبيطار سمعتييي
ماجدة : ولدي طلقو راه خنقتيه طلقو الله يرضي عليك
طلق منو جاد و هو مغزف و رجع فين كان واقف و هو كايسمع ليه كايدوي معاهم من بعيد
سناء : و شنو الفاصلة ديال دمها باش نشوفو واش كاينة عند شي حد
الدكتور : +A و خاصنا نلقاوها من هنا لساعة ضروري و لا غاتكون الخسائر كثيرة بالشفاء العاجل
رما ليهم هاد جوج كلمات و مشا و جوزيف مسح على وجهو و تبعو و عند نيهال لي كانت مشات للحمام فاش كان جا عندهم الطبيب و فاش جات دوا ليها أرسلان بالمختصر
نيهال : واش بصح +A
أرسلان : اه
نيهال : عندي عندي
داليا : بصح ابنتي هاا واش عندك(كاترعد)
نيهال : اه اه
عيطو على الممرضة و داتها باش ياخدو منها الدم و جوزيف بعد مدة رجع جلس جنبهم و هو ساهي
داليا : لقينا متبرع أجوزيف شفتي شحال الله كايبغينا
جوزيف : واش نيهال
داليا : اه باش عرفتي
جوزيف : لا لا والو غير تلاقيت بيها فالكولوار مع الممرضة احم
لتازم الكل الصمت حتى جات نيهال و هي شادة فإيديها و مشا عندها أرسلان عطاها قرعة دالماء و خرجها لبرا تشم الهواء
و عهد لي معاجبو حال من هاد القرب لي بيناتهم و كان خارج عندهم حتى تلاقا بآزار جاي داخل بهيبتو الرجولية و البنات كايشوفو فيه بإعجااب كبير و عهد لا يقل عنه حتى هو الكاريزما و الشخصية.. تلاقا بنيهال و أرسلان رمقهم و هو مخنزر و جا عند عهد
آزار : مال هاد خونا كاين هنا
عهد : جا مع نيهال احم فين كنتي نتا
آزار : الكومبا عاد جيت
عهد : زيد زيد عندهم
و فطريقهم تلاقاو مع الدكتور سولوه على حالتها دبا و لي ثار انتباههم هو كلامو على نيهال
الدكتور : واش آنسة نيهال كاتقرب ليها شي حاجة ؟
عهد : لا علاش
الدكتور : هاد الفاصلة كتكون غير عند الأقرباء و بالخصوص يا الام و الاب يا الإخوان
آزار : لا ماكتجيها والو غاتكون غير صدفة و صافي
الدكتور : يمكن المهم نتمناو ليها الشفاء العاجل
عهد : دبا شنو غاديرو ليها
الدكتور : غانحاولو نوقفو لينا النزيف لي جاها و نزيدونا الدم عاد غانشوفو الضربة لي فراسها
آزار : دير گاع لي فجهدك ديك البنت لي لداخل ختي تانية و ايلا وقعات ليها شي حاجة راك عارف شنو غايوقع
الدكتور : غاتنوض بالسلامة و العافية إنشاء الله نخليكم دبا
مشا الدكتور و بقاو هوما واقفين و عهد كايحلل هضرتو و البنات كايسوفو فهاد الباگص لي قدامهم و كايتغامزو بيناتهم خنزر فيهم آزار و كل وحدة مشات لخدمتها
آزار : عهد
عهد : ممم
آزار (شاف فيه بنظرات مرعببببة) : غدا فالصباح غاتكون ملاك هنا
شاف فيه عهد شوفة دالقتيل
عهد : آزااار شحال من مرة كانقول ليك فوت شغلي و ماتدخلش فيا
آزار كايشوف فيه بنظرات بااردة
آزار : لي عندي قلتو
عهد زفر بغضب شديد عارف صاحبو و ولد عمو عندو گاع خبار دالعائلة و حتى حاجة ماكتفلت عليه
عهد : آزار راك مفاهم والو فاش تعرف فهايلها نتا براسك غاتقتلها بإيديك
آزار : ملاك راه وحدة من عائلة بناني و بنت عمك زعما و قلنا شحال هتدشي بلي البنات ديال ناد العائلة غانديروهم فوق ريوسنا و غايكونو أميرات اه و لا لا
عهد(حدر راسو و هو مغزف) : كاينة
آزار : شوف عارف باغي مصلاحتها و لكن انا تايق فبنات عائلتي و عارف مستحيل ينزلو لداك المستوى
عهد : آزاااار راه عندي تصاور ديولها
آزار : داك لي صيفطهم ليك خاص لي يحويه (شاف فيه) داك الزب كامل كدوب اه بصح كانت فداك الملهى و لكن سكرانة و هادشي فاش تطي غاتحاسب عليه و نتا من هنا الفوق غاتبعد عليها و نهار لي نعرف راك قربتي ليها و لا قصتيها غاتكون قصتيني انا