صدفة

✨الجزء 37✨

أصبحنا و أصبح الملك لله

صبح صباح و جاب معاه أحداث جديدة لأبطالنا و مصير قصتنا

نبداو بسي جاد لي عقلو خارج من دكشي لي عرف البارح ماخلا حتى بلاصة ما قلب عليها فكازة ليل كلو و هو كايقلب مع رجالو المدينة كلها قلبوها و غابر ليها الآثار
جالس فوق صخرة كبيرة وسط الخلا داير ايديه على راسو و لوطو قدامو كايفكر فين ممكن تكون مشات حتى كايحس بإيدين تحطو عليه هز راسو كايشوف ألبرت لي عرف بالموضوع و جا عندو
ألبرت (جلس جنبو) : مكاين حتى خبار
جاد : لا
ألبرت : ايلا بغيتي نعلم رجالي و يبداو فالتقلاب معاكن
جاد : لا شكرا
ألبرت : نتا تعرف و دراري عارفين
جاد : لا
ألبرت : باقي مابغا يهديكم الله تتصالحو
جاد (خنزر فيه) : ماتمرضش ليا ك/ري بهاد الهضرة راسي ضارني
ألبرت : تريكة وحدة ريوسكم قاصحين المهم شنو وقع حتى خطفوها
جاد : مكانش عليا نخليها بوحدها تماك و فنص الليل
ألبرت : كفاش علاش نتا فين مشيتي
جاد : وقع واحد المشكل فالڤيلا و كان خاصني نمشي ضروري و خليتها بوحدها (كايضرب راسو) ااعهعهعععه مكانش عليا نخليها فين كاان عقلي فييين
ألبرت : تهدن أصاحبي أكيد غانلقاوها و لكن شكون غايكون خطفها
جاد : فيليب هو أنا متأكد
ألبرت : شنو خلاك تتأكد و اصلا فيليب فإيطاليا
جاد : هو لي عندي معاه حسااب أنا متأكد و ايلا كان هو مول الفعلة كانحلف حتى نهارو مايطلع فيه الشمس
ألبرت : ديك الجهة مافيهاش الكاميرات
جاد : فيها و لكن ممسوحين
ألبرت : خاصك تعلم آزار باش يدير احتياطو على العائلة
جاد : بغيتي تعلمو نتا علمو انا معالم حد
ألبرت (ضحك) : هاد العناد ديالكم كايضحكني
جاد : نوض تجمع من حدايا
ألبرت : اجي بعدا اش من مشكل وقع ليك فالڤيلا
جاد : شي حد من رجال داك الكلب دخل على الخدامة و كان غايتعدا عليها باش نتلاها معاها و نخلي ليسا بوحدها
ألبرت : و ماوقع ليها والو
جاد : شكون
ألبرت : البنت
جاد : لا
ألبرت : نخليك دبا خاصني نمشي ايلا محتاجني فشي حاجة انا موجود
جاد : الله يحفظك

ربت ليه ألبرت على ضهرو و مشا فحين جاد جاه اتصال من رجالو و جاوب
جاد : الجديد
الكارد : الساعة باقا خدامة
جاد : اوا
الكارد : كاينة تحت القصر
جاد : كفاااااش اش من قصر
الكارد : ديال سي آزار اسيدي
جاد : واخا تجمعو كلكم و غاتلقاوني عند الدورة
الكارد : واخا اسيدي

قطع جاد و رجعات بيه داكرتو للور

🔙 فلاش باك 🔙

معنقها و كايشم فشعرها و هي كاتشوف فواحد المگانة فإيديها
ليسا : زوينة بزااف
جاد : عجباتك
ليسا : كتر من القياس
جاد : شوفي فيا
شافت فيه و باسها فنيفها حتى تبسمات
جاد : واعديني عمرك تحيديها من ايديك
ليسا : وعد
جاد : واخا يوقع لي يوقع
ليسا : اه وعد
جاد (باسها جنب فمها) : كنبغيك امجنونتي
ليسا : و انا كتر